28 Mars 2024

Vazhdon bashkëpunimi midis Policisë së Kosovës dhe KMDLNj-së

Prishtinë, 19 shtator - Këshilli për Mbrojtjen e të Drejtave dhe Lirive të Njeriut (KMDLNJ) vizitoi sot drejtorin e përgjithshëm të Policisë së Kosovës, Rashit Qalaj për t’i uruar pozitën e re sikur edhe për të shprehur vullnet dhe gatishmëri për ta vazhduar bashkëpunimin me Policinë e Kosovës e që deri më tani ka qenë shumë i mirë.

Në kuadër të mandatit të punës së saj KMDLNj ngriti disa çështje për diskutim të cilat janë shqetësim për shoqërinë tonë.

Fillimisht KMDLNj pas monitorimit shumëvjeçar vlerëson lartë punën e Policisë së Kosovës duke e vlerësuar si institucion të besueshëm dhe korrekt.

KMDLNj shprehu përkrahjen për vendimin që zyrtarët policorë gjatë orarit të punës të mos frekuentojnë tempujt fetarë të uniformuar por këtë të drejtë ata mund ta realizojnë jashtë orarit të tyre të punës.

Gjithashtu, ndalesa e qëndrimit të zyrtarëve policorë në kafenetë është veprim i duhur dhe ndikon që policët të jenë më të pranishëm në rrugë dhe vendet e tyre të punës për çka edhe janë të thirrur.

Numri i vogël i zyrtarëve policorë dhe koncentrimi në qendër janë shqetësime për të dy palët.

Drejtori pohoi se janë duke u angazhuar për ndryshime në këtë aspekt në kuadër të rregullores së punës dhe ligjit.

Gjithashtu, i pohoi përfaqësuesve të KMDLNj-së se do të angazhohet që zyrtarëve policorë do u krijojë kushte më të mira për punë, dhe për ngrënien e ushqimit pas vendimit për mos frekuentim të kafeneve dhe restauranteve.

U bisedua edhe për çështjen e lypësarëve në rrugë, të cilën KMDLNj e konsideron si krim të organizuar që udhëhiqet nga një apo më shumë qendra dhe të cilët i keqpëedorin fëmijët për përfitime materiale dhe nga Drejtori u pohua se së shpejti do të ketë aksione të intensifikuara të veçanta sa i përket kësaj kategorie.

Gjithashtu, Policia e Kosovës është angazhuar në eliminimin e përdorimit të lëndëve narkotike në shkollat dhe lokalet e vendit e që ishte edhe brengë e KMDLNj -së.

Është vlerësim i përbashkët që Policia e Kosovës është e angazhuar jashtë mase shumë, në shumë sektorë, përfshirë mbrojtje dhe siguri në të gjitha institucionet e vendit, realizimin e aksioneve p.sh nga KEDS-i, ujësjellësi, ofrimin e sigurisë gjatë realizimit të aktiviteteve sportive, etj.

Gjendja jo e mirë e Qendrës së Mbajtjes dhe kushtet jo të mira për stafin dhe personat që mbahen aty ishte problem i identifikuar nga KMDLNj dhe i cili kërkon zgjidhje.

KMDLNj kërkoi që të rritet numri i policëve gjatë ndërrimit të natës sepse në këtë mënyrë rritet siguria e qytetarëve.

Ishte kërkesë e KMDLNj –së që të mirëmbahet baza e të dhënave në fushën e trafikut në mënyrë që qytetarët që i shlyejnë të mos detyrohen të paraqiten në Stacionin e Policisë për ta dëshmuar se e kanë paguar dënimin por se kjo shlyerje duhet të bëhet në mënyrë automatike.

KMDLNj insiston që për Policinë të krijohen mundësitë pë sigurim shëndetësorë pasi kemi të bëjmë me një shërbim specifik dhe të domosdoshëm.

Ndryshimet pozitive që i ka propozuar drejtori i përgjithshëm z. Rahit Qalaj e që ndikojnë në rritjen e efikasitetit të Policisë së Kosovës përmes profesionalizimit të mëtutjeshëm e kanë përkrahjen e plotë të KMDLNj-së.

KMDLNj do të kërkojë nga institucionet përgjegjëse për të shtuar buxhetin për Policinë e Kosovës gjatë planifikimit të ri buxhetor.

Të dy palët shprehën gatishmërinë për të vazhduar bashkëpunimin e mirë që kanë pasur deri më tani dhe i njejti të vazhdojë edhe në të ardhmen.


 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)