11 Gusht 2020

Situata e sigurisë në gjithë Rahovecin është e qetë stabile dhe e qëndrueshme

Rahovec, 22 maj - Në sallën e mbledhjeve të Kuvendit Komunal të Rahovecit, sot është mbajtur mbledhje e tretë e Këshillit Komunal për Siguri n ë Bashkësi (KKSB), në komunën e Rahovecit, situata vlerësohet e qetë, stabile dhe e qëndrueshme.

Kryetari i Komunës, Smajl Latifi njëherit edhe kryesues i KKSB-së, i ka informuar anëtarët tjerë se situata e sigurisë në gjithë territorin e komunës është e qetë stabile dhe e qëndrueshme, kjo vjen si rezultat i të dhënave ditore që marrim nga përgjegjësit e sigurisë, përkatësisht stacioni i policisë në Rahovec. Situatën e mirë të sigurisë, duhet të vazhdojmë të mbajmë edhe në ditët në vazhdim.

Për pikën tre të mbledhjes që kishte të bënte me: Informatë rreth menaxhimit të situatës së të krijuar nga COVID-19 nga komuna e Rahovecit, kryetari Latifi para anëtarëve të tjerë të KKSB-së e ka prezantuar masat dhe veprimet nga komuna e Rahovecit per parandalimin e virusit Korona- Shtabit te Posacem Emergjent ne Komunen e Rahovecit .

“Numri i rasteve me COVID-19 është 35, 28 raste në Rahovec, 5 raste në fshatin Opterushë, 1 rast në Retij 1 rast në fshatin Kramovik ( me vendbanim në Prishtinë). Të shëruar janë gjithsejtë 14 raste, 19 raste janë aktiv kurse 2 raste vdekje të konfirmuara.  I falënderoj të gjithë donatorët e që sipas tij nuk kanë qenë të pakët dhe se ato donacione, me pako ushqimore dhe gjera tjera të nevojshme, janë shpërndarë për familjet në nevojë në gjithë territorin e komunës dhe se nuk ka mbetur asnjë familje me nevojë pa marrë pako” , ka thënë ndër të tjera kryetari Latifi.

Fazli Morina, komandant i stacionit të Policisë në Rahovec, ka raportuar për periudhën Mars-Prill dhe pjesën e parë të muajit Maj, në raportin e tij ai ka thënë se situata e sigurisë në komunën e Rahovecit mund të them se është e qetë dhe stabile. Në vazhdim komandanti Morina ka thënë se janë regjistruar 76 vepra penale, 10 prishje të rendit publik, 1 lëndim i rënd trupor , 3 lëndime të lehta trupore, 3 vjedhje dhe 6 raste vjedhje e rënd, 22 asitime  dhe 5 aksidente trafiku.

Kalendari

Ngjarjet e datës 11 Gusht 2020

- Ministri i Infrastrukturës, Arban Abrashi, do t’i vizitojë punimet në hekurudhën e Kosovës, linjën 10, në stacionin hekurudhor në Miradi. (Miradi, ora 10:00 - nisja për medie nga parkingu i Ministrisë së Infrastrukturës, ora 9:30)

-  Komisioni për Mbikëqyrjen e Financave Publike shqyrton Raportin e Auditimit për Ministrinë e Diasporës dhe Investimeve Strategjike, për vitin e përfunduar më 31 dhjetor 2019. (Salla e seancave plenare, ora 10:00)

- Ministrja e Kulturës, Rinisë dhe Sportit, Vlora Dumoshi, do të vizitojë Komunën e Malishevës ku do te takohet me kryetarin Ragip Begaj. (Objekti i Komunës, ora 10:00)

- Ministri i Drejtësisë, Selim Selimi raporton para Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit diskuton lidhur me programin legjislativ për vitin 2020 respektivisht të Projektligjeve të Ministrisë së Drejtësisë si dhe për gjendjen në Institucionet Korrektuese në Republikën e Kosovës për shkak të Pandemisë me Covid-19. (Salla e seancave plenare, ora 13:00)

- Zëvendëskryeministri Besnik Tahiri viziton Fondin e Kursimeve Pensionale të Kosovës për të diskutuar rreth rimëkëmbjes ekonomike. (Ndërtesa e TRUST-it, Rruga "Agim Ramadani", ora 11:00)

- Instituti Demokratik i Kosovës organizon konferencën për media ku do të shpalosen gjetjet nga analiza e burimit të problemeve në mos zbatimin e rekomandimeve të Auditorit të Përgjithshëm nga komunat. (Zyrat e KDI-së, ora 11:00)

-  Komisioni për të Drejtat e Njeriut, Barazi Gjinore, për Persona të Pagjetur dhe Peticione shqyrton raportin e panelit përzgjedhës për shqyrtimin e aplikacioneve, intervistim dhe listën e ngushtë të kandidatëve për Avokat të Popullit. (Ndërtesa e Kuvendit, salla N302, ora 13:00)

-  Komisioni Hetimor Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgon dëshmitë e dëshmitarëve. (Ndërtesa e Kuvendit, salla N10, ora 14:30)

- Organizata ETEA dhe Biblioteka “Hivzi Sulejmani” organizojn takim me shkrimtarin dhe kryetarin e Akademisë së Shkencave dhe Arteve, Mehmet Kraja. (Qendra për Edukim dhe Kulturë “Libart” në objektin e bibliotekës “Hivzi Sulejmani” në lagjen “Dardania”, ora 18:00)  .