08 Shkurt 2023

Anderson rikthehet te Lazio

Lazio, 6 korrik - Pas dy sezonesh me fanellën e West Hamit në Angli dhe një tjetri në huazim te Porto në Portugali, sulmuesi brazilian Felipe Anderson do të rikthehet sërish te Lazio, skuadër në të cilën spikati disa vite më parë.

Marrëveshja për transferimin e 28-vjeçarit te bardhekaltrit është arritur dhe sinjalin e ka dhënë vetë Anderson në rrjetet sociale, ku pa postuar një top të bardhë, një të kaltër dhe një shqiponjë, që është edhe simboli i klubit kryeqytetas.

Për rikthimin e Felipe Anderson në Romë, Lazio do të paguajë vetëm dy milionë euro, ndërsa West Hami do të përfitojë edhe 50% të vlerës së kartonit, në rast të një rishitjeje në të ardhmen të sulmuesit brazilian.

Felipe Anderson është rritur në klubin e Santosit, ku bëri edhe debutimin në futbollin profesionist, ndërsa në periudhën 2013-2018 spikati me fanellën e Lazios në Serinë A, duke shënuar 34 gola në 177 ndeshje.

Verën e 2018-ës sulmuesi u transferua te West Ham për shifrën e 38 milionë eurove, por nuk arriti të përshtatet në futbollin anglez dhe tani do të rikthehet sërish në kryeqytetin italian, ku do të provojë të “rilindë” nën urdhrat e Maurizio Sarrit.

Kalendari

Ngjarjet e datës 8 shkurt 2023

- Komisioni për Ekonomi, Industri, Ndërmarrësi dhe Tregti, shqyrton Projektligjin për Sigurinë e përgjithshme të produkteve. (Kuvendi i Kosovës, salla N506, ora 10:00)
    
- Përfaqësuesit e Agjencisë Kosovare të Privatizimit, raportojnë në Komisionin për Buxhet, Punë dhe Transfere, lidhur me Raportin e Auditimit për të “Hyrat nga Qiraja e Agjencisë Kosovare të Privatizimit”. (Kuvendi i Kosovës, salla C203, ora 10:00)
    
- Koalicioni i OJQ–ve për Mbrojtjen e Fëmijëve në Kosovë mban tryezë diskutimi me temën: “Ligji për Mbrojtjen e Fëmijës – progresi në zbatimin e tij”. (Hotel Sirius, ora 10:00)    

- Kuvendi i Republikës së Kosovës vazhdon seancën plenare me pikat e pa përfunduar. (Kuvendi i Kosovës, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 13:30)
    
- Organizata paditëse GLPS dhe një qytetare e Republikës së Kosovës do të paraqesin Padi për konflikt administrativ për refuzimin e kompensimit për personin paraplegjik dhe tetraplegjik. (Pallati i Drejtësisë, Ndërtesa A, ora 14:00)

- Federata e Futbollit e Kosovës mbledh të gjitha klubet e Superligës së Kosovës në një ngjarje të veçantë, ku fituesit e fushatës së nisur javë më parë në rrjetet sociale do të shpërblehen me fanella të nënshkruara nga vet lojtarët e ekipeve të ndryshme. (Kati i parë në Albi Mall, ora 18:00)

- Fondi për të Drejtën Humanitare Kosovë (FDHK) organizon hapjen e ekspozitës së përkohshme të veprës “Albumi familjar – Mes kujtimit dhe realitetit” (Family Album – Between Recollection and Reality) nga Alban Muja, e cila do të pasohet me një bisedë me artistin. (Vendi: Qendra e Dokumentimit, Biblioteka “Hivzi Sylejmani”, Dardani, ora 19:00)