12 Dhjetor 2019

Shoqëria civile vlerëson transparencën e Këshillit Prokurorial të Kosovës

Prishtinë, 18 korrik - Komisioni për Çështje Normative i Këshillit Prokurorial të Kosovës ka mbajtur dëgjim publik me përfaqësues të shoqërisë civile dhe mediave, lidhur me draftin e Rregullores për Emërimin e Kryeprokurorit të Shtetit dhe kryeprokurorëve të prokurorive të Kosovës.

Në këtë takim, përveç anëtarëve të Komisioni për Çështje Normative, ka marrë pjesë edhe Kryesuesi i KPK-së Bahri Hyseni, përfaqësues të Ambasadës Amerikane, Ambasadës Britanike dhe të UNDP-së.

Kryesuesi i KPK-së, Bahri Hyseni, në hapje të këtij dëgjimi publik tha së KPK e ka parë si të nevojshme organizimin e takimeve të tilla të dëgjimit publik, në rastet kur janë duke u nxjerrë rregullore të veçanta. “Rregullore e rëndësisë së veçantë konsiderohet edhe rregullorja për të cilën është thirrur dëgjimi publik, pasi që përmes saj përcaktohet i gjithë procesi i emërimit të Kryeprokurorit të Shtetit dhe kryeprokurorëve të prokurorive tjera”, tha ai.

Sipas kryesuesit Hyseni përzgjedhja e këtyre pozitave është e një rëndësie shumë të veçantë ku synohet që të aplikohen standardet dhe kriteret më transparente të cilat ndikojnë gjithësisë në përzgjedhjen mbi vlerat e meritokracisë.

Me tej, kryesuesi Hyseni tha se pjesë e hartimit të kësaj rregulloreje do të jenë edhe shoqëria civile dhe mediat, përmes kontributit që do ta japin me komentet dhe sugjerimet që kanë lidhur me drafin e rregullores.

Kryesuesi i Komisionit për Çështje Normative të Këshillit Prokurorial të Kosovës, Zejnullah Gashi, tha se rregullorja në fjalë është draftuar përmes një procesi të hapur dhe transparentë, ku partnerët ndërkombëtar kanë dhënë një kontribut të pazëvendësueshëm dhe propozimet e tyre janë inkorporuar në këtë draft. “Tani përmes kësaj forme të dëgjimit publik, ne po presim që të marrim edhe propozimet nga ju si shoqëri civile, në mënyrë që t’i analizojmë bashkërisht këtu dhe ato të cilat janë kompatibile me rrethanat ligjore dhe në të mirë të procesit, do i harmonizojmë dhe inkorporojmë brenda draftit”, tha ai.

Ndërsa, përfaqësuesit e shoqërisë civil e përgëzuan Këshillin Prokurorial të Kosovës për këtë organizim dhe thanë se kjo është qasje e re dhe është hera e parë që sistemi prokurorial e përdorë këtë formë të bashkëpunimit me publikun. Sipas tyre, kjo është mënyra më e mirë se si bashkëpunohet me shoqërinë civile dhe publikun për të siguruar transparencën e nevojshme në proceset e rëndësishme që zhvillohen në sistemin prokurorial të Kosovës.

Pas diskutimeve të zhvilluara dhe analizave të bëra në këtë takim të dëgjimit publik lidhur me draftin e Rregullores për Emërimin e Kryeprokurorit të Shtetit dhe kryeprokurorëve të prokurorive të Kosovës, pati pajtim të përgjithshëm që rekomandimet dhe sugjerimet e dala nga ky dëgjim publik, e të cilat janë në përputhje me legjislacionin në fuqi, por edhe që  janë në të mirë të procesit, do të harmonizohen dhe inkorporohen brenda draftit të rregullores së lartcekur.  

 

Kalendari

Ngjarjet e datës 12 dhjetor 2019 - Zyrtarja për Demokraci dhe Qeverisje e USAID-it në Kosovë, Christina Davies, do të flasë në hapjen e konferencës së titulluar Rritja e Transparencës së Gjyqësorit. (Biblioteka Kombëtare, ora 9:30)

- Koalicioni i OJQ-ve për Javën Kundër Korrupsionit organizon tryezën e diskutimit me titull “Sinjalizuesit në luftën kundër korrupsionit në prokurim publik”. (Hotel Sirius, ora 10:00)

- Ojq ETEA dhe Kuvendi i të Rinjve të Prishtinës organizojn hapjen e minibibliotekës në Sheshi “Adem Jashari” në Prihtinë. (Sheshi “Adem Jashari”, ora 10:00)

- UBT dhe Radio Deutsche Welle, në kuadër të projektit “Balkan Booster”, organizojnë debatin më temë diskutimi: “Degradimi i mjedisit dhe qasja e medias ndaj mjedisit”, debat në të cilin shfaqet kontributi dhe qasja e medias ndaj këtij problemi. (Kampusi Inovativ i UBT-së në Lipjan, ora 11:00)

- Drejtori i Bujqësisë në Gjilan, Ramiz Ramadani dhe drejtoresha e organizatës për zhvillim rural “Mëshqerra”, Florentina Kida-Gërguri mbajnë konferencë për media më qëllim sqarimin lidhur me keqinformimin e opinionit nga disa media, rreth shpërndarjen e lopëve qumështore. (Zyra e Kryetarit të Komunës së Gjilanit, ora 11:00)

- RIT Kosova dhe Instituti për Trajnime Zhvillimore organizon ceremoninë e ndarjes së çertifikatave për studentët që i kanë përfunduar me sukses kurset të Koslift. (Objekti i RIT Kosova AUK, ora 11:30)

- Shoqata e të Drejtave të Pacientëve në Kosovë organizon tryezën “Sigurimet Shëndetësore po fillojnë ?!” (Hotel AFA, ora 12:00)

- Ojq ETEA dhe Kuvendi i të Rinjve të Prishtinës organizojn hapjen e minibibliotekës në Kampusi Universitar. (Kampusi Universitar në Prishtinë, ora 12:00)

- Aksionari i institucionit jo-bankar Monego organizon konferencë për shtyp, rreth vendimit të Bankës Qëndrore dhe revokimit të licencës së Monego. (Shoqëria e Avokatëve “Koci & Vokshi”, Rr. Robert Doll Nr.19, ora 13:00)

- Drejtoresha e misionit të USAID-it në Kosovë, Lisa Magno, do të flasë në ngjarjen e shënimit të sukseseve të aktivitetit të USAID-it Fuqizimi i Sektorit Privat, i cili filloi në vitin 2014. (Hoteli Emerald, ora 13:30)

- Grupi për Studime Juridike dhe Politike organizon konferencën për media me temë “Lufta kundër pastrimit të parave dhe konfiskimit të aseteve të fituara në mënyrë të kundërligjshme: Ku qëndron Kosova?”. (Qendra e Konferencave Orion, ora 14:00)

- Kolegji Heimerer organizon tryezë diskutimi me temën “E tashmja dhe e ardhmja e Sistemit Informative Shëndetësor në Kosovë”. (Kolegji Heimerer, ora 14:00)

- Prezantohet shfaqja multidisiplinore Alter..."Një rrugetim në vete të parë" , e cila do të mbahet për herë të parë në Prishtinë. (Salla e Kuqe në Pallatin e Rinisë, ora 19:30)