22 Tetor 2021

Forbes prezanton 10 lojtarët më të paguar në botë

New York, 23 shtator - Sulmuesi i Manchester United, Cristiano Ronaldo, ka fituar vendin e parë në listën e futbollistëve më të paguar në botë. Sipas Forbes, ai ka zbritur nga froni Lionel Messin.

Ylli portugez u bashkua me Unitedin pas 12 vitesh, pas largimit nga Juventus, ndërsa Messi ka ndërruar klubin e fëmijërisë Barcelonën,  për t’u bashkuar me Paris St Germain.

Ronaldo, ndër sportistët më të njohur në botë me mbi 500 milionë ndjekës në Facebook, Instagram dhe Tëitter, do të fitojë 125 milionë dollarë në sezonin 2021-22. 70 milionë dollarë që vijnë nga paga dhe shpërblimet në United, pjesa tjetër do të vijë nga partneriteti me markat e njohura si Nike, Herbalife, Clear dhe markën e tij CR7.

Messi, i cili kryesoi listën e vitit të kaluar, sipas Forbes zbret në vendin e dytë me 75 milionë dollarë fitime nga kontrata e tij me parizianët dhe 35 milionë dollarë nga sponsorizimet. Një total prej 110 milionë dollarësh.

Shoku i argjentinasit në PSG,  Neymar, i cili në maj nënshkroi një kontratë të re deri në vitin 2025, është i treti në listë me të ardhura totale prej 95 milionë dollarësh.

Një tjetër lojtar i PSG -së, Kylian Mbappe  me 43 milionë dollarë, është i katërti në listën e Forbes, ndërsa sulmuesi i Liverpoolit Mohamed Salah me 41 milionë dollarë, është i pesti.

Lista

Cristiano Ronaldo - 125 milionë dollarë

Lionel Messi - 110 milionë dollarë

Neymar - 95 milionë dollarë

Kylian Mbappe - 43 milionë dollarë

Mohamed Salah - 41 milionë dollarë

Robert Leëandoëski - 35 milionë dollarë

Andres Iniesta - 35 milionë dollarë

Paul Pogba - 34 milionë dollarë

Gareth Bale - 32 milionë dollarë

Eden Hazard - 29 milionë dollarë

Kalendari

Ngjarjet e datës 22 Tetor 2021

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me shoqaten e Familjeve të Heronjve dhe Dëshmorëve të Kombit për zgjidhjen e statusit të veprimtarëve invalidëve të plagosur para luftës çlirimtare në Kosovë. (Ndërtesa e Kuvendit, salla N10, ora 10:00)

- Shoqata për Teknologji të Informacionit dhe Komunikimit të Kosovës - STIKK organizon edicionin e 10-të të festivalit të teknologjisë “KosICT”. (Ambientet e “ITP Park” në Prizren, ora 10:00)

- Instituti Demokratik i Kosovës organizon konferencën “Ndikimi i dialogut me Serbinë në politikën e jashtme të Kosovës”. (Hotel Emerald, ora 10:30)

-  Komisioni Ad hoc për përzgjedhjen e kandidatëve për anëtar të Bordit të RTK-së shqyrton listën e kandidatëve të propozuar për anëtarë të Bordit të RTK-së. (Ndërtesa e Kuvendit, salla C203, ora 11:00)

- Ministria e Mbrojtjës organizon ceremoninë e betimit të rekrutëve të rijnë. (Kazerma e FSK-së “Skënderbeu” në Ferizaj, ora 11:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit miraton listën e ngushtë të kandidatëve për Drejtor të Agjencisë Kundër Korrupsionit. (Ndërtesa e Kuvendit, salla N204, ora 14:00)

- Nën patronatin e Presidentes së Republikës së Kosovës, Vjosa Osmani- Sadriu, organizohet premiera e filmit "Zgjoi". (Cineplexx -Albi Mall, ora 18:00)

- Mbahet edicioni i trtë i festivalit Lahuta, Okarina Polifionia. (Ambientet e Qendrës për zhvillimin e kultures tradicionale në Prishtinë, Rruga Xheladin Hana nr. 98, ora 18:30)