18 Shtator 2019

Fatih Karabaxhaku dhe Alma Mehmeti kampion të Juniorve në pingpong

Ferizaj, 7 prill - Sot, shkollën Fillore ‘Tefik Çanga’ në Ferizaj u mbajt Kampionati individual i Kosovës për junior, ku morën pjesë rreth 70 pingpongistë e pingpongistë nga shumica e klubeve.

Garat sot filluan me garat individuale në fazën e grupeve, për të vazhduar me garat e çifteve të meshkujve, femrave dhe të çifteve të përziera, e pastaj garat individuale për meshkuj dhe femra.

Te çifte të përziera, nga 19 çifte të paraqitura, titullin e kampionit e mbrojtën Fati Karabaxhaku/Alma Mehmeti që në finale ishin më të mirë se Sylejman Çerkini/Shega Hashani, duke fituar me 3:.

Në konkurrencën e çifteve të femrave, nga 9 çifte të paraqitura, titullin e kampionit e mbrojtën Alma Mehmeti/Bleona Mehmeti që në finale ishin më të mira se dyshja Shega Hashani/Jerina Rexhapi duke fituar me rezultat 3:1.

Garë shumë e fortë u zhvillua në kategorinë e çifteve të djemve, nga 18 çifte, më të mirët në finale u përsëri dolën Fatih Karabaxhaku/Kreshnik Mahmuti që përsëri fituan ndaj dyshes Arbnor Nuredini/Blendi Hajdari, por kësaj radhe me rezultat më të ngushtë 3:2.

Në konkurrencën e junioreve në gjysmëfinalen e parë u takuan, Shega Hashani dhe Bleona Mehmeti, kësaj radhe më e mirë doli Bleona duke fituar me rezultat të ngushtë 3:2. Në ndeshjen e dytë gjysmëfinale Alma Mehmetit fitoi ndaj Jerina Rexhepit me 3:1. Në finale Alma ishte më mirë se Bleona, duke mbrojtur titullin për vitin e tretë radhazi, duke fituar me 3:0.

Në konkurrencën e meshkujve, patëm më shumë të paraqitur, andaj edhe më shumë ndeshje interesante.

Në gjysmëfinalen e parë Fatih Karabaxhaku fitoi ndaj 3:0 ndaj Aulon Bivolakut, ndërsa Kreshnik Mahmuti 3:1 ndaj Blendi Hajdarit në gjysmëfinalen e dytë.

Në finale u takuan dy lojtarët më të mirë që ofruan një ndeshje të fortë dhe plot dramë për publikun.

Kësaj radhe Fatihu ishte më i koncentruar duke fituar finalen me 3:1 e me këtë edhe titullin e tretë në këtë kampionat. Fatihu ditë më parë mori edhe lajmi për ftesën në lojërat olimpike Evropiane në Minsk.

Renditja:

Çifte të përziera:

1. Alma Mehmeti-Fatih Karabaxhaku

2. Shega Hashani-Sylejman Qerkini

3. Jerina Rexhepi-Dren Qerkini

3. Adea Babuni-Blend Hajdari

Çifte – femrat:

1. Alma Mehmeti-Bleona Mehmeti

2. Shega Hashani-Jerina Rexhepi

3. Alma Hoxha-Florentina Qorolli

3. Rinesa Imeri-Loresa Imeri

Çifte – meshkujt:

1. Fatih Karabaxhaku-Kreshnik Mahmuti

2. Blend Hajdari-Arbnor Nuredini

3. Aulon Bivolaku-Flamur Isa

3. Dren Qerkini-Sylejman Qerkini

INDIVIDUALE – F-

1. Alma Mehmeti

2. Bleona Mehmeti

3. Jerina Rexhepi

3. Shega Hashani

INDIVIDUALE – M-

1. Fatih Karabaxhaku

2. Kreshnik Mahmuti

3. Aulon Bivalaku

3. Blend Hajdari

Fituesit u shpërblyen me mirënjohje e medale e kampionët edhe me Kupa.   

Linda Zeqiri shpallet Kampione në Turneun në Tivat Open 2019

Një lajm i mirë vjen nga Mali i zi, ku motrat Zeqiri morën dy vendet e para. Linda Zeqiri zuri vendi e parë, ndërsa Hanife Zeqiri vendin e dytë, në një turne që pjesëmarrës ishin mbi 100 pingpongist meshkuj dhe femra nga vendet e rajonit.

 

Kalendari

Ngjarjet e datës 18 shtator 2019

- Kryetari i Lëvizjes Vetëvendosje Albin Kurti viziton Xhaminë e Çarshisë në Prishtinë. (Xhamia e Çarshisë në Prishtinë, ora 9:10)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, do të vizitojë Komunën e Kaçanikut ku do të takoj kryetarin e kësaj komune, Besim Ilazin, për të diskutuar rreth përgaditjes së Garës Nacionale të Sportit. (Objekti i komunës, ora 9:30)

- Specialistët stomatologë të papunë do të protestojnë para Ministrisë së Shëndetësisë. (Para Ministrisë së Shëndetësisë, ora 10:00)

- Instituti Demokratik i Kosovës organizon tryezën e diskutimit ndërmjet qytetarëve dhe kandidatëve për deputetë nga subjektet politike lidhur me temën “Qasja e subjekteve politike rreth çështjes së gjinekologut në nivel komunal”. (Hotel Sirius, ora 10:00)

- Kryetari i Lëvizjes Vetëvendosje Albin Kurti viziton Kalanë e Artanës. (Kalaja e Artanës, ora 10:30)

- Ministri në detyrë i Inovacionit dhe Ndërmarrësisë, Muzafer Shala, mbanë konferencë për media, ku do të lansojë Fondin për Mbështetjen e Ndërmarrjeve Mikro të Vogla dhe të Mesme në vlerë prej 4 milionë euro. (ndërtesa e Ministrisë së Punëve të Jashtme, kati i 3-të,  përballë New Born-it, ora 10:30)

- Oda e Afarzimit të Kosovës në bashkëpunim me Dhomën e Tregtisë në Tiranë dhe Odën Ekonomike të Maqedonisë Veri-Perëndimore organizojnë ngjarjen “Regional B2B Event”. (Holiday Inn në Shkup, 11:00)

- Ministri i Kulturës, Rinisë dhe Sportit, Kujtim Gashi, mirëpret fituesit e medaljeve të Taekwandos. (Kabineti i Ministrit në MKRS, ora 11:00)

- Lëvizja FOL organizon diskutimin e tretë në kuadër të Forumit FOL Hapur me kandidatët për Kryeministër ku i ftuari i radhës do të jetë Nenad Rašić, Kandidat për Kryeministër nga koalicioni Slloboda. (Zyrat e Lëvizjes FOL, ora 11:00)

- Kryetari i Komunës së Gjianit, Lutfi Haziri, nënshkruan kontratat me tetë përfituesit e nën-granteve, në kuadër të projektit "Te rinjtë në Agrobiznes- Regjioni Ekonomik Lindje". (Zyra e Kryetarit Haziri, ora 11:00)

- Punëtorët teknik te qendrës studentore do të protestojnë para drejtorisë së qendrës studentore. (Para drejtorisë së qendrës studentore, ora 11:00)

- Kryetari i Lëvizjes Vetëvendosje Albin Kurti viziton Ulpianën. (Ulpianë, ora 11:40)

- Komuna e Prishtinës në bashkëpunim me Zyren e Bashkimint Evropian në Kosovë organizon promovimi i shtegut për çiklistë, si fazë testuese. (Rruga Zagrebi në Prishtinë, ora 12:00)

- Kryetari i Lëvizjes Vetëvendosje Albin Kurti viziton Janjevën. (Janjevë, ora 12:20)

- Komuna e Prishtinës në bashkëpunim me Zyren e Bashkimint Evropian në Kosovë organizon tryezë diskutimi “Ecja, çiklizmi dhe transporti urban”. (Kolegji Tempulli, rr. Eduard Lir 156, ora 14:00)

- Fondacioni i Kosovës për Shoqëri të Hapur bën promovimin e publikimeve dhe organizon panel diskutimin “ Njohja e Kosovës bashkëkohore”. (Swiss Diamond Hotel, ora 14:00)

- Komisioni Qendror i Zgjedhjeve mban mbledhjen e radhës. (Ndërtesa e KQZ-së, ora 15:30)

- Iniciativa për Histori Gojore organizon lansimin e aplikacionit mobil Prishtina Ecë. (Kafe—librarinë dit’ e nat’, ora 17:00)

- Kandidati i PDK-së për Kryeministër të ardhshëm të Kosovës, Kadri Veseli, merr pjesë në takimin e organizuar nga Gruaja Demokratike. (Hotel Venus, Magjistralja Prishtinë-Lipjan, ora 17:00)

- Lëvizja Vetëvendosje! shpalos prioritetet qeverisëse. (Atelja e Sallës së Kuqe, ora 17:00)

- Federata e Piingpongut e Kosoves, organizon ndeshjet e ligës së parë, e ndeshja derbi pritet të jetë ajo ndërmjet Shkollës dhe Hasan Prishtinës. (Prishtinë, ora 18:00)

- Kryetari i Lëvizjes Vetëvendosje Albin Kurti mban tubim më banorë të fshatit Rufc. (Rufc, ora 19:30)

- Kryetari i Lëvizjes Vetëvendosje Albin Kurti mban tubim më banor në fshatin Gadime. (Gadime, ora 21:00)