02 Qershor 2020

Publikohet raporti “Drejtësia administrative në Kosovë, ligji VS praktika”

Prishtinë, 22 shtator - Instituti i Kosovës për Drejtësi (IKD), me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit (INL) dhe NED-it do të mbajë konferencë për media, në të cilën do publikohet raporti: “Drejtësia administrative në Kosovë, ligji VS praktika”.

IKD gjatë kësaj konferencë për media do të prezantoj raportin analitik si rezultat i monitorimit dhe hulumtimit sistematik të rasteve që lidhen me Departamentin për Çështje Administative në Gjykatën Themelore në Prishtinë dhe Gjykatën e Apelit, të cilat i mbulojnë të gjitha lëndët administrative në nivel të Republikës së Kosovës.

Nga gjetjet e IKD-së në monitorimin e drejtësisë administrative, rezulton se përqindja e numrit të lëndëve të pazgjidhura është rritur vit pas viti edhe përkundër faktit se nga viti 2016 deri në vitin 2019, nuk ka rritje drastike të numrit të lëndëve në punë në raport me vitet paraprake.

Raporti ka analizuar shumë aspekte të trajtimit të këtyre lëndëve, përfshi mesataren e kohëzgjatjes së trajtimit të rasteve, arsyetimet e aktgjykimeve, lojën e “pingpongut” me lëndët e qytetarëve si dhe joefikasitetin e mbrojtjes së interesit publik nga ana e Avokaturës Shtetërore.
 

Kalendari

Ngjarjet e datës 2 Qershor 2020 - Mbahet mbledhja e Kryesisë së Kuvendit në të cilën do të shqyrtohet kërkesa e 61 deputetëve për thirrjen e seancës së jashtëzakonshme të Kuvendit. (Ndërtesa e Kuvendit, salla  C-301, ora 10:00 - mbledhja do të mbahet pa prezencën e mediave)

- Lëvizja Vetëvendosje nisë mbledhjen e nënshkrimeve për peticion “Duam Zgjedhje” (Sheshi “Nënë Tereza”, ora 10:00)

- Mbahet seanca e tretë e Kuvendit të Komunës së Gjilanit. (Holli i Gjimnazit Natyror “Xhavit Ahmeti” në Gjilan, ora 10:00) 

- Në kuadër të Javës së Gjelbër, Komuna e Prishtinës do të organizojë mbjelljen e drunjëve në lagjen Dardania. (Lagja Dardania, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike, shqyrton Raportin vjetor të Komisionit të Pavarur për Miniera dhe Minerale për vitin 2019. (Ndërtesa e Kuvendit, C203, ora 11:00)

- Mbahet mbledhja e Kryesisë së Lidhjes Demokratike të Kosovës ku pas mbledhjes, kryetari i LDK-së, Isa Mustafa mban konferencë për medie. (Selia e LDK-së, ora 16:30)