14 Nëntor 2018

PK demanton shkrimet e disa mediave në lidhje me raportin e auditimit

Prishtinë, 17 maj - Policia e Kosovës për hir të korrektësisë dhe transparencës së vazhdueshme që ka treguar me media dhe opinionin, pas publikimit të shkrimeve nëpër disa media të elektronike duke përfshirë gazetën zëri me titull ”Qindra zyrtarë policorë mbajnë pozita në mospërputhje me gradat” dëshirojmë t’ju informojmë dhe sqarojmë se:

Për të realizuar me sukses objektivat kushtetuese dhe ligjore, si çdo polici tjetër në botë edhe Policia e Kosovës ka nevojë të caktimit të personelit policor në detyra dhe pozita të caktuara sipas strukturës organizative, e po ashtu edhe të pajiset me pajisje nga më të ndryshmet dhe komplekse të fushës së sigurisë.

Policia e Kosovës si organizatë e madhe me mbi 9000 punonjës ka raste ku zyrtarët policorë suspendohen apo transferohen për shkaqe të ndryshme, ku pozitat e tyre duhet patjetër të plotësohen me personel tjetër në cilësinë e ushtruesve të detyrës derisa të rekomandohet për veprime te mëtutjeshme nga autoriteti përkatës.

Një analizë të tillë të uljes së numrit të pozitave të caktuara si ushtrues detyre, PK-ja e ka filluar që nga viti 2011 që ka vazhduar në kontinuitet, me qëllim të ndërmarrjes së veprimeve konkrete, duke ulur numrin e pozitave të tilla.

Lidhur me pagat dhe kompensimin e personelit policor, sipas Ligjit të Policisë merren parasysh kushtet e veçanta nën të cilat ata i kryejnë detyrat e tyre. Paga themelore e zyrtarëve ndryshon duke u bazuar në faktorët përfshirës, por jo të kufizohet vetëm me gradën dhe kohëzgjatjen e shërbimit. Megjithatë, ne si PK kemi marr seriozisht të gjitha rekomandimet nga autoriteti i auditimit dhe në vazhdimësi kemi qenë dhe jemi të përkushtuar në implementimin e këtyre rekomandimeve.

Policia e Kosovës, me qëllim të plotësimit dhe sistematizimit të pozitave me grada respektive, ka realizuar proceset e promovimit/gradimit të zyrtarëve policorë, të cilat tanimë kanë përfunduar për gradën nënkolonel dhe major, përderisa aktualisht jemi duke vazhduar procesin e promovimit për gradën kapiten, procese këto të cilave iu paraprin një analizë dhe vlerësim i nevojave për kapacitete apo resurse njerëzore, njëkohësisht duke marrë parasysh edhe rekomandimet nga autoritetet për auditim të realizuara gjatë vitit 2017, ku tanimë gjendja reale në këtë drejtim në PK dukshëm është përmirësuar.

Sa u përket procedurave të prokurimit Policia e Kosovës kujdeset që të gjitha të realizohen në mënyrë strikte në respektim të plotë të legjislacionit në fuqi, procedura këto të cilat realizohen çdo herë në bashkëpunim me institucionet tjera përgjegjëse, përfshirë OSHP, KRPP etj. Të gjitha veprimet në procedurë që varen nga PK-ja gjithherë kryhen me kohë sipas afateve të parapara me ligj.

Ndërsa sa i përket menaxhimit të buxhetit dhe çështjeve financiare PK-ja i kushton një rëndësi të veçantë respektimit dhe implementimit të procedurave të parapara sipas rregullave financiare, mirëpo vitin e kaluar për arsye të disa ndryshimeve në rregullat financiare nga ministria kompetente, edhe në Policinë e Kosovës janë shkaktuar disa vështirësi në adaptim me rregullat e reja, probleme këto të cilat tanimë janë zgjidhur.

Po ashtu, ndër pajisjet më të rëndësishme dhe primare konsiderohen edhe automjetet policore të cilat sigurojnë një mobilitet për të kryer detyrat dhe përgjegjësitë policore, duke qenë çdo herë pranë qytetarëve, me qëllim të ofrimit të sigurisë.

Sipas rregullave në realizimin e projekteve edhe PK-ja varet nga shumë akterë institucionalë publikë dhe privatë, shpesh kjo varësi na sjell në situata kur jemi të hendikepuar të veprojmë, kurse në anën tjetër kërcënimet e sigurisë nacionale na sfidojnë.

Policia e Kosovës në shfrytëzimin e buxhetit që i ndahet është shumë transparente dhe kujdeset që të respektohet legjislacioni në përpikëri.
Policia e Kosovës siç dihet shfrytëzon automjetet pa ndërprerë 24/7 në realizimin e detyrave policore.

Vjetërsia e automjeteve ekzistuese dhe amortizimi i tyre si rezultat i punës së pandërprerë ka sjellë një situatë që automjetet të kenë nevojë për riparime të shpeshta.

Duke pasur parasysh se PK-ja është organizatë e madhe policore me numër të madh të automjeteve, të cilat qarkullojnë pa ndërprerë 24/7, është normale të ketë prishje dhe nevojë për servisim apo riparim të automjeteve dhe njëkohësisht është e pamundur të parashihen dhe të dihen saktë prishjet e mundshme të tyre.

Për të tejkaluar të gjitha këto probleme PK-ja ka angazhuar staf profesional që kujdeset në riparimin e tyre.

Menaxhmenti i PK-së është shumë i përkushtuar që të ketë kontroll, mbikëqyrje dhe riparime sa më efikase dhe sa më ekonomike, në mënyrë që automjetet të jenë operacionale në kohën sa më optimale.

 

Kalendari

Ngjarjet e datës 14 nëntor 2018 - Ministria e Administrimit të Pushtetit Lokal në bashkëpunim me programin 'Ndërtimi i Institucioneve Ndërkufitare Plus',  i cili financohet nga Bashkimi Evropian organizon Forumin Rajonal fokusohet mbi koordinimin dhe harmonizimin rajonal në kontekstin e para-aderimit, si dhe shkëmbimin dhe transferimin e praktikave të mira të vendeve nga Ballkani Perëndimor. (Hotel Emerald, ora 9:00)

- Kryetari i Komunës së Gjilanit, Lutfi Haziri, ministri i Mjedisit dhe Planifikimit Hapësinor, Fatmir Matoshi dhe ministri i Zhvillimit Ekonomik, Valdrin Lluka vizitojnë Kompaninë Rajonale  te Ujësjellësit Hidromorava në Gjilan. (Objekti i KRU Hidromorava, ora 9:00)

 - Asociacioni i Gazetarëve të Kosovës dhe Ekipi i OKB-së në Kosovë, së bashku me UNWOMEN organizojnë diskutim lidhur me Objektivat e Zhvillimit të Qëndrueshëm pak para fillimit të fushatës 16 Ditët e aktivizmit. (Qendrën e konferencave Orion, ora 9:15)

- Përfaqësues të Agjencisë për Menaxhimin e Komplekseve Memoriale, Komisioni Qeveritar për Persona të Zhdukur dhe Shoqata e familjarëve të personave të zhdukur "27 Prilli 1999-Meje" raportojn para Komisionit për të Drejtat e Njeriut, Barazi Gjinore, për Persona të Pagjetur dhe Peticione lidhur me zhvillimin e punimeve në kompleksin memorial në Meje. (Ndërtesa e Kuvendit, salla N 303, ora 10:00)

- Kryetari i Komunës së Gjilanit, Lutfi Haziri, pret në takim ministrin e Mjedisit dhe Planifikimit Hapësinor, Fatmir Matoshi dhe atë të Zhvillimit Ekonomik, Valdrin Lluka.(Zyra e krytarit Haziri, ora 10:00)

- Mbahet mbledhja e Komisionit për Integrime Evropiane në të cilën do të shqyrtohet Projektligji për kompetencat e zgjeruara për konfiskimin e pasurisë nga aspekti i përputhshmërisë me legjislacionin e BE-së dhe Projektligji për mbrojtjen e sinjalizuesve nga aspekti i përputhshmërisë me legjislacionin e BE-së. (Ndërtesa e Kuvendit, salla N 302, ora 10:00)

- Organizatorët e fushatës “Ta Pastrojmë Kosovën” organizojnë tryezë me qëllim të diskutimit të të arriturave të komunave të rajonit të Prishtinës në fushatën e pastrimit nga data 15 shtator e deri më tani. (Restorant “Pylli i Arinjve” në Badovc, ora 10:00)

- E ngarkuara me Punë Colleen Hyland dhe Kryeministri Ramush Haradinaj do të flasin në hapjen e edicionit të dytë vjetor të Konventës së Veshmbathjeve të Kosovës. (Hoteli Emerald, ora 10:00)

- Mbahet mbledhja e Komisionit për Buxhet dhe Financa  në të cilën do të shqyrtohet Projektligji për Gjykatat, Projektkodi Penal i Republikës së Kosovës, Projektligji për Përgjegjësinë Disiplinore të Gjyqtarëve dhe Prokurorëve, ejt. (Ndërtesa e Kuvendit, salla C 203, ora 11:00)

- Administrata Tatimore e Kosovës do të nënshkruaj Memorandum Mirëkuptimi me ambasadën e Britanisë së Madhe dhe Ambasaden e Republikës Federale të Gjermanisë. (Zyra qendrore e ATK-së, ora 11:00)

- Mbahet mbledhja e Komisionit për Mbikëqyrjen e Financave Publike në të cilën do të shqyrtohet  raporti i auditimit për Pasqyrat Vjetore Financiare të Ministrisë së Kulturës, Rinisë dhe Sportit për vitin e përfunduar më 31 dhjetor 2017. (Ndërtesa e Kuvendit, salla N204, ora 11:00)

- Kryetari i Komunës së Gjilanit, Lutfi Haziri, ministri i Mjedisit dhe Planifikimit Hapësinor, Fatmir Matoshi dhe ministri i Zhvillimit Ekonomik, Valdrin Lluka vizitojnë punishten e projektit “Lumi Mirusha” dhe projektin e Digës e Përlepnicës. (Gjilan, ora 10:40 - deklarata për media në Përlepnicë, ora 11:20)

- Ministri i Mjedisit dhe Planifikimit Hapësinor, Fatmir Matoshi se bashku kryetarin e Kamenicës, Qendron Kastrati vizitojnë projektin “Ruajtja e ambientit dhe rekreacionit në  Kamenicë”, SHMLP “Andrea Durrsaku” në Kamenicë. (Kamenicë, ora 12:00)

- Në kuadër të Fushatës “Ta Pastrojmë Kosovën” do të organizohet aksion pastrimi në Komunën e Kamenicës. (Oborri i objektit të ri të Komunës së Kamenicës, ora 12:00)

- Ministri i Mjedisit dhe Planifikimit Hapësinor, Fatmir Matoshi se bashku kryetarin e Kamenicës, Qendron Kastrati vizitojnë projektin “Renovimi i Shtëpisë së Kulturës “Isa Kastrati” në Kamenicë. (Kamenicë, ora 12:30)

- Ministri i Zhvillimit Ekonomik, Valdrin Lluka, dhe Bordit i Trepçes raportojn para Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal lidhur me funksionalizimin e Ndërmarrjes Trepça. (Ndërtesa e Kuvendit, salla N 303, ora 13:00)

- Me rastin e 100 vjetorit të përfundimit të Luftës së Parë Botërore, ambasadorët e Francës dhe Gjermanisë në Kosovë, Didier Chabert dhe Christian Heldt do të flasin para studentëve kosovarë për përvojat e pajtimit franko-gjerman. (Biblioteka Kombëtare e Kosovës, ora 13:00)

- Ministri i Mjedisit dhe Planifikimit Hapësinor, Fatmir Matoshi se bashku kryetarin e Kamenicës, Qendron Kastrati mbajnë konferencë për media. (Lagja Malësia në Kamenicë, ora 13:20)

- Kryetari i Nismës Socialdemokrate, Fatmir Limaj, mban takim me të rinjtë e Nismës në Ferizaj. (Qendra e Kulturës në Ferizaj, ora 17:00)

- Në kuadër të aktiviteteve që shënojnë javën e ndërmarrësisë, Cacttus Education organizon diskutimin publik me temë Ndërmarrësia në TIK- Tejkalimi i sfidave gjatë krijimit të një biznesi në fushën e TIK-ut. (Inovation Center Kosovo, ora 17:00)

- Kryetari i Nismës Socialdemokrate, Fatmir Limaj, mban takim me të rinjtë e Nismës në Kaçanik. (Restorant Egzona në Kaçanik, ora 19:00)