22 Gusht 2019

Drogba fundos Arsenalin, Çelsi rikthehet kryesues

Londër, 8 shkurt - Blutë e Londrës mposhtën 2-0 Arsenalin në derbin londinez duke u rikthyer në krye të Premier Ligës dhe njëkohësisht duke i dhënë një goditje të fortë “Topçinjve” në luftën për titull.

Skuadra e Karlo Ançelotit mbylli gjithçka që në pjesën e parë, kur Didier Drogba shënoi dy herë në portën e Almunias (8’ dhe 23’). Kaq për t’u shënuar në këtë sfidë dhe megjithë përpjekjet e Arsenalit për të gjetur rrugën e rrjetës, përballja në “Stamford Bridge” i pa vendasit triumfues.

Me këtë tripikësh Çelsi rikthehet në krye tëkampionatit anglez, duke ruajtur distancën prej dy pikësh nga Mançester Junajtid i vendit të dytë. Duket se ky do të jetë dueli që do të na shoqërojë deri në takimin e fundit, sepse me formën që po kalojnë, asnjëri nga ekipet duket se nuk ka ndërmend të lëshojë pe.

Pas javës së 25-të Blutë kanë 58 pikë, dy më tepër se “Djajtë e kuq”. Ndërkohë që Arsenali është një hap më prapa dhe tashmë e sheh veten shtatë pikë larg vendit të dytë dhe nëntë nga vendi i parë. 

Kalendari

Ngjarjet e datës 22 gusht 2019

- Mbahet seanca plenare e Kuvendit të Republikës së Kosovës në të cilën do të behët shqyrtimi i propozimit të Grupit të deputetëve për shpërndarjen e Legjislaturës së gjashtë të Kuvendit të Republikës së Kosovës. (Kuvendi i Kosovës, ora 10:00)

- Komuna e Prishtinës organizon vendosjen e pesë njësive shtesë të pemëve për pastrimin e ajrit në sheshin "Zahir Pajaziti" ku do të jetë prezent dhe Kryetari i Komunës, Shpend Ahmeti. (Sheshi i 'Zahir Pajazitit', ora 10:00)

 - Mbahet dita e tretë e Etnofestit në të cilën do të mbahet punëtoria kreative, instalacione me atelje te pikëtorëve dhe skulptorëve, punime artizanale, etj. (Ambientet e Etnofestit në fshatin Kukaj, ora 10:30)

- Kryetari i Komunës se Istogut, Haki Rugova do të organizojë dëgjimin me qytetarë për Draft Buxhetin Komunal për vitet 2020-2022. (Salla e Kuvendit Komunal në Istog, Kati III, ora 11:00) 

- Kryetari i Komunës së Prizrenit Mytaher Haskuka do të pret në takim anëtarin e Parlamentit Britanik, John Grogan ku pas takimit do të ketë edhe një konferencë të përbashkët për media. (Shtëpia e Bardhë në Prizren, ora 13:00)

- Aleanca Franceze e Prishtinës, Kino Armata dhe Termokiss organizojnë së bashku edicionin e parë të festivalit "Kino nshehër". (Termokis, ora 20:00)