21 Tetor 2019

Shënohen incidente në procesin e numërimit

Prishtinë, 6 tetor - Vëzhguesit e koalicionit të OJQ-ve “Demokracia në Veprim” të cilët po përcjellin procesin e numërimit të fletëvotimeve kanë raportuar se:

Në Skivjan të Gjakovës, në Shkollën “Ukshin Miftari”, në vendvotimin 0214C/03R, ka ndodhur një incident ku një vëzhgues i një subjekti politik ka sulmuar fizikisht Kryesuesit e këtij vendvotimi, duke penguar të njëjtin që të kryej detyrën zyrtare.

Policia ka ardhur në vendin e ngjarjes dhe ka marr nën kontroll vendvotimin duke i larguar të gjithë komisionerët dhe vëzhguesit nga vendvotimi në fjalë.

 Në Gjakovë, në Shkollën “Nexhmedin Nixha”, në vendvotimin 0203X/01R është evidentuar një rast kur një komisionere gjatë procesit të numërimit ka ndërhyrë në fletëvotim duke shënjuar atë. Vëzhguesit e DnV-së e kanë denoncuar rastin në Policinë e Kosovës.

DnV pret që institucionet përgjegjëse të ndërmarrin të gjitha masat e duhura për të garantuar një atmosferë të qetë dhe zgjedhje demokratike dhe të lira.

DnV kërkon nga trupat për menaxhim të zgjedhjeve të kenë vëmendje të shtuar gjatë numërimit të fletëvotimeve në mënyrë që të sigurojnë integritetin e procesit të numërimit.

Kalendari

Ngjarjet e datës 21 tetor 2019

- Nën patronatin e Kryeprokurorit të Shtetit, Aleksandër Lumezi dhe në mbështetjen e Ambasadës Amerikane në Kosovë dhe UN Women-it, mbahet “Java për të Drejtat e Viktimave të Krimit” me ç‘rast do të organizohet konferencë ndërkombëtare me moton “Drejtësia rikthen dinjitetin e viktimave”. (Hotel Emerald, ora 10:00)

- Familja Hoxha mban konferencë për media për të shprehur zhgënjimin me Qeverinë Rama për neglizhencën në zbardhjen e fatin e Remzi Hoxhes. (Hotel The Plaza Tirana, orën 10:00)

- Kryetari i Gjilanit, Lutfi Haziri pret në takim kryetarin e Odës Ekonomike Indiano-Kosovare, Anil Mishra. (Zyra e kryetarit, ora 11:45)

- Aleanca Kosovare e Biznesve dhe Misioni Diplomatik për Paqe dhe Prosperitet  organizojnë ceremoninë zyrtare të vlerësimit për Vasfije Krasniqi-Goodman si Misionare e Paqës. (Zyrat e Misionit Diplomatik në Tiranë, rruga Donika Kastrioti, P14 Ap.3E, ora 12:00)

- Zyra e BE-së rganizon një vizitë në shkollën 'Nim Frashëri' e cila së shpejti do të lidhet me rrjetin e ngrohjes qendrore të ofruar nga Termokosi. (Shkolla “Naim Frashëri”, ora 14:30)

- Ambasada e Shqiperise organizon aktivitetin ‘Serenata me Ermira Babaliun dhe Flamo Trio’. (Teatri Dodona, ora 19:00)