12 Gusht 2020

Bale nuk ka kërkuar të largohet nga Reali

Madrid, 30 tetor - Trajneri i "Realit" të Madridit Zinedine Zidane është shprehur se beson që Gareth Bale nuk do të largohet nga klubi.

Bale, i cili po mjekohet për një dëmtim në pulpën e këmbës, bëri një vizitë personale në Londër, ndërsa skuadra e tij luajti me "Majorkën" fundjavën e kaluar.

Zidane thotë se ylli uellsian kishte leje nga klubi për t'u larguar dhe nuk ka asgjë për të spekuluar:

"Nuk ka ndonjë histori për të rrëfyer. Ai shkoi në Londër sepse nuk ishte në gjendje për të luajtur, por kurrë nuk ka thënë që dëshiron të largohet nga klubi. Ai është këtu dhe, nëse mund të stërvitet, stërvitet; nëse mund të luajë, luan. Ai ka luajtur kaq shumë ndeshje, kjo është gjithçka."

30-vjeçari Bale duhej të bëhej pjesë e "Suning" të Jiangsu-së gjatë kësaj vere, por marrëveshja u prish kur "Reali" donte që klubi kinez të paguante një tarifë transferimi.

Që atëherë, Bale ka luajtur shtatë ndeshje me "Realin" këtë sezon, duke shënuar dy gola.

Madridasit do të rinisin kampionatin, pasi ndeshja e tyre kundër "Barcelonës" u shty për shkak të trazirave civile në Katalonjë.

"El Clasico" është planifikuar të zhvillohet më 18 dhjetor.

Kalendari

Ngjarjet e datës 12 Gusht 2020 - Me rastin e Ditës Ndërkombëtare të Rinisë ministrja e Kulturës, Rinisë dhe Sportit Vlora Dumoshi pret një grup të të rinjve. (Objekti i MKRS-së, ora 9:30)   

-  Komisioni Hetimor Parlamentar lidhur me procesin e privatizimit në Kosovë miraton listën e dëshmitarëve dhe përzgjedh listën e ekspertëve. (Ndërtesa e Kuvendit, salla N302, ora 10:00)

- Grupi “Vullnetarët/Volunteers #COVID-19” së bashku me Ministrin e Shëndetësisë, Armend Zemaj, Ministrën e Kulturës, Rinisë dhe Sportit, Vlora Dumoshi dhe akterë të tjerë lanson Fushatën “Së bashku kundër #COVID-19”. (Sheshi “Skenderbeu” në Prishtinë, ora 10:00)   

 Komisioni për Çështje të Sigurisë dhe Mbrojtjes diskuton lidhur me situatën e Sigurisë në Republikën e Kosovës si dhe shqyrton raportin për përzgjedhjen e Komisionerit të Agjencisë për Informim dhe Privatësi. (Ndërtesa e Kuvendit, salla N10, ora 10:00)

- Zëvendëskryeministri Besnik Tahiri pret në takim përfaqësuesit e Oranizatave Jo Qeveritare. (Ndërtesa e Qeverisë, ora 11:00 - vetem pamje)

- Ministri i Arsimit dhe Shkencës, Ramë Likaj raporton para  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton lidhur me përgatitjet për fillimin e vitit të ri shkollor 2020-2021. (Ndërtesa e Kuvendit, salla C203, ora 11:00)
 
- Zëvendëskryeministri Besnik Tahiri pret në takim përfaqësuesit e Oranizatave Jo Qeveritare do të ketë konferencë për media. (Ndërtesa e Qeverisë, ora 11:30)
 
- Mbahet ceremonia e zbulimit te punimit “I love Kosova” nga Ministrja Vlora Dumoshi dhe Kryetari i Komunës së Skenderajt Bekim Jashari. (Sheshi “Adem Jashari”, Skenderaj, ora 11:50)
 
- Ministrja e Kulturës, Rinisë dhe Sportit Vlora Dumoshi zhvillon një vizitë në ndërmarrjen sociale “Pastiçeria Snap cake” në kuadër të projektit ‘Praktika në Punë” i mbështetur nga Departamenti i Rinisë MKRS. (Skenderaj, ora 12:00)   

 - Mbahet mbledhja e Kryesisë së Kuvendit në të cilën shqyrtohet propozimi i deputetit Haxhi Avdyli, mbështetur edhe nga 41 deputetë tjerë nënshkrues, për formimin e Komisionit Hetimor Parlamentar mbi procesin e licencimit, operimit,  mbikëqyrjes dhe aplikimit për lejet të hidrocentraleve në Republikën e Kosovës dhe Çeshtje tjera . (Në platformën ZOOM 5.0. ora 14:00)