05 Dhjetor 2022

Finalja e UEFA Ligës së Kampionëve do të luhet në Portugali

Gjenevë, 13 maj - UEFA njoftoi se finalja e Ligës së Kampionëve që planifikohej të luhet në Stadiumin Olimpik Atatürk do të luhet në Stadiumin Dragao në Portugali.

Në njoftimin e bërë nga UEFA, thuhet se tifozët që dëshirojnë të shikojnë ndeshjen mes klubeve angleze Manchester City dhe Chelsea, nuk do të mund të udhëtojnë në Turqi, për shkak të masave të qeverisë britanike që po zbaton kundër pandemisë së koronavirusit të ri (COVID-19).

UEFA ka konsideruar që ndeshja të zhvillohet në Angli, por për arsye se zyrtarët britanikë nuk kanë arritur të sigurojnë përjashtim nga karantina, ndeshja do të luhet në Stadiumin Dragao të qytetit Porto të Portugalisë.

Gjithashtu është vendosur që në finale të marrin pjesë në tribunat nga 6.000 tifozë nga të dyja ekipet.

Në njoftim, mes tjerash thuhet se autoritetet turke dy vitet e fundit janë duke punuar që të sigurojnë organizim të suksesshëm të finales së Ligës së Kampionëve.

"UEFA është shumë mirënjohës për frymën e vazhdueshme të partneritetit dhe bashkëpunimit, si dhe mirëkuptimin e treguar në këtë rast të veçantë. Urgjentisht do të kërkohen mundësitë e së ardhmes për Stambollin", theksuan nga UEFA.

Ndërsa, kreu i UEFA-s, Aleksander Cerin, ka theksuar Turqia në të kaluarën ka organizuar në mënyrë të suksesshme shumë evenimente. Shpresoj të jem në një të ardhme të afërm në Stamboll dhe Turqi për finalen e Ligës së Kampionëve dhe shumë aktivitete të tjera", ka vlerësuar Ceferin.

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)