17 Tetor 2019

Antoinne Griezmann prezantohet si futbollisti më i ri i Barcelonës

Barcelonë, 15 korrik - Antoinne Griezmann është prezantuar edhe zyrtarisht si futbollisti më i ri i Barcelonës.

Sulmuesi francez firmosi një kontratë 5 vjeçare me klubin kampion të Spanjës që ditë më parë pagoi klauzolën e kontratës së futbollistit prej 120 milionë Eurosh.

Në konferencën për shtyp ku të pranishëm ishin edhe presidenti Bartomeu dhe Drejtori Sportiv Eric Abidal, Griezmann nuk e fshehu kënaqësinë e tij për këtë transferim që pritej të ndodhte vitin e kaluar, por në atë kohë ai vendosi të qëndrojë te Atletico.

“Nuk pendohem sepse në atë kohë ishte gjëja që doja. Por ajo që ka më shumë rëndësi është se tani unë e Barcelona jemi bashkë. Dua vërtet të vesh këtë fanelë dhe nëse do të më duhet të kërkoj falje, këtë do ta bëj në fushën e lojës ku unë flas më mirë”, thotë ai.

Kur gjatë kësaj vere u rihapën tratativat për kalimin e Griezmann në Camp Nou, në media u fol se Messi e Suarez ishin kundër ardhjes së tij në skuadër.

‘Mundet. Do ta shoh pritjen e tyre kur t’i takoj, por mendoj se me assistet e mi do të rregullojmë gjithcka’, vazhdon më tej.

Në fund Griezmann foli edhe për Atletico madrid ndarja me të cilin nuk ishte shumë e mirë duke parë polemikat e shpërthyra së fundmi. Sulmuesi 28 vjeçar deklaroi se për të ishte e vështirë të largohej nga Atletico që e konsideronte si shtëpinë e tij.

Ai shtoi se e admiron dhe e respekton këtë skuadër për të cilën dha maksimumin në fushën e lojës nga fillimi deri në fundin e sezonit.

Kalendari

Ngjarjet e datës 17 tetor 2019 - Presidenti i Republikës së Kosovës, Hashim Thaçi, pret në takim Lartmadhërinë e saj, Sophie, Konteshën e Wessexit. (Kabineti i Presidentit, ora 9:00 - vetëm pamje)

- Komisioni Qendror i Zgjedhjeve mban mbledhjen e radhës. (Selia e KQZ-se, ora 9:30)

- Dogana e Kosoves organizon ceremoninë e shprendarjes se certifikatave për dy kompanitë kosovare të certifikuara si Operator Ekonomik të Autorizuar. (Objekti i Drejtorise se Doganes në Emshir, ora 10:00)

- Ambasada Britanike dhe Qendra e Rehabilitimit të Kosovës për Viktimat e Torturës po mbajnë një konferencë për të filluar rezultatet e hulumtimit paraprak në traumën transgjeneruese në lidhje me Dhunën Seksuale të Lidhur me Konfliktin. (Hotel Swos Diamond, ora 10:30)

- Mbahet punëtoria “Shkolla e Mozaikut”. (Muzeu Kombëtar e Kosovës, ora 11:00)

- Mbahet protestë pasi Akademia Suedeze e Shkencave shpërbleu me çmimin Nobel për Letërsi, autorin austriak Peter Handke, një mbështetës i gjenocidit dhe luftërave në ish-Jugosllavi nën regjimin e Sllobodan Millosheviqit. (Para Ambasadës së Suedisë, ora 11:00)

- Lëvizja FOL, Çohu, INPO, Instituti Columbus dhe Open Data Kosovo organizojnc konferencën e përbashkët të cilën do të prezantohet Raporti i monitorimit të aktivitetit të prokurimit rreth rrotulimit Rreth rrotullimi Lakrishtë - Rreth rrotullimi Arbëri. (Zyrat e Lëvizjes FOL, ora 11:00)

- Prokurori i Shtetit do të mbajë konferencë për media. (Objekti i Prokurorit të Shtetit, kati III, salla e takimeve të Këshillit Prokurorial, ora 11:30)

-  Organizata për Rritjen e Cilësisë në Arsim organizon debat me studentët e Fakultetit të Ndërtimtarisë dhe Arkitekturës për identifikimin e problemeve në këto fakultete dhe zgjidhjen e tyre përmes formave të ndryshme të mbështetjes së studentëve. (Fakulteti i Ndërtimtarisë dhe Arkitekturës, ora 15:00)

- Ambasadorja e Francës, Marie-Christine Butel do të ketë nderin të dekorojë znj Nerimane Kamberi me Urdhrin e Palmave Akademike. (Rezidenca e Francës, ora 18:30)

- Galeria e Ministrisë së Kulturës organizon hapjen e ekspozites "Post-Avangarda Lindore" te autorëve Adrian Çene, Brikena Bërdo dhe Albana Shoshi. (Galeria e Ministrisë së Kulturës, ora 19:00)