20 Shtator 2020

Fabregas negocion largimin nga Chelsea

Londër, 28 dhjetor - Aventura e Francesc Fabregas me fanellën e Chelseat është praktikisht e mbyllur, aq sa futboollisti spanjoll po bën presion për t’u shkëputur që në merkaton e këtij dimri.

Me kontratën që e lidh me “blutë” e Londrës deri në muajin qershor, drejtuesit po shpresonin që të firmosnin rinovimin, për të përfituar më pas nga shitja e tij, por lojtari iberik ka udhëzuar agjentët që të bëjnë lëvizjet e duhura në janar.

“Do të jetë një projekt i ri europian dhe do të ndodhë shpejt”, kjo është fjalia pa emër e cituar nga gazeta spanjolle “Marca”, që ka nënvizuar se një burim pranë Cesc Fabregas ka diktuar rrugën e re të futbollistit.

Ish-lojtari i Arsenalit dhe Barcelonës nuk po gjen më hapësirat e duhura te skuadra aktuale, e në moshën 32-vjeçare kërkon lëvizjen e fundit drejt një formacioni elitar.

Fabregas kërkon të ikë pas festave, me një dëmshpërblim të vogël ekonomik, që është larg 10 milionë eurove të kërkuar nga Chelsea. Milan dhe Monaco janë skuadrat që e kërkojnë më shumë.

Kalendari

Ngjarjet e datës 20 Shtator 2020

- Forumi Ballkanik në emër të Platformës së Shoqërisë Civile për Demokraci dhe të Drejtat e Njeriut mban konferencë për shtyp në të cilën publikon raportin hulumtues, që është një vështrim mbi progresin e bërë nga 6 vendet e Ballkanit Perëndimor drejt zbatimit të zotimeve të tyre që nga Samiti i Ballkanit Perëndimor në Londër (2018) dhe Poznań (2019), të zhvilluara në kuadër të Procesit të Berlinit të nisur në vitin 2014. (Zyret e Forumit Ballkanik Rr. Tirana, C4/2 LAM B-N2 11-1, banesat e bardha të Prime Group, afër Euro Printy, ora 13:00)
 
- Lëvizja Vetëvendosje mban konferencë për media. (Zyret e LV-së në Arbëri, ora 14:00)