26 Shtator 2022

U.D. Kryeprokurori i Shtetit takoi kryeprokurorët e prokurorive

Prishtinë, 22 korrik – Ushtruesi i Detyrës së Kryeprokurorit të Shtetit, Besim Kelmendi, ka mbajtur takimin e radhës së Kolegjiumit të kryeprokurorëve të prokurorive të vendit, në të cilin morën pjesë edhe prokurorët e Zyrës së Kryeprokurorit të Shtetit.

Njoftimi për së afërmi me gjendjen aktuale në secilën prokurori veç e veç, përkatësisht, adresimi dhe diskutimi i përbashkët lidhur me sfidat dhe vështirësisë gjatë punës së përditshme në menaxhimin e prokurorive, kryerja e lëndëve penale, veçmas rritja e efikasitetit në trajtimin e rasteve të korrupsionit dhe nevoja për shtimin e numrit të prokurorëve në të gjitha nivelet e prokurorive, ishin disa nga çështjet thelbësore të takimit të Ushtruesit të Detyrës së Kryeprokurorit, Kelmendi, me kryeprokurorët e prokurorive dhe prokurorët e ZKPSH-së, të cilët, njëkohësisht, monitorojnë prokuroritë përkatëse.

Po ashtu, në fokus të këtij takimi, ishte edhe diskutimi për ndryshimet në Kodin e Ri të Procedurës Penale, risitë që janë futur në këtë Kod dhe përgatitjet e institucionit të Prokurorit të Shtetit për zbatimin sa më efikas të tij.

Në fund të takimit, U.D. Kryeprokurori Kelmendi iu ka ofruar bashkëpunim të ngushtë të gjithë kryeprokurorëve në adresimin dhe tejkalimin e të gjitha sfidave institucionale.


​


 

Kalendari

Ngjarjet e datës 26 shtator 2022 - Nën përkujdesjen e Kryetarit të Komunës së Malishevës, Ekrem Kastrati do të mbahet mbledhje përkujtimore në 24 vjetorin e “Masakrës së Gollubovcit”. (Salla e mbledhjeve të KK të Malishevës, ora 10:00)

- Komiteti Olimpik i Kosovës në kuadër të Javës Evropiane të Sportit 2022, organizon konferencën “Forumi për Sportin”. (Hotel Emerald, ora 10:00)

- Agjencia për Informim dhe Privatësi, me rastin e Ditës Ndërkombëtare për Lirinë e Informimit, mban konferencë me Kryetarë të Komunave. (Hotel Emerald, ora 10:15)

- Këshilli i Prindërve i shkollës “Faik Konica” në Prishtinë do ta organizoj një protestë për të shprehur pakënaqësinë e prindërve dhe nxënësve ndaj mos fillimit të procesit mësimor. (Oborri i shkollës, ora 12:00)

- Në 24 vjetorin e “Masakrës së Gollubovcit” behë homazhe te varrezat e martirëve në Plloqicë. (Fshati Plloqicë, ora 12:00)

- Në Qendrën Mediale në Çagllavicë zhvillohet debati me temën “Jo do të thotë jo - dhuna seksuale dhe ngacmimi i grave”. (Qendra Mediale në Çagllavicë, ora 12:00)

- Mahet mbledhja e Kryesisë së Kuvendit të Repulikës së Kosovës. (Ndërtesa e Kuvendit, salla C 301, ora 11:00)

- Në prag të ndeshjes Kosova - Qipro mbahet konferenca për media e Kombëtares së Kosovës. (Stadiumi “Fadil Vokrri”, ora 17:00)

- Zhvillohet stërvitja zyrtare e Kombëtares së Kosovës. (Stadiumi “Fadil Vokrri”, ora 17:30)

- Mbahet konferenca për media e Qipros. (Stadiumi “Fadil Vokrri”, ora 18:30)

- Zhvillohet sStërvitja zyrtare e Qipros. (Stadiumi “Fadil Vokrri”, ora 19:00)