15 Nëntor 2019

Barcelona me buxhet prej 1 miliard e 47 milionë euro

Barcelonë, 8 tetor - Partnerët e Barcelonës kanë aprovuar buxhetin më të madh në historinë e tyre për sezonin 2019/20.

Skuadra katalanase do të ketë 1 miliard e 47 milionë Euro për sezonin aktual duke parakaluar shifrat e sezonit të kaluar, një kapërcim që sipas aksionerëve përfaqëson një gur themeli në futbollin më popullor të planetit, si askush më parë.

Skuadra katalanase parashikon që të ardhurat do të rriten me të paktën 6%,kjo falë politikave të ndjekura nga klubi pavarësisht ndryshimit të hierarkisë drejtuese, e që e kanë bërë Barcelonën një nga skuadrat më të lakmuara të globit.

Oscar Grau, CEO i klubit blaugrana, shpjegoi se 1,047 milion euro si projeksion i tyre është më i larti që ata kanë pasur, me fitimet e vlerësuara në 213 milionë euro.

Grau gjithashtu theksoi se ata kanë arritur një ulje të pagës prej 18 milionë euro, e cila paraqet një rënie prej tre% dhe ruan bilancin financiar të kërkuar nga FIFA. Me 532 vota pro dhe 90 kundër, llogaritë 2018/19 u aprovuan dhe ato treguan të ardhura prej 990 milionë euro, që përfaqësojnë një rritje prej 8 % në sezonin e kaluar.

Si për ironi të fatit, Barcelona ka përmirësuar ndjeshëm financat sezonin e kaluar, pas shitjes së sulmuesit brazilian Nejmar, i njëjti futbollist që katalanasit provuan ta blejnë deri në ditën e fundit të merkatos së verës, e me gjasë do ta provojnë edhe verën e ardhshme. 

Kalendari

Ngjarjet e datës 15 nëntor 2019 - Klinika e Neonatologjisë dhe Shoqata e Neonatologëve të Kosovës, organizojnë Konferencën e I-rë nderkombëtare. (Hotel Garden, ora 9:00)

- Policia e Kosovës në shënim të ditës botërore të përkujtimit të viktimave në trafikun rrugor, në bashkëpunim me Këshillin e Sigurisë në Trafikun Rrugor dhe me Shoqatën e Sigurimeve , do të mbaj tryezë për shënimin e kësaj dite. (Salla Orion në Prishtinë në afërsi të Kino ABC, ora 9:30)

- Ministria e Arsimit, Shkencës dhe Teknologjisë organizon tryezën dhe punëtorinë me temën “Status quo e Zhvillimit të Kërkimit dhe Inovacionit në Kosovë: Ide rreth së ardhmes së K&I në Kosovë”, mbështetur nga Projekti HERAS i cili përkrahet nga Qeveria e Austrisë. (Hotel Sirius, ora 9:30)

- Komisioni i Pavarur për Miniera dhe Minerale mban punëtorinë lidhur me “Udhëzuesin për miradministrimin e aktiviteteve minerare dhe mjedisore. (Hotel Amazona, ora 10:00)

- Programi i Kombeve të Bashkuara për Zhvillim në Kosovë, përmes projektit Interdev 2, organizon një panair me shoqatat e grave prodhuese për të shënuar Ditën Ndërkombëtare të Sipërmarrësisë së Grave. (Qendra Kulturore në Viti, ora 11:00)

- Ministria e Mbrojtjes organizon ceremoninë e certifikimit të rekrutëve të rinj të FSK-së, gjenerata e dytë 2019. (Kazerma 'Adem Jashari' në Komandën e Forcave Tokësore në Prishtinë, ora 11:00)

- Komuniteti artistik organizon takim përkujtimor për regjisoren Arzana Kraja. (Teatri Kombëtar, ora 12:00)

- Organizata ETEA dhe Kuvendi i të Rinjve të Prishtinës organizon ceremoninë e hapjes të minibibliotekës së lagjes Ulpiana. (Te fontana në lagjen Ulpiana, ora 12:00).

- Ministri i MMPH-së, Fatmir Matoshi, do të nënshkruajë gjashtë Udhëzime Administrative që avancojne fushën e kadastrës dhe regjistrimit të pronës. (Zyret e Agjencisë Kadastrale të Kosoves, ndërtesa e Arkivit të Kosovës, ora 14:00)

- Kryetari i Gjykatës Themelore në Gjilan, Ramiz Azizi, do të mbajë një konferencë për media në të cilën do të prezantohet raporti nga muaji korrik deri në muajin tetor për Gjykatën Themelore të Gjilanit, së bashku me Degët e saja. (Gjykata Themelore Gjilan, ora 14:30)

- Mbahet marsh përkujtimor në këmbë nga Lagja Arbëria, rrugës Fehmi Agani deri te Teatri Kombëtar ku do të bëhet ndezja e qirinjve në përkujtim të viktimave që kanë humbur jetën në aksidente në trafikun rrugor. (Kolegji i Shkencave të Aplikuara Teknike “Tempulli”, ora 18:00)

- Mbahet stërvitja e Kombëtares së Kosovës. (Stadiumi ‘Fadil Vokrri’, ora 18:00)

- Galeria e Ministrisë së Kulturës organizn hapjen e ekspozitës individuale të autores Lumjetë Havolli, e titulluar "Is This Me...Or i Do it For You Only!?". (Galeria e Ministrisë së Kulturës, ora 19:00)

- Qendra për Informim dhe Përmirësim Social feston hapjen e Linjës telefonike për parandalim të vetëvrasjes "Linja e Jetës" në Kosovë! (Menza Ramiz Sadiku, ora 21:00)