22 Nëntor 2019

Edhe në Gjilan hapet Panairi i Sportit

Gjilan, 22 tetor - Është hapur të martën në Gjilan Panairi i Sportit 2019, në të cilin kanë marrë pjesë klube sportive të të gjitha grupmoshave të profileve të ndryshme. Panairin e kanë shpall të hapur kryetari i Komunës së Gjilanit, Lutfi Haziri dhe presidenti i Komitetit Olimpik të Kosovës, Besim Hasani.

Në fjalën e hapjes, kryetari i Gjilanit, Lutfi Haziri, tha se në këtë panair, përpos ekspozimit e sukseseve të klubeve, sporteve kolektive dhe individuale, fëmijtë e vegjël dhe të shkollave mund ta shohin demonstrimine  talentëve të rinj.

“Jam i nderuar që në Gjilan është kthyer kryetari i KOK, Besim Hasani, i cili duhet të falënderohet për punën e madhe dhe misionin e tij të kompletuar në pranimin ndërkombëtar të Kosovës. Ne sot nga Gjilani, përpos ekspozimit e sukseseve të klubeve, sporteve kolektive dhe individuale, fëmijtë e vegjël dhe të shkollave mund ta shohin demonstrimine talentëve të rinj. Shpresoj që së shpejti do t’i ngjajmë sportistëve olimpik dhe do të sjellim medalje olimpike, kudo që jemi. Urime dita e festës olimpike”, ka thënë Haziri.

“Sporti  shkollor është i obligueshëm, ndërsa unë do të vazhdoj ta mbikëqyrë dhe t’i inkurajojë deri në fund të gjitha shkollat fillore dhe të mesme ta aplikojnë dhe zbatojnë këtë sepse kemi ndërtuar një infrastrukturë jashtëzakonisht të mirë shkollore”, shtoi Haziri.

Kryetari i Komitetit Olimpik të Kosovës, Besim  Hasani, e ka falënderuar kryetarin Lutfi Haziri, pwr tw cilin tha se edhe si ish-ministwr, e ka frymëzuar në rrugëtimin për ndërkombëtarizimn e sportit.

“Sot pesë vite na ka njohur Komiteti Olimpik Ndërkombëtar dhe kjo ka qenë ngjarje historike që i hapi rrugë të gjithë sportistëve që të jenë prezentë në garat ndërkombëtare, duke dëshmuar se mund t’ia dalim në konkurrencë me shtetet më të zhvilluara. T’ju përkujtoj se medalja e artë e Majlinda Kelmendit, e ka radhitur Kosovën në mesin e 100 shteteve me medaljen të artë olimpike, përderisa 106 shtete ende nuk e kanë përjetuar gëzimin. Qëllimi i këtij aktiviteti është që ata që ju vizitojnë, t’i demonstroni shkathtësitë tuaja, në mënyrë që të jemi sa më atraktiv dhe t’i inkurajojmë djemtë dhe vajzat e reja që të merren me sport”, ka thënë Hasani.

 

Kalendari

Ngjarjet e datës 22 nëntor 2019 - UBT në bashkëpunim me Institutin Shkencor Suedez-Kosovar do të mbajnë bashkërisht konferencën “30-vjetori i Rënies së Sistemit Komunist”. (Hotel Sirius, ora 9:00)

- Drejtoresha e misionit të USAID-it në Kosovë Lisa Magno do të flasë në hapjen e konferencës Vetë - Qeverisja Lokale në Kosovë - 20 Vjet. (Hoteli Swiss Diamond, ora ora 9:00)

- OJQ-Voice of Roma Ashkali and Egyptians - VoRAE organizojnë hapjen e ceremonisë të tri projekteve të financuara nga Roma Education Fund dhe Komisioni Evropian organizim ky i mbështetur nga Roma Versitas dhe Roma Education Fund, Kosovo së bashku me VoRAE. (Qendra Kulturore dhe Informative të BE-së në Prishtinë, ora 9:00)

- Instituti Demokratik të Kosovës organizon tryezën e diskutimit “Tejkalimi i sfidave të Kuvendit - nevoja për një Rregullore të re të punës”, në një diskutim të hapur me përfaqësues të partive politike parlamentare si dhe përfaqësues të organizatave vendore dhe ndërkombëtare. (Salla e konferencave Orion, ora 10:00)

- Në prag të 25 nëntorit, Ditës Ndërkombëtare për Eliminimin e Dhunës ndaj Grave, dhe fillimit të fushatës 16 Ditët e Aktivizmit, Misioni i OSBE-së në Kosovë do t’i prezantojë rezultatet e Anketës mbi Mirëqenien dhe Sigurinë e Grave në Kosovë. (Hotel Swiss Diamond, ora 11:00)

- Iniciativa për Histori Gojore përmes projektit të Programit të Kombeve të Bashkuara për Zhvillim “Dialogu ndërmjet komuniteteve përmes ruajtjes gjithëpërfshirëse të trashëgimisë kulturore”, financuar nga Instrumenti i Bashkimit Evropian që kontribuon në Stabilitet dhe Paqe, do të lansojnë aplikacionin mobil 'Janjeva Ecë'. (Restoran 2000 në Janjevë, ora 11:00)

- Grupi për Studime Juridike dhe Politike organizon konferencën për media me temë “Vetingu: Mënyra e vetme për të siguruar pavarësinë e plotë të sistemit të drejtësisë në Kosovë”. (Qendra e Konferencave Orion, ora 11:00)

- Komuniteti Merakli t'kerreve organizon protestë kundër rritjes së cmimeve për sigurimin e veturave. (Rr. Luan Haradinaj, pran Bankes Qendrore të Kosovës, ora 13:00)

- Promovohet libri "Profili i Bjeshkëve të Nemuna’’ nga Profesor Sadri A Lokaj. (Salla e Asamblesë Komunale në Deçan, ora 14:00)

- Universiteti “Kadri Zeka” në Gjilan dhe Universiteti “Hasan Prishtina” në Prishtinë, në mbështetje të Aktivitetit të USAID-it Drejtësia Vlen dhe në bashkëpunim me Odën e Avokatëve të Kosovës, organizojn diskutim në lidhje me “Klinikat Jurdike me raste reale”. (Salla A34 në Universitetin e Gjilanit, ora 14:00)

- Shoqata e Malazezëve të Kosovës organizon shfaqjen e leximit skenik të dramës “Flora”. (Qendra e zhvillimit Malazezeve në Arbëri ish Dragodan, rruga Eduard Lir 4, ora 19:00)