07 Gusht 2020

OSBE lanson raportin për zgjidhjen e kërkesave mbi të drejtat pronësore

Prishtinë, 16 qershor - Misioni i OSBE-së në Kosovë lansoi sot Raportin mbi mekanizmin e shqyrtimit në masë të kërkesave për të drejtat pronësore: Përvoja e Kosovës, vlerësim i dy dekadave të trajtimit të çështjeve pronësore që kanë lindur pas vitit 1999.

Raporti analizon sfidat e Drejtorisë për Çështje Pronësore Banesore (DÇPB, 1999–2006), Agjencisë Kosovare të Pronave (AKP, 2006-2016), si dhe Agjencisë (aktuale) Kosovare për Krahasim dhe Verifikim të Pronave (AKKVP, themeluar në vitin 2016) me të cilat janë ballafaquar në përpjekjet e tyre, rezultatet që i kanë arritur dhe boshllëqet e mbetura.

Në 20 vitet e fundit këto tre agjenci kanë zgjidhur mbi 70,000 kërkesa banesore, ekonomike dhe bujqësore. Mirëpo, vështirësitë në njoftimet për palët, administrimin e pronave, administrimin e skemës së qiradhënies, rishikimin paralel të rasteve nga gjykatat, rrënimin e strukturave të paligjshme dhe kompensimin e rasteve, ishin sfida për shqyrtimin e kërkesave pronësore pas konfliktit.

"Në shoqëritë pas konfliktit me zhvillimin e sistemeve gjyqësore, gjykatat e rregullta përballen me vështirësi në shqyrtimin e numrit të madh të kërkesave pronësore. Prandaj, bashkësia ndërkombëtare krijoi organe quazi-gjyqësore dhe administrative për të ndihmuar në lehtësimin e zgjidhjes së shpejtë të këtyre kërkesave pronësore, "tha Jan Braathu, Shefi i Misionit të OSBE-së në Kosovë.

“Adresimi i çështjes së kërkesave të pazgjidhura pronësore të lidhura me konfliktin është parakusht i domosdoshëm për të arritur dhe ruajtur stabilitetin e çdo shoqërie pas konfliktit. Sigurimi i mjeteve juridike për këto kërkesa specifike kontribuon jo vetëm në mbrojtjen dhe avancimin e të drejtave të njeriut të palëve të prekura, por mund të ketë ndikim pozitiv edhe në procesin e pajtimit brenda shoqërisë, "shtoi ai.

Në përputhje me mandatin e tij, Misioni punon për promovimin dhe mbrojtjen e të drejtave pronësore të komuniteteve jo-shumicë dhe personave të zhvendosur, duke siguruar që atyre t’iu kthehen të drejtat e tyre pronësore. Misioni bashkëpunon ngushtë me institucionet përgjegjëse në Kosovë për të zhvilluar politika dhe legjislacion si dhe për t’i zbatuar ato, duke u përpjekur kështu që të sigurojë mbrojtjen e të drejtave pronësore individuale.

 

Kalendari

Ngjarjet e datës 7 Gusht 2020

 - Komisioni Hetimor Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës shqyrton planin operativ te punës. (Ndërtesa e Kuvendit, salla N10, ora 9:30)

- Drejtori i Përgjithshëm i ATK-së Ilir Murtezaj do të mbaj konferencë për media, në të cilën do të prezantoj aktivitetet e zhvilluara, si dhe rezultatet e arritura të ATK-së. (Qendra e Shërbimit të Tatimpaguesve, ish-ndërtesa e Gërmisë, ora 10:00)

- Vazhdimi i seancës plenare të Kuvendit të Republikës së Kosovës. (Salla e Kuvendit, ora