19 Prill 2019

Zjarrfikësit protestojnë, kërkojnë kushte më të mira për punë

Prishtinë, 12 korrik - Me thirrjet "Ne jemi shpëtimtarë dhe ne shpëtojmë jetë", zjarrfikësit nga të gjitha komunat e Kosovës kanë protestuar para Qeverisë, duke kërkuar kushte më të mira për punë.

Kryetari i Sindikatës së Zjarrfikësve Muharrem Beka, tha se do të qëndrojnë para Qeverisë derisa ta takojnë kryeministrin ose ndonjë përfaqësues të Qeverisë, për të diskutuar për kërkesat e tyre.

Kërkesat e tyre janë që të rregullohet statusi i zjarrfikësit, definimi i kompetencave menaxhuese, të sigurohet vija buxhetore; Të  bëhet nivelizimi i pagave në nivel vendi pasi që zjarrfikësit nuk kanë koeficient të njëjtë nëpër komuna; Te kompensohen ndërrimet e natës, festat shtetërore e fetare dhe orët jashtë orarit; Të përmirësohen kushtet e punës si dhe të sigurohen  pajisje dhe mjeteve për punë.

Beka tha se kjo protestë do të jetë një zë i fuqishëm për të drejtat dhe kërkesat e zjarrfikësve të cilat janë legjitime, e të bazuara në ligje të cilat Kuvendi i Kosovës i ka ratifikuar.  Ndërsa tha se pakënaqësitë e zjarrfikësve  janë akumuluar me vite.

 “ Ne sot jemi tubuar që të ma dëgjojnë për brengat dhe situatën në përgjithësi që e ka kapluar shërbimin e zjarre fikjes dhe shpëtimit në Kosovë.. Në raport me përgjegjësitë dhe obligimet që kemi dhe mos përfillja ose mos gatishmëria institucional,  që ky shërbim të jetë funksional që të jetë në shërbim të qytetarëve. Ka  ardhur deri në këtë moment që asnjëherë nuk e kemi dashur. Ne nuk kemi dashur që të krijojmë situata."

"Kjo pritje e gjatë që është sinjal i miri që zjarre fiksit, sot janë shumë këmbëngulës në qëndrimet dhe kërkesat e tyre. Dhe ne presim nga institucionet , presim që të na kontaktojnë dhe në harmonizim me ministritë përkatëse relevante, të cilat deri më sot çdoherë ia kanë hedhur njëra tjetrës fajin, që asnjëherë nuk kenë në gjendje gatishmërie që realisht të merren me shërbimin e zjarrfikësve dhe shpëtimit në Kosovë."

"Qëllimi jonë është të na pranojnë në dia log kryeministri me ministritë përkatëse dhe të dilet nga kjo gjendje e krijuar. Përndryshe ne jemi këmbëngulës dhe nuk do të largohemi, përderisa nuk na ftojnë në një takim dhe për të gjitha problemet të diskutojnë”, tha Beka.

Ndërkaq kryetari i BSPK-së Avni Ajdini  tha se me këtë protesta ata po i dërgojnë Qeverisë një mesazh, se ata janë aty për t’i realizuar të drejtat e tyre.

 “Ju jeni ata që shpëtoni dhe jetë të njerëzve duke rrezikuar dhe jetën tuaj, për t’i shpëtuar të tjerët. Por qeveritarët tanë, nuk janë në gjendje me çmu punën tuaj, rrezikshmërinë tuaj, sakrificën tuaj. Ju edhe sot jeni duke ia dhënë një mesazh Qeverisë, që jeni këtu për t’i realizuar të drejtat e juaja. Të drejtat tuaja janë konform ligjit, konform  konventave ndërkombëtare. Kjo çështje është neglizhencë e Qeverisë. Sepse deri tani ende nuk e keni statutin e rregulluar. Ende s’keni titullar."

"Megjithatë këto janë brengat e juaja që duhet të definohen.. Apelojmë tek qeveritarët tanë, që të dalin para punëtorëve dhe jo vetëm por të premtojnë, por premtimet e atyre që i japin sot të realizohen me afat sa më të shkurtë, së të dihet statuti i punëtorit të zjarrfikësit më kë ngjan.  Ajanë me policinë, a janë me komunën. Megjithatë ende nuk dihet me kënd janë ”, tha ai.

Ndërkaq kryetari i këshillit grevist Zymri Krasniqi tha se nuk kanë dalë me dëshirë të protestojnë, por kanë qenë të detyruar, pasi që kërkesat e tyre nuk u morën parasysh nga institucionet.

 “Ne jemi pjesë e këtij vendi. Jemi heronj të gjallë të këtij vendi. Në emrin tim personal dhe në emër të kryesisë së sindikatës kemi dal këtu, kjo dëshirë e jonë nuk ka qenë të jemi pjesë e këtyre protestave. Sepse çdo minutë, çdo sekondë jeta e një zjarrfikësi dhe qytetari është  në duar tona. Andaj nga këtu në emër tim personal dhe në emër të kryesisë së sindikatës, i parashtrojmë kërkesat që janë legjitime dhe të sakta...Nuk dëshirojmë të jemi supermen të këtij vendi. Mirëpo dëshirojmë që kërkesat tona të jenë legjitime sepse caktohet me ligj”, tha ai.
 

Kalendari

Ngjarjet e datës 19 prill 2019 - Klinika e Kirurgjisë së Fëmijëve në Qendren Klinike Universitare i fillon punimet Simpoziumi mbarëshqiptarë i kirurgëve të fëmijëve. (Hotel Internacional Prishtina, ora 8:40)

- Kryeparlamentari Kadri Veseli merr pjesë në festivalin olimpik për fëmijët parafillor. ))(Stadiumi “Fadil Vokrri”, Prishtinë, ora 9:30)

- Programi i Kombeve të Bashkuara për Zhvillim në bashkëpunim me Agjencinë për Menaxhimin e Emergjencave dhe partneri implementues, Kryqi i Kuq i Kosovës, do të organizojnë një ushtrim fushor në fshatin Maxhunaj në komunën e Vushtrrisë. (Fshati Maxhunaj, ora 10:00)

- Shtëpia Botuese “Faik Konica” organizon promovimin e librit të Dr. Islam Lauka, “Kosova e kërcënuar nga gjarpri i shtëpisë”. (Bibliotekën Kombëtare, ora 11:00)

- Ministri i Kulturës, Rinisë dhe Sportit, Kujtim Gashi, bashkë me kryetarin e Kuvendit të Kosovës, Kadri Veseli, do të bëjnë shpërndarjen e kontratave për 21 përfituesit e granteve nga Fondi Rinor që për qëllim kanë rritjen e punësimit për të rinjtë e vendit tonë përmes zhvillimit të ndërmarrësisë. (Hotel Sirius, ora 11:00)

- Kryeparlamentari Kadri Veseli merr pjesë në ceremoninë e nënshkrimit të projekteve për ndërmarrësit e rinj. (Hotel Sirius, ora 11:00)

- Kryeministri Ramush Haradinaj merr pjesë Akademinë Përkujtimore me rastin e Ditës së Veteranëve të Koshares dhe rënies së Heroit të Kosovës, Sali Çekaj, në kuadër të Manifestimit Tradicional "Ditët e Shqipes 2019", që organizohet nën patronatin e kryeministrit. (Teatri Kombëtar, ora 12:00)

- Zëvendëskryeministri i Republikës se Kosovës, Enver Hoxhaj mban konferencë të përbashkët për media me Ministrin e Drejtësisë, Abelard Tahiri. (Ndërtesa e Qeverisë, salla P32, ora 13:00)

- Koordinatori Nacional për Kulturë, Rini dhe Sport, Rexhep Hoti së bashku me Kryetarin e Komunës së Gjilanit, Lutfi Haziri, do të përcjellin garën komunale në Kreativitet Kulturor dhe Mendim Kritik. (Objekti i Gjimnazit Natyror "Xhavit Ahmeti" në Gjilan, ora 13:30)

- Drejtoresha e misionit të USAID-it Lisa Magno do të flasë me rastin e lançimit të faqes së re të internetit të Këshillit Gjyqësor të Kosovës. (Sheshi 21, ora 15:00)

- Federata e Atletike të Kosovës do të mbaj konferencë për media në të cilën do të jepen informatat kryesore rreth organizimit të gjysmë maratonës së këtij viti. (Salla e shtëpisë së sporteve në Prishtinë, ora 15:00)

- Kryeministri Ramush Haradinaj merr pjesë në Akademinë Përkujtimore me rastin e 20 vjetorit të themelimit të Batalionit “Atlantiku”, që organizohet nën patronatin e kryeministrit. (Salla e Kuqe, Pallati i Rinisë, ora 16:00)

- Në kuadër të tubimeve Kundër PANhajnisë dhe për zgjedhje të reja Lëvizja Vetëvendosje  mban tubim në Drenas. (Shtëpia e Kulturës në Drenas, ora 16:30)

- Galeria e Qytetit të Gjilanit hap ekspozitën e veçantë të fotografive “Arti i Rrudhave”, të autorit Muhamed Sadriu, e cila do të shpalos fotorgafitë e 21 personave të cilët i kanë mbi 100 vjet, e që e simbolizon shekullin XXI. (Galeria e Qytetit të Gjilanit, ora 17:30)

- Në kuadër të tubimeve Kundër PANhajnisë dhe për zgjedhje të reja Lëvizja Vetëvendosje  mban tubim në Prizren. (Shtëpia e Kulturës "Xhemajli Berisha" në Prizren, ora 19:00)

- Galeria Kombëtare e Kosovës hap ekspoziten "Grouping - Moving - Spreading" Metaxym e cila është kuruar dhe organizuar nga The Activists dhe World Anonimous Society. (Galeria Kombëtare e Kosovës, ora 20:00)

- Lumbardhi do të prezantojë paraqitjen e parë të këngëtares dhe kompozitores amerikane Chrysta Bell në Kosovë në kuadër të turneut Feels Like Love 2019 dhe epizodit të dytë të Lumbardhi n’Behar. (Lumbardhi në Prizre, ora 21:00)