27 Maj 2020

UNDP mbështetë Gjykatën Themelore në Mitrovicë

Prishtinë, 24 prill - Programi i Kombeve të Bashkuara për Zhvillim (UNDP) do të nënshkruajë një marrëveshje për të mbështetur Gjykatën Themelore të Mitrovicës.

Iniciativa, e cila është pjesë e projektit të UNDP-së Sundimi i Ligjit dhe Qasja në Drejtësi, që financohet nga Ministria e Punëve të Jashtme e Mbretërisë Norvegjeze, synon të mbështesë Gjykatën Themelore të Mitrovicës për të siguruar që shkresat e lëndëve dhe seancat gjyqësore janë në dispozicion në gjuhën shqipe dhe serbe duke kontribuar kështu në zbatimin e ligjit për gjuhët zyrtare dhe në përmirësimin e qasjes me kohë të drejtësisë për të gjithë.

Kjo do të arrihet përmes ofrimit të 10 përkthyesve shqiptarë dhe serbë në mbështetje të gjykatës.

Përfaqësuesja e Përhershme UNDP-së, znj. Alessandra Roccasalvo dhe Zëvendëskryetari i gjykatës Ali Kutllovci do të nënshkruajnë marrëveshjen.

Kalendari

Ngjarjet e datës 27 Maj 2020 - Komisioni për Buxhet dhe Transfere shqyrton kërkesën e Fondit të Kursimeve Pensionale të Kosovës për miratimin e taksave vjetore, shqyrton po ashtu Programin e Shpenzimeve të Radiotelevizionit të Kosovës, etj. (Ndërtesa e Kuvendit, salla C 203, ora 10:00 - pa prezencën e mediave)
 
- Komisioni për Shëndetësi dhe Mirëqenie Sociale shqyrton Raportin e Ministrisë së Shëndetësisë. (Ndërtesa e Kuvendit, N 302, ora 10:00 - pa prezencën e mediave)

- Komisioni për Qeverisje Lokale, Administratë Publike, Zhvillim Rajonal dhe Media shqyrton Raportin vjetor të Komisionit të Pavarur për Media. (Ndërtesa e Kuvendit, salla N10, ora 11:00 - pa prezencën e mediave)

- Disa Organizata Jo Qeveritare dorezojn  Peticionin - 'Mos na helmoni!' - kundër deponisë së hirit të Korporatës Energjetike të Kosovës. (Tek Ministria e Infrastrukturës dhe Ambientit, ora 13:00)

- Komuna e  Rahovecit, organizon debat publik me qytetarët për Taksa Komunale. (Salla e mbledhjeve të Kuvendit Komunal, Rahovec, ora 13:30)

- Me hapjen e një përkujtimore të dedikuar viktimave të vetëvrasjes përmbyllet kampanja 'Linja e Jetës'. (Mbrapa Rektoratit në kampusin e Universitetit të Prishtinës, ora 16:00)