31 Janar 2023

Barcelona, ekipi më i vlerësuar financiarisht

Madrid, 3 shkurt - Një studim gjerman mbi vlerën e tregut të futbollistëve të skuadrave europiane, nxjerr Barcelonën si ekipin më të vlerësuar financiarisht. Në total, 21 lojtarët e Guardiolës kapin shumën 514 milion euro.

Pas Barçës, renditen Reali i Madridit, Çelsi, Mançester Junajtid, Interi, Liverpuli, Arsenali, Juventusi, Milani dhe Bajerni i Mynihut. PremierLiga është kampionati me vlerën më të madhe, me 3.2 miliardë euro e ndjekur nga Liga Spanjolle e Seria A italiane.

Mesi vlerësohet me 70 milion euro. Pas tij, vijnë me rradhë Kristiano Ronaldo, Çavi, Iniesta dhe Kaka’.

Sipas studimit nga faqja gjermane “transfermarket.de”, klubi katalanas është më i kuotuari në tregun europian. Premier Liga, kampionati më i pasur. Që Barça është ekipi më i mirë i planetit, këtë nuk e vë njeri në dyshim. Jo vetëm kaq: sipas një studimi mbi vlerën në merkato të futbollistëve në kampionatet europiane, rezulton që vlera e përgjithshme e 21 lojtarëve që stërviten nga Guardiola arrin në 514 milion euro.

Më pas renditet Reali i Madridit me 473 milion euro, Çelsi436, Mançester Junajtid 374, Interi 360, Liverpuli 321, Arsenali 304, Juventusi 266, Milani 251 dhe Bajerni i Mynihut 239.

Leo Mesi vlerësohet 80 milion euro, ndërkohë që blerja më e shtrenjtë e të gjitha kohërave, Kristiano Ronaldo, vlerësohet me 75 milion euro. Ksavi çmohet me 65 milionë, një më shumë se Kaka. Çesk Fabregas vlerësohet me 55 milionë, dy më tepër se Uejn Runi. Më pas vijnë Zherrard e Torres me 50, ashtu si Frenk Riberi. Lampard dhe Ibrahimoviç kuotohen me 45 milionë, edhe pse ky i fundit u ble nga Barcelona për 69 milion euro. Samuel Eto, lojtari më i shtrenjtë i Interit, vlen 40 milionë, ndërkohë që zikaltrit kanë paguar vetëm 15.

Në bazë të këtyre kritereve, Premier Liga është kampionati me vlerën më të lartë me 3.2 miliard euro, i ndjekur nga La Liga me 2.6 miliard, Seria A 2.4, Bundesliga 1.6 dhe Liga 1 franceze 1.5 miliard.

Kalendari

Ngjarjet e datës 31 janar 2023

- Presidentja e Republikës së Kosovës, Vjosa Osmani Sadriu, kryeministri Albin Kurti dhe zëvendëskryeministrja Donika Gërvalla bëjnë homazhe te shtatorja e heroit Zahir Pajaziti, në 26 vjetorin e rënies së heronjve Zahir Pajaziti, Hakif Zejnullahu dhe Edmond Hoxha. (Sheshi “Zahir Pajaziti”, ora 9:00)

- Instituti Demokratik i Kosovës mban konferencën për media, ku do të publikohen rezultatet e Indeksit të Perceptimit te Korrupsionit për vitin 2022. (Zyrat e KDI-së, ora 9:00)

- Komisioni për Legjislacion shqyrton Projektligjin për Byronë Shtetërore për verifikimin dhe konfiskimin e pasurisë së pajustifikueshme. (Kuvendi i Kosovës, salla N302, ora 10:00)

- Komisioni për Çështje të Sigurisë dhe Mbrojtje shqyrton Projektligjin për mbrojtjen e informacionit të klasifikuar. (Kuvendi i Kosovës, salla N204, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N225, ora 10:00)

- Qendra Kosovare për Studime të Sigurisë (QKSS) publikon “Raportin për Vlerësimin Bazë të Dhunës në Baza Gjinore në Kosovë: Perceptimet e Komunitetit dhe Palëve të Interesit”. (Hotel “Sirius”, ora 10:00)

- Gazetarët afganë që kanë mbërritur sonte në Kosovë, Amina Omid, Ahmad Shaker, Nimatullah Gholami dhe Raifullah Nikzad mbajnë konferencë për media. (Zyret e Asociacionit të Gazetarëve të Kosovës, ora 10:30)

- Komisioni për Ekonomi, Industri, Ndërmarrësi dhe Tregti shqyrton planet e Përformances për vitin 2023, të agjencioneve/rregullatorëve të pavarur, që i raportojnë Komisionit (AKP, ARKEP, ZRRE). (Kuvendi i Kosovës, salla N10, ora 11:00)

- Komisioni për Mbikëqyrjen e Financave Publike shqyrton raportin e auditimit për performancën financiare dhe operative të ndërmarrjes “Trepça”. Të ftuar janë kryesuesi i Bordit, Bahri Hyseni, dhe kryeshefi Ekzekutiv, Enis Abdurrahmani. (Kuvendi i Kosovës, salla N303, ora 11:00)

- Përkrahës të Vetëvendosjes protestojnë kundër “imponimit” të Bashkësisë së Komunave Serbe. (Sheshi “Zahir Pajaziti”, ora 12:00)

- Komisioni për Administratë Publike, Pushtet Lokal, Media dhe Zhvillim Rajonal, shqyrton draft-planin e punës së Komisionit, për sesionin pranveror 2023. (Kuvendi i Kosovës, salla N303, ora 13:00)

- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Pyje. (Kuvendi i Kosovës, salla N302, ora 13:00)

- Fondacioni Jahjaga në bashkëpunim me Zyres Zvicerane për Bashkëpunim në Kosovë ka kënaqësinë të ju ftoj në ceremoninë e diplomimit të programit “Zhvillimi i njohurive mbi qeverisjen lokale". (Kino Armata, ora 14:00)

- Eris Jashari, ish-zyrtar policor në Policinë e Kosovës, i dorëhequr me 4 korrik 2017, tani koordinator në organizatën joqeveritare ktheju tokës tënde KTT, do të futet në grevë urie deri në realizimin e sigurimit shëndetësor dhe jetësor për policinë kërkesë kjo drejtuar Deputetëve të Kuvendit të Kosovës. (Sheshi “Adem Jashari”, te hyrja e pasme e Kuvendit kah rruga UÇK, ora 14:00