21 Shkurt 2020

Cristiano Ronaldo shpallet futbollisti i vitit në "Globe Soccer Awards"

Dubai, 4 janar - Cristiano Ronaldo, sulmue i Juventusit dhe një nga futbollistët më të mirë në botë, ka fituar çmimin lojtari më i mirë i vitit 2018 në "Globe Soccer Awards".

Në ceremoninë e çmimeve të zhvilluar në Dubai, ylli portugez ka lënë pas Antoine Griezmann të Atletico Madridit dhe Kylian Mbappe të PSG-së duke marrë për herë të tretë çmimin në kategorinë lojtari më i mirë.

Ronaldo, i cili ka marrë edhe çmimin në kategorinë "përzgjedhja e tifozëve", në një fjalim pas ceremonisë ka thënë: "Unë nuk mund të hyja në Vitin e Ri më mirë se kështu. Dua t'i falënderoj të gjithë për interesin e lartë të treguar dhe çmimet."

Ndërkohë, drejtuesi teknik i kombëtares së Francës, Didier Deschamps, ka fituar çmimin trajneri i vitit, ndërsa çmimin e karrierës e ka marrë futbollisti legjendar brazilian, Ronaldo.

Kalendari

Ngjarjet e datës 21 shkurt 2020  - Mbahet takimi i 178-të i Këshillit Prokurorial të Kosovës. (Objekti i Prokurorisë së Shtetit, ora 10:00)

- Grupi për Ballkan dhe anëtarët e tjerë të Grupit për Politika dhe Avokim Kosovë – Serbi mbajnë tryezën e diskutimit për të arriturat e dialogut teknik Kosovë – Serbi. (Hotel Swiss Diamond, ora 10:00)

- Kryetari i Komunës së Gjilanit, Lutfi Haziri pret në takim ministren e Kulturës, Rinisë dhe Sportit, Vlora Dumoshi (zyra e kryetarit, ora 10:30)

- Presidenti i Republikës së Kosovës, Hashim Thaçi, merr pjesë në akademinë përkujtimore për heroin Shaban Polluzha, me rastin e 75 vjetorit të rënies së tij. (Biblioteka Kombëtare, ora 12:00)

- Kryetari i Komunës së Gjilanit, Lutfi Haziri pret në takim kryetaren e Kuvendit të Republikës, Vjosa Osmani (zyra e kryetarit, ora 15:00)

- Kryeparlamentarja Osmani mban fjalim para kuvendarëve të Gjilanit e më pas viziton shkollën fillore “Thimi Mitko”. (Salla e Kuvendit te Komunës së Gjilanit, ora 15:30)

- Kryeparlamentarja, Vjosa Osmani dhe Kryetari i Komunës së Gjilanit, Lutfi Haziri do të shkojnë për vizitë ngushëlluese në familjen Bllaca. (Gjilan, ora 17:00)

Festivali Nderkombetar i Animacionit Anibar organizon natën e shfaqjes së filmit Please Vote for Me" dhe dhurimit të librit nga truAktiv. (Kinema "Jusuf Gërvalla" në Pejë, ora 19:00)