03 Shkurt 2023

Federata e Futbollit të Kosovës fillon me implementimin e sistemit VAR

Prishtinë, 17 gusht - Federata e Futbollit të Kosovës (FFK) ka filluar me implementimin e sistemit të futbollit 'Video Assitent Referee' (referim me asistencë të videove) të njohur me shkurtesën VAR.

Presidenti i FFK-së, Agim Ademi, në një prononcim për media u shpreh i kënaqur që ky sistem po fillon të implementohet edhe në futbollin kosovar, duke bërë që Kosova të jetë vendi parë në Ballkan që implementon një sistem të tillë.

Ademi tha se licencën e plotë të VAR-it FFK-ja e ka marrë sot nga FIFA, ndërsa VAR po fillon implementimin në Kosovë për periudhën më të shkurtë në histori të këtij sistemi, me vetëm gjashtë muaj proces.

“Sot jam shumë i lumtur që po e fillojmë VAR-in. Edhe zyrtarisht Kosova është me VAR dhe ai do të fillojë që nga kjo ndeshje (Prishtina-Llapi) dhe do të vazhdojë në të gjithë sezonin në ndeshjet e super-ligës. Kemi pasur problem në stadiume. Është punuar dhe intervenuar në tetë stadiume duke riorganizuar në formatin të cilin e ka FIFA për VAR”, tha Ademi.

Ademi tha se gjatë periudhës dhe rrugëtimit të VAR-it në Kosovë kanë operuar 9 operatorë dhe 38 gjyqtarë të licencuar nga FIFA deri në implementimin e tij të plotë.

Ndeshja e Super Kupës ndërmjet Prishtinës dhe Llapit, e cila filloi vetëm pak kohë pas konferencës së FFK-së në stadiumin “Fadil Vokrri” në Prishtinë, është ndeshja e parë zyrtare në të cilën po implementohet sistemi VAR.

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)

- Parlamenti i Studentëve të Universitetit të Prishtinës organizon marsh kundër Asociacionit, dhe në shënim të 53-vjetorit të themelimit të UP-së. (Biblioteka Kombëtare, ora 16:00)