23 Tetor 2019

Baloteli gabimisht futet në burg

SHBA, 2 tetor - Tjetër aventurë aspak e këndshme regjistrohet për futbollistin e Mançester Sitit, Mario Baloteli. Lojtari është ndaluar nga autoritetet italiane pas kishte hyrë në një burg femrash pa patur autorizimin e nevojshëm.

Mësohet se super Mario teksa udhëtonte me makinën e tij tip Mercedes Benz, është “tunduar” nga dera e hapur e burgut të femrave në Breshia dhe pa u menduar gjatë është futur brenda bashkë me mjetin e tij të cilin e ka parkuar në ambientet e brendshme të institutit.

Por aventuara e Balotelit do të prishej nga punonjësit e sigurisë të cilët kanë vënë re makinën e dyshimtë në parkingun e burgut dhe janë afruar për të verifikuar personat që ndodheshin në të.

“Vumë re Mercedesin teksa kalonte portën dhe se në bord ndodheshin 2 të rinj. Pas pak minutash kuptuam që njëri prej dy personave që ndodhej në makinë ishte Mario Baloteli. Gjithësesi nevojitej verifikimi zyrtar, ndërkohë që në krah të tij ndodhej vëllai i tij natyral, 17 vjeçari Enok Baruah”, citohen nga mediat italiane autoritetet e burgut të grave në Breshia.

Mario dhe Ernok u mbajtën për rreth 30 minuta dhe në përfundim të gjithçkaje kërkuan ndjesë për shkeljen e rregullores dhe e justifikuan veprimin e tyre me faktin se u “tunduan” nga idea për të hyrë në një burg grash dhe se nuk e dinin që për këtë gjë duhej një autorizim prej autoriteteve. 

Kalendari

Ngjarjet e datës 23 tetor 2019 - Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, do të vizitojë Shkollën Fillore të Mesme të Ulët "Eqrem Qabej" në Mitrovicë, ku do të takoj drejtoreshën e kësaj shkolle, Remzije Alidemaj, për të parë procesin e zhvillimit të Garës Nacionale në Sport dhe Kreativitet Kulturor e Mendim Kritik. (Objekti i shkollës, ora 9:50)

- Mbahet mbledhja e rregullt e Komitetit për Politikë dhe Financa të Komunës së Mitrovicës. (Salla e mediave të Komunës së Mitrovicës, ora 10:00)

- Mbahet dita e parë e panairit ndërkombëtar të Agrobiznesit dhe Ushqimit AGROKOS. (Salla 1 Tetori, ora 10:00)

- Klubi i Prodhuesve të Kosovës dhe SOS Fshatrat e Fëmijëve Kosova organizon ceremoninë inauguruese të Punëtorisë “Made in Kosova”. (SOS Fshatrat e Fëmijëve në Prishtinë, Rr. 1 Tetori p.n, Velani, ora 11:00)

- Organizatat joqeveritare Community Building Mitrovica, Mundësia, 7 Arte, Civil Development Organisation, Iniciativa Qytetare Skenderaj organizojnë konferencën e përbashkët të në të cilën do të prezantohet Raporti i monitorimit të aktivitetit të prokurimit: Qendra e riciklimit industrial për mbeturinat paraprakisht të klasifikar ose të përziera.  (Community Building Mitrovica, pas ëmbëltorës “Ballkan, ora 11:00)

- Lansohet platforma digjitale në rajon me koncept të "ekonomisë së përbashkët" e cila ju mundëson individëve të përfitojnë nga mjetet e tyre motorike duke i lëshuar ato me qira, si dhe personave të interesuar të marrin makina motorike me qira me cmime më të arsyeshme se nga format trandicionale të makinave me qira. (Objekti i Inovation Center of Kosova, ora 11:00)

- Bëhët promovimi i librit "Me Mall dhe Lot nga Stambolli" të autorit Hamdi Thaqi dhe Nazife Prebreza- Thaqi, që flitet për shpërnguljen e familjes Prebreza nga Toplica. (Biblioteka Kombëtare, ora 12:00)

- Agjencia Kosovare e Privatizimit mban ceremoninë e hapjes së ofertave të shitjeve përmes Likuidimit nr.51. (Hoteli Grand, ora 12:30)

- Takohen dy grupet punuese të Lëvizjes Vetëvendosje dhe Lidhjes Demokratike të Kosovës. (Selia e LDK-së, “Qafa”, ora 15:00)

- Gjykata Kushtetuese e Republikës së Kosovës me në ceremoni solemne shënon vitin e 10-të Jubilar Gjyqësor. (Hotel Emerald, ora 17:00)