25 Shtator 2020

Barcelona shkarkon Valverden, Setien trajneri i ri

Barcelonë, 13 janar - Barcelona ka shkarkuar trajnerin e saj Ernesto Valverde pas dy vjet e gjysmë në këtë post, duke e zëvendësuar atë me ish-trajnerin e "Realit" të Betisit, Quique Setien.

Gjatë kohës që 55-vjeçari Valverde ishte trajner, klubi katalonjas fitoi dy tituj të njëpasnjëshëm në "La Liga" dhe tani kryeson renditjen në kampionatin spanjoll, me golavarazh më të mirë se "Reali" i Madridit.

Sidoqoftë, "Barça" është kritikuar për paraqitje të paqëndrueshme gjatë kohës që ka qenë nën drejtimin e tij, përfshirë edhe largimin shokues nga "Liga e Kampioneve" sezonin e kaluar pas humbjes 4-0 me "Liverpulin" në gjysmëfinale, megjithëse kishte fituar 3-0 në ndeshjen e parë.

Humbja 3-2 e "Barcelonës" ndaj "Atletikos" së Madridit në gjysmëfinalen e Superkupës Spanjolle të enjten shkaktoi largimin e Valverdes.

Ai është trajneri i parë i shkarkuar në mes të sezonit nga "Barcelona" që prej largimit të Louis van Gaal-it në janar 2003.

66-vjeçari Setien nënshkroi një kontratë me "Barçën" deri në vitin 2024.

Ai e udhëhoqi "Realin" e Betisit në renditjen e vet më të mirë në "La Liga" që nga viti 2005 dhe në gjysmëfinalen e Kupës së Mbretit, para se të largohej në maj.

Kalendari

Ngjarjet e datës 25 Shtator 2020 - Zyra e Koordinatorit për Zhvillim të Kombeve te Bashkuara në bashkëpunim me Kryesinë e Kuvendit ri themelojn Këshillin SDG në Kuvendin e Kosovës. (Kuvendi i Kosovës, oborri para hyrjes kryesore, ora 9:00)

- Vazhdon seanca plenare e Kuvendit te Republikës së Kosovës. (Salla e Kuvendit, ora 10:00)

- Shefi i Grupit Parlamentar të PDK-së, Bedri Hamza, mban konferencë për media. (Hyrja e Kuvendit nga sheshi, ora 10:00)

- Drejtoria për Turizëm dhe Zhvillim Ekonomik, në vazhdën e aktiviteteve të realizuara me rastin e Ditës Botërore të Turizmit do të bëjë prezantimin e raportit të punës së kësaj drejtorie, që nga viti 2018 e deri më sot. (Salla e mbledhjeve të Kuvendit Komunal në Shtëpinë e Bardhë, ora 10:00)  

- Drejtoresha për Kulturë në Komunën e Prishtinës, Blerta Basholli dhe artisti Sislej Xhafa do të mbajnë konferencë për shtyp. (Ndërtesa e vjetër të Komunës, ora 11:00)

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të mbajë konferencë për media, në të cilën do të prezantoj raportin analitik të aplikimit të Konventës Evropiane për të Drejtat e njeriut dhe jurisprudencës së Gjykatës Evropiane për të Drejtat e Njeriut nga Gjykatat e Republikës së Kosovës. (Hotel Sirius, ora 11:00)

- Mbahet mledhja e jashtëzakonshme e Kuvendit të Shoqatës së ndërmarrjeve që merren me qarkullimin e naftës, derivative të naftës, gazrave dhe lubrifikanteve “SHQNGL”, i ftuar është edhe Ministri i Tregtisë dhe Industrisë Vesel Krasniqi. (Objekti i Odës Ekonomike të Kosovës, ora 11:00)

- Bëhet inaugurimi i veprës "trëndafili i bardhë" nga Sislej Xhafa, që është vepra e parë e projektit "Art në Hapësirë Publike". (Rruga "Andrea Gropa", te "Klubi i Pëllumbave" ora 11:45)

- Konstituohet Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës. (Ndërtesa e Kuvendit, salla C203, ora 12:00)

- Partia Socialdemokrate do të mbaj një aktivitet afër bankës "Pro Credit Bank". (Përballë rektoratit të UP-së, lagjia "Tre Sheshirat", ora 13:00)

- Mbahet seanca plenare e Kuvendit te Republikës së Kosovës. (Salla e Kuvendit, ora 13:00)

- Platforma Bashkë-krijuese GërrGërr prezanton programin, “Kuzhina Anasjelltas”. (Kino Bahçe, te Lumbardhi në Prizren, ora 18:00)

- Fillon edicioni i dytë i festivalit Lahuta, Okarina Polifionia. (Ambientet e Qendrës për zhvillimin e kultures tradicionale në Prishtinë, ora 18:30)