19 Janar 2022

Norvegjia përkrahë digjitalizimin e administratës së prokurorive

Prishtinë, 26 nëntor – Kryesuesi i KPK-së, Jetish Maloku, ka pritur në takim Ambasadorin e Norvegjisë në Kosovë, Jens Erik Grøndahl. 

Fillimisht, Kryesuesi Maloku, njoftoi Ambasadorin Grøndahl për të arriturat e sistemit prokuroral të Kosovës në fushën e zbatimit të sistemit për menaxhimin informativ të lëndëve, përgatitjen e akteve nënligjore, procesin e vlerësimit të prokurorëve, procesin e rekrutimit të prokurorëve, por edhe për sfidat me të cilat po përballemi duke përfshirë edhe ato ligjore.

Në takim, Kryesuesi Maloku, theksoi se kemi vënë me sukses zbatimin e Sistemit për Menaxhimin Informativ të Lëndëve (SMIL) në të gjitha prokuroritë themelore, në Prokurorinë Speciale të Republikës së Kosovës dhe në Prokurorinë e Apelit. “Kjo ka rezultuar në transformimin e punës manuale në atë digjitale përkatësisht në menaxhimin e tërësishëm të punës së prokurorisë përmes këtij sistemi. Të gjitha lëndët që pranohen në prokurori regjistrohen në sistem dhe më pastaj shpërndahen në mënyrë automatike nga SMIL-i te prokurorët, për të vazhduar në regjistrimin e të gjitha veprimeve të prokurorit deri në fazën e arkivimit”, ka theksuar Kryesuesi me ketë rast.

Në këtë kontekst, u tha se janë realizuar shkëmbimet elektronike në mes të Prokurorit të Shtetit dhe Agjencisë së Regjistrit Civil, Agjencisë së Regjistrit të Bizneseve, Policisë së Kosovës dhe gjykatave.

Në anën tjetër, Ambasadori Grøndahl, ka shprehur mbështetjen e tij dhe të vendit të tij për ta ndihmuar institucionin e Këshillit Prokurorial të Kosovës në digjitalizimin e tërësishëm të procesit të punës.

Në fund të takimit, Kryesuesi i KPK-së falënderoi Ambasadorin e Mbretërisë së Norvegjisë për vizitën dhe interesimin e treguar për sistemin prokurorial, duke e vlerësuar lart mbështetjen dhe përkrahjen e vazhdueshme të këtij shteti, me theks të veçantë në fushën e digjitalizimit të administratës së prokurorive.


​ 


 



 


 

Kalendari

Ngjarjet e datës 19 janar 2022

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton Projektligjin për ndryshimin dhe plotësimin e Ligjit për Shitjen e Banesave për të cilat ekziston e Drejta Banesore, shqyrton raportin e grupit punues në lidhje me zbatimin e mbikëqyrjes së Ligjit për përgjegjësinë disiplinore të gjyqtarëve dhe prokurorëve, etj. (Ndërtesa e Kuvendit, salla N303, ora 10:00)

- Instituti i Kosovës për Drejtësi me përkrahje të Departamentit të Shtetit Amerikan - Byrosë Ndërkombëtare për Çështje të Narkotikëve dhe Zbatimit të Ligjit dhe NED-it mban konferencë për media në të cilën do të prezantohet analiza me titull “Konfiskimi i pasurisë së pajustifikueshme: problemet juridike të Projektligjit aktual”. (Hotel Sirius, ora 10:00)

- Komisioni për Shëndetësi dhe Mirëqenie Sociale shqyrton draft raportin e monitorimit të Ligjit për Shëndetin Mendor dhe diskuton për punën e Këshillit për Objektivat e Zhvillimit të Qëndrueshëm. . (Ndërtesa e Kuvendit, salla N302, ora 10:00)

- Komisioni për Mbikëqyrjen e Financave Publike inicon procedurat lidhur me auditimin e raporteve vjetore financiare dhe raportet e deklarimit financiar të fushatës, së subjekteve politike, për vitin 2021. (Ndërtesa e Kuvendit, salla N10, ora 10:00)
 
- Lëvizja FOL vazhdon serinë e debateve FOL Hapur me Ministren e Industrisë, Ndërmarrësisë dhe Tregtisë, Rozeta Hajdari. (Hotel Sirius, ora 11:00)

- The British School of Kosova organizon shfaqjen edukativo - arsimore për fëmije  "Mushkonjat dhe Princi". (Teatri "Faruk Begolli" në Kolegjin AAB, ora 11:00)

- Administrata Tatimore e Kosovës mban ceremoninë e themelimit të 22 vjetorit të saj në të cilën do të marrin pjesë Ministri i Financave, Punës dhe Transfereve Hekuran Murati dhe drejtues nga odata ekonomike, përfaqësues nga institucionet ndërkombëtarë, si dhe përfaqësues nga organizatat e kontabilitetit. (Qendra e Shërbimit për Tatimpagues, ish-ndërtesa e Gërmisë, sheshi Skënderbeu, ora 14:00)

- Në kuadër të manifiestimit 'Flaka e Janarit' hapet ekspozitë memoaresh e kujtimesh "Dhoma e Kadriut, Jusufit dhe Bardhoshit". (Muzeu Etnologjik i qyteti të Gjilanit, ora 16:00)

- Partia Socialdemokrate do të mbaj tubim me qytetarë ku do të shpaloset Manifesti - dokumenti i parë i partisë. (Hotel Grand, ora 17:00)