17 Tetor 2019

Botërori 2018 ndikoi në rritjen e ekonomisë së Rusisë

Moskë, 16 tetor - Botërori i futbollit i këtij viti ndihmoi në rritjen e ekonomisë ruse. Vendi siguroi përfitime prej më shumë se 14 miliardë dollarësh nga turneu më i rëndësishëm futbollistik, shifër kjo që është sa 1 për qind e prodhimit të brendshëm bruto.

Gjithçka u konfirmua nga Komiteti organizator i Kupës së Botës, gjatë një konference të zhvilluar në Doha.

“Shifrat e raportuara janë vërtet surprizuese”, tha presidenti i Komitetit Organizativ të Kupës së Botës, Alexey Sorokin, në konferencën e zhvilluar në Katar, ku do të zhvillohet edicioni i radhës i Botërorit të vitit 2022.

Përllogaritjet tregojnë se impakti i Kupës së Botës në GDP-në e vendit në periudhën 2013-2018 ishte 14.5 miliardë dollarë, por jo vetëm kaq. Në raportin e publikuar nga organizatorët theksohet se, gjatë turneut u krijuan edhe 315 mijë vende pune dhe se ky impakt do të vazhdojë të ndihet në vend edhe për 5 vitet e ardhshme.

Pavarësisht paralajmërimeve përpara fillimit për huliganizmin dhe situatën politike, edicioni i këtij viti të Kupës së Botës në Rusi u konsiderua një sukses i vërtetë.

Kalendari

Ngjarjet e datës 17 tetor 2019 - Presidenti i Republikës së Kosovës, Hashim Thaçi, pret në takim Lartmadhërinë e saj, Sophie, Konteshën e Wessexit. (Kabineti i Presidentit, ora 9:00 - vetëm pamje)

- Komisioni Qendror i Zgjedhjeve mban mbledhjen e radhës. (Selia e KQZ-se, ora 9:30)

- Dogana e Kosoves organizon ceremoninë e shprendarjes se certifikatave për dy kompanitë kosovare të certifikuara si Operator Ekonomik të Autorizuar. (Objekti i Drejtorise se Doganes në Emshir, ora 10:00)

- Ambasada Britanike dhe Qendra e Rehabilitimit të Kosovës për Viktimat e Torturës po mbajnë një konferencë për të filluar rezultatet e hulumtimit paraprak në traumën transgjeneruese në lidhje me Dhunën Seksuale të Lidhur me Konfliktin. (Hotel Swos Diamond, ora 10:30)

- Mbahet punëtoria “Shkolla e Mozaikut”. (Muzeu Kombëtar e Kosovës, ora 11:00)

- Mbahet protestë pasi Akademia Suedeze e Shkencave shpërbleu me çmimin Nobel për Letërsi, autorin austriak Peter Handke, një mbështetës i gjenocidit dhe luftërave në ish-Jugosllavi nën regjimin e Sllobodan Millosheviqit. (Para Ambasadës së Suedisë, ora 11:00)

- Lëvizja FOL, Çohu, INPO, Instituti Columbus dhe Open Data Kosovo organizojnc konferencën e përbashkët të cilën do të prezantohet Raporti i monitorimit të aktivitetit të prokurimit rreth rrotulimit Rreth rrotullimi Lakrishtë - Rreth rrotullimi Arbëri. (Zyrat e Lëvizjes FOL, ora 11:00)

- Prokurori i Shtetit do të mbajë konferencë për media. (Objekti i Prokurorit të Shtetit, kati III, salla e takimeve të Këshillit Prokurorial, ora 11:30)

-  Organizata për Rritjen e Cilësisë në Arsim organizon debat me studentët e Fakultetit të Ndërtimtarisë dhe Arkitekturës për identifikimin e problemeve në këto fakultete dhe zgjidhjen e tyre përmes formave të ndryshme të mbështetjes së studentëve. (Fakulteti i Ndërtimtarisë dhe Arkitekturës, ora 15:00)

- Ambasadorja e Francës, Marie-Christine Butel do të ketë nderin të dekorojë znj Nerimane Kamberi me Urdhrin e Palmave Akademike. (Rezidenca e Francës, ora 18:30)

- Galeria e Ministrisë së Kulturës organizon hapjen e ekspozites "Post-Avangarda Lindore" te autorëve Adrian Çene, Brikena Bërdo dhe Albana Shoshi. (Galeria e Ministrisë së Kulturës, ora 19:00)