22 Tetor 2021

UNMIK mbështetë sistemin prokurorial të Republikës së Kosovës

Prishtinë, 13 tetor - Kryeprokurori i Shtetit, Aleksandër Lumezi i shoqëruar nga Kryesuesi i Këshillit Prokurorial të Kosovës, Jetish Maloku, kanë pritur në takim Shefin e Zyrës për Sundim të Ligjit të misionit të kombëve të bashkuara në Kosovë UNMIK, Antero Lopes. 

Gatishmëria e misionit të UNMIK-ut për të mbështetur Prokurorin e Shtetit në fusha të ndryshme ishte në fokus të takimit ndërmjet Kryeprokurorit Lumezi dhe Kryesuesit Maloku me Shefin e Zyrës për Sundim të Ligjit, Antero Lopes.

Kryeprokurori i Shtetit ka adresuar disa nga nevojat që Prokuroria i ka në fushën teknike, digjitale dhe infrastrukturore.

Tutje, Kryeprokurori Lumezi shprehi gatishmërinë institucionale për të thelluar bashkëpunimin me të gjithë mekanizmat që mbështesin punën e institucioneve të drejtësisë në funksion të forcimit të sundimit të ligjit, mbrojtjes së të drejtave të njeriut dhe vlerave vitale të demokracisë.

Në anën tjetër, Shefi i Zyrës për Sundim të Ligjit të misionit të Kombëve të Bashkuara në Kosovë UNMIK, Antero Lopes shprehu interesimin e tij që t’i dëgjojë nevojat institucionale të Prokurorit të Shtetit dhe Këshillit Prokurorial, me ç’rast shprehi gatishmërinë e misionit që përfaqëson për t’i mbështetur të dyja institucionet.

Në fund të takimit, Kryeprokurori i Shtetit dhe Kryesuesi i Këshillit Prokurorial të Kosovës, kanë falënderuar Shefin e Zyrës për Sundim të Ligjit për vizitën dhe interesimin e treguar për të mbështetur sistemin prokurorial të Republikës së Kosovës. 

Kalendari

Ngjarjet e datës 22 Tetor 2021

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me shoqaten e Familjeve të Heronjve dhe Dëshmorëve të Kombit për zgjidhjen e statusit të veprimtarëve invalidëve të plagosur para luftës çlirimtare në Kosovë. (Ndërtesa e Kuvendit, salla N10, ora 10:00)

- Shoqata për Teknologji të Informacionit dhe Komunikimit të Kosovës - STIKK organizon edicionin e 10-të të festivalit të teknologjisë “KosICT”. (Ambientet e “ITP Park” në Prizren, ora 10:00)

- Instituti Demokratik i Kosovës organizon konferencën “Ndikimi i dialogut me Serbinë në politikën e jashtme të Kosovës”. (Hotel Emerald, ora 10:30)

-  Komisioni Ad hoc për përzgjedhjen e kandidatëve për anëtar të Bordit të RTK-së shqyrton listën e kandidatëve të propozuar për anëtarë të Bordit të RTK-së. (Ndërtesa e Kuvendit, salla C203, ora 11:00)

- Ministria e Mbrojtjës organizon ceremoninë e betimit të rekrutëve të rijnë. (Kazerma e FSK-së “Skënderbeu” në Ferizaj, ora 11:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit miraton listën e ngushtë të kandidatëve për Drejtor të Agjencisë Kundër Korrupsionit. (Ndërtesa e Kuvendit, salla N204, ora 14:00)

- Nën patronatin e Presidentes së Republikës së Kosovës, Vjosa Osmani- Sadriu, organizohet premiera e filmit "Zgjoi". (Cineplexx -Albi Mall, ora 18:00)

- Mbahet edicioni i trtë i festivalit Lahuta, Okarina Polifionia. (Ambientet e Qendrës për zhvillimin e kultures tradicionale në Prishtinë, Rruga Xheladin Hana nr. 98, ora 18:30)