03 Dhjetor 2022

Policia e Kosovës merr pjesë në konventën e shefave të policive në Europol

Prishtinë, 5 tetor - Ushtruesi i detyrës së drejtorit të përgjithshëm të Policisë së Kosovës Fehmi Hoti, i shoqëruar nga drejtori departamentit të hetimeve Arben Paçarizi dhe Besnik Sallahu drejtor i drejtorisë për bashkëpunim ndërkombëtar dhe zbatim të ligjit (ILECU), po marrin pjesë në konferencën vjetore të shefave të policive, e cila organizohet nga Europol dhe presidenca Çeke e BE-së. Konventa e shefave të policive dy ditore, po mbahet në selinë e Europol-it në Hagë.
 
Gjatë rrjedhës së kësaj konvente ud/drejtori i përgjithshëm i PK-së z. Hoti, ka zhvilluar edhe disa takime bilaterale mjaft të rëndësishme si me, zëvendës drejtorin ekzekutiv për operacione të Europol-it Jean -Philippe Lecouffe, me zëvendës drejtorin e Policisë Shqiptare Tonin Vocaj, drejtorin e përgjithshëm të Policisë së Maqedonisë së Veriut Sasho Tasevski, drejtorin e Policisë së Kroacisë Nikola Milina dhe zëvendës drejtorin e përgjithshëm të  BKA z.Michael Kretchner.

Gjatë këtyre takimeve u diskutuan tema mjaft të rëndësishme që ndërlidhen me fushën e sigurisë, bashkëpunimit policor në forma të ndryshme si dhe për mundësinë e shkëmbimit të eksperiencave dhe përvojave policore që mund të shërbejnë për zhvillimin profesional të organizatave policore.

 

Kalendari

Ngjarjet e datës 3 dhjetor 2022

- Komuna e Prishtinës do të bëjë testimin e radhës të Sistemit të Alarmit Publik me tinguj të njëtrajtshëm dy herë nga 30 sekonda. (Prishitnë, ora 12:05)

- Ndihmës administratorja e Agjencisë së Shteteve të Bashkuara për Zhvillim Ndërkombëtar për Europë dhe Euroazi, Ambasadorja Erin E. McKee, do të vizitojë Kosovën ku do të takohet me akterë të ndryshëm duke përfshirë përfaqësues të Qeverisë, shoqërisë civile, sektorit privat, bartës të rinj të ndryshimeve etj. (Lokalet e Royal Beverages, Velekincë, Komuna e Gjilanit, ora 13:30)

- Ministrja e Drejtësisë, Albulena Haxhiu e shoqëruar nga kryetari i Komunës së Podujevës Shpejtim Bulliqi, do të mbajë tubim me vajza e gra. (Teatrin e Qytetit "Avdush Hasani", ora 14:00)

- Ministrja e Drejtësisë, Albulena Haxhiu e shoqëruar nga kryetari i Komunës së Podujevës Shpejtim Bulliqi do të vizitojë Qendrën e Handikos-it në Podujevë. (Objekti i Qendrës në Podujevë, ora 15:30)

- Në kuadër të Festivalit Ndërkombëtar të Filmit do të shfaqen filma vendor dhe të huaj, ku do të ketë diskutime me me autorët pjesmarrës! (Kino Armata, ora 17:00)
 
- Mbahet ceremonia e mbylljes së Festivalit Ndërkombëtar të Filmit më ç'rast do të behët edhe ndarja e çmimeve. (Kino Armata, ora 19:00 )