20 Shtator 2020

Ausilio punon për rinovimin me Skriniar

Milano, 8 nëntor - Qendërmbrojtësi sllovak i Interit, Milan Skriniar po bind gjithnjë e më shumë dhe pas ndeshjes së djeshme kundër Barcelonës janë edhe vetë drejtuesit e zikaltërve, që kanë kuptuar përfundimisht se kanë në gjirin e tyre një futbollist “Top Player”, në repartin e mbrojtjes.

Për këtë arsye, Piero Ausilio ka marrë direktiva nga presidenti i skuadrës, Steven Zhang, që të rinovojë sa më shpejt kontratën me qendërmbrojtësin sllovak, i cili ka adhurues të shumtë nëpër Europë.

Pas përfundimit të sfidës me katalanë, Drejtori Sportiv i Interit është takuar me menaxherët e futbollistit dhe kanë folur nga afër për mundësitë e rinovimin të kontratës dhe pretendimet mes palëve.

Kështu sllovaku e ka deklaruar disa herë që ndihet mirë te Interi, por kërkon të marrë një pagë të denjë për atë që jep në fushë e lojës dhe pretendon rinovimin me 3.5-4.2 milionë euro rrogë vjetore.

Këtë e kanë kuptuar qartë edhe drejtuesit e Interit, që duket se janë gati t’i plotësojnë dëshirat sllovakut, për t’i blinduar kontratën, me qëllim që të përfitojnë sa më shumë nga shitja e tij në merkaton e verës së ardhshme.

Kjo pasi skuadrat spanjolle, Barcelona dhe Real Madrid janë të gatshme të kënaqin dëshirat e klubit zikaltër, duke ofruar shifrën prej 100 milionë eurosh, që Suning kërkon për kartonin e futbollistit.

Kalendari

Ngjarjet e datës 20 Shtator 2020

- Forumi Ballkanik në emër të Platformës së Shoqërisë Civile për Demokraci dhe të Drejtat e Njeriut mban konferencë për shtyp në të cilën publikon raportin hulumtues, që është një vështrim mbi progresin e bërë nga 6 vendet e Ballkanit Perëndimor drejt zbatimit të zotimeve të tyre që nga Samiti i Ballkanit Perëndimor në Londër (2018) dhe Poznań (2019), të zhvilluara në kuadër të Procesit të Berlinit të nisur në vitin 2014. (Zyret e Forumit Ballkanik Rr. Tirana, C4/2 LAM B-N2 11-1, banesat e bardha të Prime Group, afër Euro Printy, ora 13:00)
 
- Lëvizja Vetëvendosje mban konferencë për media. (Zyret e LV-së në Arbëri, ora 14:00)