23 Maj 2019

UNDP vazhdon të mbështes MPB-në në fushën e legalizimit të armëve

Prishtinë, 21 shkurt - Në një ceremoni dorëzim – pranimi që u mbajt sot, Programi i Kombeve të Bashkuara për Zhvillim (UNDP), përmes projektit për Siguri në Kosovë, dorëzoi pajisje teknike Departamentit për Siguri Publike të Ministrisë së Punëve të Brendshme (MPB).

Projekti i UNDP-së për Siguri në Kosovë është partner i vlefshëm dhe burim primar për këshilla teknike dhe ndihmë për reduktimin e dhunës së armatosur dhe kontrollin e AVL-ve, duke përfshirë legjislacionin dhe zhvillimin e strategjisë.

Në kuadër të kësaj mbështetjeje, projekti ndihmon në zbatimin e legjislacionit që rregullon tregtinë, posedimin, gjetjen dhe importimin e armëve dhe eksplozivëve për sektorin privat dhe qeveritar.

Në suaza të vendimit të fundit të Ministrisë së Punëve të Brendshme dhe përpjekjeve për legalizimin e armëve në Kosovë dhe bazuar në vlerësimin e nevojave të përbashkëta, zyra e UNDP-së në Kosovë ka blerë një printer të posaçëm bashkë me mjetet përkatëse, i cili do të ndihmoj këtë proces përmes printimit të lejeve për armët e legalizuara.

Gjurmimi është i lidhur ngushtë me regjistrimin adekuat dhe ruajtjen e provave. Lejet që do të printohen janë rezultati përfundimtar i një zinxhiri të dëshmuar mirë.

Z. Mensur Hoti, Drejtor i Departamentit për Siguri Publike në Ministrinë e Punëve të Brendshme dhe Znj. Valbona Bogujevci, Asistente e Përfaqësueses së Përhershme dhe Koordinatore e Programit në UNDP vlerësuan se projekti ka ofruar përkrahje në kohë dhe efikase bazuar në nevojat reale të Ministrisë së Punëve të Brendshme.

Ata ripërsëritën përkushtimin për mbështetje dhe bashkëpunim të vazhdueshëm në forcimin e hetimit të krimeve me armë dhe rritjen e sigurisë publike në Kosovë.

Ky projekt mbështetet me një kontribut financiar nga United Nations Trust Facility Supporting Cooperation on Arms Regulation (UNSCAR). 

Kalendari

Ngjarjet e datës 23 maj 2019 - Instituti për Politikë të Jashtme të Kosovës organizon konferencën "Politika  e Kosovës në këndveshtrim shkencor." (Hotel Sirius, ora 9:30)

- Instituti Riinvest organizon konferencën “Korrupsioni nga ana e ofertës: Perspektiva e bizneseveve”. (Hotel Swiss Diamond, ora 10:00)

- Kryeparlamentari Kadri Veseli mban konferencë për media. (Holli i Kuvendit të Kosovës, ora 10:00)

- Rrjeti Ballkanik për Gazetari Hulumtuese dhe Internews Kosova do ta publikojnë Raportin Vjetor të Monitorimit të Gjykatave për vitin 2018. (Ambientet e objektit A të Pallatit të Drejtësisë, ora 10:00)

- Themelohet Shoqata e Inovacionit Financiar, nga institucione financiare jo-bankare. (Hotel “Sirius”, ora 10:00)

- Anulohet - Forumi Ballkanik organizon tryezën rajonale "Zgjedhjet parlamentare të BE-së dhe implikimet për Kosovën dhe rajonin e Ballkanit Perëndimor". (Hotel Sirius, ora 10:00)

 - Oda Ekonomike Amerikane në Kosovë organizon tryezën e radhës të titulluar Indeksi i Zhvillimit të Sektorit të Prodhimit, ku do të prezantohen të gjeturat e një studimi mbi konkurrueshmërinë e sektorit të prodhimit. (Swiss Diamond Hotel, ora 10:30)

- E Ngarkuara me Punë Coleen Hyland do të flasë me rastin e nënshkrimit të Memorandumit të Mirëkuptimit në mes të partnerit implementues të USAID-it Qendrës për Arsim të Kosovës dhe 7 komunave. (Hoteli Emerald, ora 11:00)

- Ministri i Kulturës, Rinisë dhe Sportit, Kujtim Gashi do të organizojë ceremoninë e ndarjes së shpërblimeve për sportistët dhe trajnerët. (Kabineti i Ministrit të Kulturës, ora 11:00)

- Komisioni për Shëndetësi, Punë dhe Mirëqenie Sociale takohet me Ambasadoren e Suedisë në Kosovë znj. Karin Hernmarck - Ahliny. (Ndërtesa e Kuvendit, salla N 302, ora 11:00)

- Aleanca Kroosvare e Bizneseve organizon konferencën për media me temë "Taksa 100% a është ekonomike a politike kundër Serbisë". (Zyret e AKB-së, ora 13:00)

-  Komisioni Qendror i Zgjedhjeve shpallë rezultatet përfundimtare të zgjedhjeve të jashtëzakonshme për kryetar në komunat: Leposaviq, Zveçan, Zubin Potok dhe Mitrovicë e Veriut. (objekti i KQZ-së, ora 14:00)

- Mbahet mbledhja e rregullt e Qeverisë së Kosovës. (Ndërtesa e Qeverisë, ora 14:00)