24 Shkurt 2020

Chelsea kërkon t’i marrë Lewandoskin

Londër, 7 prill - Chelsea kërkon me çdo kusht që të sjellë në radhët e tij një sulmues të një niveli të lartë dhe së fundmi në media po përmendet emri i Robert Lewandowskit, autor i dy golave për Bajernin e Mynihut në fitoren 5-0 në klasiken me Borussian e Dortmundit.

Për momentin Chelsea po vuan dënimin e dhënë nga FIFA për bllokim të merkatos në 2 sesionet e ardhshme, por Blutë e kanë apeluar këtë vendim në Gjykatën e Arbitrazhit Sportiv në Lozanë me shpresën që ajo të pranohet nga ky institucion në seancën që do të mbahet gjatë këtij muaji.

Chelsea dështoi me blerjet e kaluara përsa i përket repartit të sulmit siç ishte rasti i Alvaro Moratës, ndërkohë që edhe ardhja e Gonzalo Higuain me huazim nga Juventusi nuk ka pasur impaktin që pritej me argjentinasin që ka shënuar 3 gola në 11 ndeshje

Kështu që sytë janë hedhur nga Lewandowski përfaqësuesit e të cilit sipas medias britanike kanë nisur bisedimet me drejtuesit e Chelseat për transferimin e polakut në Londër. Robert Lewandowsku u transferua te Bayerni i Mynihut para 5 vitesh duke fituar me skuadrën bavareze 4 tituj kampionë të Bundesligës.

Kalendari

Ngjarjet e datës 24 shkurt 2020 - Zyra për Komunikim Publik e Zyrës së Kryeministrit dhe Agjencina për Informim dhe Privatësi mban sesion informues për zbatimin e Ligjit për Qasje në Dokumente Publike. (Hotel “International Pristina”, ora 9:00)

- Kostituohet Komisioni për Bujqësi, Pylltari, zhvillim Rural, Infrastrukturë dhe Mjedis. (Ndërtesa e Kuvendit, salla N 302, ora 10:00)

- Drejtoria e Inspekcionit në Komunën e Prishtinës do të fillojë zbatimin e dy vendimeve për rrënim në të njëjtën kohë, në rr. Musa Tolaj në Lakrishte. (Takimi me mediat bëhet në rrugën, Musa Tolaj, ora 10:00)

- Ministria e Arsimit, Shkencës, Teknologjisë dhe Inovacionit organizon lansimin e projektit strukturor Erasmus + “Ngritja e kulturës kërkimore në arsimin e lartë në Kosovë”. (Ndërtesa e MAShTI, ora 10:00)

- Demokracia Plus organizon tryezën e organizuar ku do të diskutohet mbi dyfishimin e pozitave të nëpunëse civil si rezultat i ristrukturimit të Qeverisë nga 21 në 15 ministri. (Salla e konferencave Orion, ora 10:00)

- Grupi Parlamentar i Aleancës për Ardhmërinë e Kosovës organizon tryezë për taksën 100 për qind ndaj produkteve nga Serbia dhe Bosnja. (Hapësirat e Kuvendit të Kosovës, ora 10:00)

- Konstituohet Komisioni për të Drejtat dhe Interesat e Komuniteteve. (Ndërtesa e Kuvendit, salla N 10, ora 10:00)

- Përurohet libri “Shoqëri e të shtypuri shkronja shqip 1879” të autorit Besim Kabashi i cili më pas do të mbajë një ligjëratë me titull “Një korpus për gjuhën shqipe”. (Amfiteatri i Fakultetit Ekonomik të Universitetit “Ukshin Hoti” në Prizren, ora 11:00)

- Konstituohet Komisioni për të Drejtat e Njeriut, Barazi Gjinore, për Persona të Pagjetur dhe Peticione. (Ndërtesa e Kuvendit, salla N 204, ora 11:00)

- Përurohet laboratori i mikrobiologjisë në Klinikën Infektive të Qendrës Klinike Universitare të Kosovës, i ndërtuar me fondet e projektit “Mbështetje për Sistemin Shëndetësor të Kosovës”, nga Agjencia Italiane për Bashkëpunim dhe Zhvillim. (Klinika Infektive, ora 12:00)

- Hapet ekspozita “Ballafaqimi me të harruarën”. (Biblioteka Kombëtare, ora 12:00)