09 Korrik 2020

DASH paralajmëron sulme terroriste në kampionatin Botëror të Futbollit

Washington, 16 qershor - Departamenti Amerikan i Shtetit ka dhënë alarmin për sulme terroriste potenciale në aktivitetin më të rëndësishëm sportiv të vitit, Kampionatin Botëror të Futbollit, që po mbahet në Rusi.

Departamenti Amerikan i Shtetit ka dhënë alarmin për sulme terroriste potenciale në aktivitetin më të rëndësishëm sportiv të vitit, Kampionatin Botëror të Futbollit, që po mbahet në Rusi.

Në një njoftim për udhëtimet e shtetasve amerikanë, DASH ka theksuar se duhet të kenë kujdes në udhëtimet për në Rusi.

“Ngjarjet e mëdha ndërkombëtare siç është Kupa e Botës, janë objektiv potencial i sulmeve terroriste. Edhe pse siguria në Kampionatin Botëror do të jetë e madhe, terroristët mund të sulmojnë vende të grumbullimeve masive si stadiumet dhe pikat turistike, stacionet e transporteve dhe vende të tjera publike”, thuhet në njoftim.

Shteti Islamik ka kërcënuar për pengim të zhvillimit të kampionatit që nga viti i kaluar. Autoritetet ruse kanë thënë se janë të gatshëm dhe kanë stacionuar dhjetëra mijëra staf sigurie në Moskë dhe 10 qytete të tjera që janë pritëse të fazës finale të kampionatit.

Ata po ashtu theksuan se kanë në dispozicion edhe sigurinë ajrore.

Kalendari

Ngjarjet e datës 9 Korrik 2020

- Mbahet mbledhja e Qeverisë së Kosovës. (Ndërtesa e Qeverisë, ora 9:00)

- Vazhdimi i seancës plenare të Kuvendit të Republikës së Kosovës në të cilën do të behët votimi dhe shqyrtimi i disa Projektligjeve për ratifikimin e Marrëveshjeve ndërkombëtare. (Salla e Kuvendit, ora 10:00)

- Komuna e Prizrenit bën përurimin e stadiumit në Sërbicë të Poshtme, projekt i realizuar nga Drejtoria për Kulturë, Rini dhe Sport ku do të jetë i pranishëm kryetari i Komunës së Prizrenit, Mytaher Haskuka dhe drejtoresha e DKRS-së, Emilija Redzepi. (Nisja do të bëhet nga Shtëpia e Bardhë në Prizren, ora 10:30)

- Vazhdimi i seancës plenare të Kuvendit të Republikës së Kosovës në të cilën do të behët  votimi i Propozim rezolutës nga Raportimi i Kryeministrit të Republikës së Kosovës dhe debati parlamentar lidhur me dialogun Kosovë - Serbi. (Salla e Kuvendit, ora 10:30)

- Në nderim të ushtarit amerikan Alexander Blake Klass, 20 vjeçar nga Willamina e Oregonit, që ka humbur jetën në një incident, që nuk kishte të bënte me veprim të armatosur, Shoqata "Miqtë e Amerikës" do ta ulin në gjysëm shtizë flamurin amerikan. (Sheshi “Bill Clinton” në Prishtinë, ora 11:00)

- Mbahet Seanca plenare e Kuvendit të Republikës së Kosovës. (Salla e Kuvendit, ora 11:00)

- Lëvizja Vetëvendosje mban konferencë për media në të cilën flet Albulena Haxhiu. (Zyret e LV-së në Arbëri, ora 13:00)

- Mbahet mbledhja e jashtëzakonshme e Kuvendit Komunal të Rahovecit, në të cilën do të behët shqyrtimi dhe aprovimi i Propozim vendimit për bartjen e mjeteve nga rezervat e buxhetit komunal, nga kategoria pozicionit të pagave në kategorinë e Investimeve Kapitale. (Salla e mbledhjeve të Kuvendit Komunal në objektin e ri të komunës, ora 14:00)

Mbledhja do të mbahet në sallën e mbledhjeve të Kuvendit Komunal, në objektin e ri të komunës.

- Mbahet një takim pune i organizuar nga Ministria e Ekonomisë dhe Ambientit në të cilin do të diskutohet dokumenti - Plani Hapësinor i Parkut Kombëtar Bjeshkët e Nemuna. (Ndërtesa e re e Qeverisë ish-Rilindja, salla e konferencave, kati XVIII, ora 15:00)