26 Shtator 2020

RrGK me aksion kundërshton dënimet e ulëta për vrasësit e grave

Prishtinë, 16 shtator - Gratë në Kosovë po vazhdojnë të vriten nga burrat dhe dhuna në shumë familje kosovare po mbetet përditshmëri tejet e hidhur.

Rrjeti i Grave të Kosovës (RrGK) vlerëson se për institucionet e drejtësisë duket se jeta e grave në Kosovë vlen pak.

Dënimet e shqiptuara nga institucionet e drejtësisë sipas RrGK- së janë të ulëta dhe përçojnë mesazhin se dhuna ndaj grave është e tolerueshme dhe se nuk merr dënim meritor.

Për ta adresuar këtë, Rrjeti i Grave të Kosovës (RrGK) do të ndërmarrë një aksion sot para Prokurorisë në Prishtinë, me distancë fizike dhe me maska.

Policia e Kosovës e ka kufizuar këtë organizim në ‘simbolik’ dhe me pjesëmarrje të jo më shumë se pesë personave. 

Kalendari

Ngjarjet e datës 26 Shtator 2020

- Partia Socialdemokrate do të mbaj një aktivitet afër bankës "Pro Credit Bank". (Përballë rektoratit të UP-së, lagjia "Tre Sheshirat", ora 13:00)

- Platforma Bashkë-krijuese GërrGërr organizon ditën e dytë të programit, “Kuzhina Anasjelltas”. (Kino Bahçe, te Lumbardhi në Prizren, ora 18:00)

- Mbahet nata e dytë e edicionit të festivalit Lahuta, Okarina Polifionia. (Ambientet e Qendrës për zhvillimin e kultures tradicionale në Prishtinë, ora 18:30)