30 Janar 2023

Arsenali nënshkruan me Martin Odegaard

Londër, 20 gusht - Klubi anglez i Premier Ligës, Arsenal ka nënshkruar sot me mesfushorin norvegjez Martin Odegaard.

“Martin Odegaard na është bashkuar në një transferim të përhershëm nga Real Madridi”, thuhet në njoftimin e Arsenalit.

Futbollisti 22-vjeçar u bashkua me Arsenalin pasi kaloi gjysmën e dytë të sezonit 2020-21 në huazim me "topçinjtë".

Real Madridi nënshkroi me Odegaard në vitin 2015, por më pas ishte në huazim tek Heerenveen, Vitesse, Real Sociedad dhe Arsenal.

Arsenali shtoi se Odegaard tani është duke pritur përfundimin e procedurave formale dhe kërkesave për vizë.

Futbollisti norvegjez do të vesh fanellën me numrin 8 të Arsenalit.

Odegaard shënoi dy gola dhe bëri dy asiste në 20 paraqitje për klubin londinez sezonin e kaluar.

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Partia Demokratike e Kosovës mban sot konferencë. (Selia Qendrore e PDK-së, ora 14:00)


- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)