01 Qershor 2020

Zjarrfikësit bashkë me mjekët dhe policët në frontin e parë kundër pandemisë

Gjilan, 31 mars - Kryetari i Komunë së Gjilanit, Lutfi Haziri, ka vizituar sot Njësinë e Zjarrfikjes dhe Shpëtimit, ku është pritur nga komandanti, Rabit Murseli.

Me këtë rast, Haziri i ka përgëzuar dhe falënderuar zjarrfikësit, duke thënë se bashkë me mjekët dhe policinë, ata janë në frontin e parë të luftës kundër pandemisë Covid-19.

Haziri ka kërkuar nga qytetarët që, veçanërisht këto dhjetë ditët e ardhshme, të mos dalinl përpos kur është e domosdoshme.

“Në ditën e 18-të, Gjilani po vazhdon ta ruaj qetësinë, në kuptimin e luftës kundër pandemisë. Por, pas largimit të kufizimit të lëvizjes, ka filluar të ketë frekuentim të madh të veturave, në Gjilan ka filluar të ketë qarkullim të madh të veturave dhe njerëzve në qytet. Ju jus të vetëpërmbaheni sepse asgjë nuk ka ndryshuar”, ka qenë mesazhi i Hazirit, të cilit i është bashkangjitur edhe komandanti i Njësisë së Zjarrfikjes dhe Shpëtimit, Rabit Murseli.


Kalendari

Ngjarjet e datës 1 Qershor 2020

- Për nder të Ditës Ndërkombëtare të Fëmijëve 1 qershorit, kompania ndërtimore “Qami Construction” do të dhurojë gjak në Qendrën e Transfuzionit të gjakut dhe bën shpërndarjen e dhuratave për fëmijët të cilat janë të shtrirë në Klinikën e Pediatrisë. (Qendra e Transfuzionit të gjakut në QKUK, ora 9:00)

- Në Ditën Ndërkombëtare të Fëmijëve, KOMF organizon konferencën për media për publikimin e Raportit të Monitorimit “Komuna Ime, e Drejta Ime Sociale”. (Hotel Sirius, ora 10:00)

- Në kuadër të Javës së Gjelbër, Komuna e Prishtinës do të organizojë mbjelljen e drunjëve. (Kampusi Universitar të Universitetit të Prishitnë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike, shqyrton Raportin vjetor të Agjencisë Kosovare të Privatizimit – AKP për vitin 2019. (Ndërtesa e Kuvendit, salla N10, ora 11:00)
 
- Instituti për Zhvillimin e Politikave Sociale (IZHPS), me financimin nga FES, publikon hulumtimin “Qasja në mësimin online dhe kushtet e jetesës për familjet përfituese të Skemës së Asstencës Sociale gjatë Covid-19. (Hotel Sirius, ora 11:45)

- Qendra për Këshillim, Shërbime Sociale dhe Hulumtime prezanton hulumtimit “A po ndryshon koncepti i atësisë në Kosovë?”. (https://docs.google.com/forms/d/e/1FAIpQLSdlUfSJPvTqynWzbxg2lXiq2Csq7vFeKnBg_kVgfvyHCkfpkQ/viewform,  ora  16:00)