18 Gusht 2019

Bëhen bashkë asat e boksit në Kosovë, ngrënë darkë pa dy emra të mëdhenj

Prishtinë, 2 gusht - Në një atmosferë të rrallë, 40 kilometra metra larg Prishtinës apo 3 kilometra larg qytetit të Ferizajt, në fshatin Balaj, asat e boksit të Kosovës, disa ish boksier të gjeneratës së artë, u bënë bashkë dhe darkuan në restorantin “Ujëvara” te gjyqtarit Fatmir Hoxha.

Dhe, në këtë darkë munguan dy emra të mëdhenj të boksit, nënkampioni i botës në vitin 1978 Mehmet Bogujevci dhe fituesi i medaljes së bronztë olimpike në vitin 1984 në Los Anxhelos, Aziz Salihu. Munguan me apo pa arsye, më së miri e dinë Bogujevci dhe Salihu, ndonëse ky i fundit ka pasur arsye se ka qenë në të pame për motrën që ndërroi jetë para disa ditëve.   

Fundja,  asat u bënë bashkë, folën gjer e gjatë për boksin në përgjithësi dhe u kënaqen sikur në ditët më të mira kur ishin në fanellën e klubit më të suksesshëm shqiptar, Prishtina, pesë herë kampion dhe gjashtë herë nënkampion i ish Jugosllavisë.

Majtas i pari, Agim Tahiraj, gjyqtar dhe ish boksier, ish boksierët e mirënjohur Fatmir Makolli, Beqir Berisha, Xhevdet Peci dhe në mes është Selajdin Gashi. I pari djathtas Latif Demolli, gjyqtar ndërkombëtar dhe ish boksier, ish boksierët e mirënjohur Afrim Majanci, Naser Bajrami, si dhe Fatmir Hoxha, gjyqtar.

Kalendari

Ngjarjet e datës 19 gusht 2019

- Mbahet mbledhja e Komiteti për Politik dhe Financa e Komunës së Rahovecit. (Komuna e Rahovecit, ora 10:00)

- Shoqata "Miqtë e Amerikës" festojnë ditëlindjen e mikut të madh të shqiptarve e mbar njerëzimit ish Presidentit të SHBA, Billi Clinton . (Zyret e shoqatës "Miqtë e Amerikës", që gjendet afë Agjencisë së Statistikave të Kosovës përball Parlamentit, ora 11:00)

- Mbahet ceremonia solemne e hapjes së punimeve të Seminarit XXXVIII Ndërkombëtar për Gjuhën, Letërsinë dhe Kulturën Shqiptare. (Biblioteka Universitare, ora 11:00)

- Komuna e Prizrenit dhe Ministria e Kulturës, Rinisë dhe Sportit bëjn përurimin e Stadiumit Ndihmës në lokacionin Boka Boka. (Fshati Korishë në Prizren, ora 11:00)

- Bëhet shfaqja për media e filmit "Shpia e Agës" i Lendita Zeqirit (Kinema Cineplexx, ora 13:00)

-  Komuna e Prizrenit në kuadër të hartimit të buxhetit për vitin 2020 do të organizojë dëgjime publike me banorët e rajonit të Hasit dhe Anadrinit, me qëllim të angazhimit të tyre në procesin e hartimit të buxhetit, transparencës, gjithëpërfshirjes dhe llogaridhënies ndaj qytetarëve. (Shtëpia e Kulturës në Gjonaj, ora 19:00)