06 Korrik 2020

Ministrja Haxhiu anulon konkursin për noterët

Prishtinë, 20 shkurt - Ministrja e Drejtësisë, Albulena Haxhiu ka kthyer në pikën zero procesin e provimit të noterisë, proces ky  i nisur nga qeverisja e kaluar e qe ishte shoqëruar me shumë parregullësi, ndërhyrje e përzgjedhje selektive pa meritokraci.

“Procesi për organizimin e provimit të noterisë. Sipas legjislacionit provimi organizohet duke pasur parimin e transparencës dhe objektivitetit që të garantohet një proces i drejt. Në anën tjetër një proces ska pas as transparence dhe unë si ministri nuk mund të shtyje përpara një proces i cili është përcjellë me parregullsi dhe humbje të besimit dhe një proces nga pjesa dërmuese që kanë kaluar provimin janë militant partie apo familjar të tyre”, ka thënë Haxhiu.

“Prandaj sot kam marr vendim që ta anulojë këtë proces të shpallur me 19 Prill 2019 dhe të gjitha pagesat që janë paguar nga kandidatët do të kthehen”, ka thënë Haxhiu

Haxhiu tha se është shfuqizuar edhe emërimi i komisionit për zgjedhje të noterëve.

“Konkursi do të shpallet sa ti bëjmë disa procedura tona të brendshme dhe vendimi i dytë është që në kemi shfuqizuar vendimin për emërimin e komisionit për zgjedhje të notereve dhe anëtarët që janë zgjedhur nga ish ministri ata kanë mandat 3 vjeçar por ne e kemi shfuqizuar. Anulimi i këtij procesi do të udhëhiqet nga transparenca dhe ky vendim është sinjal i qartë që procese të tilla nuk do të ndodhin asnjëherë”, tha ajo.

Kalendari

Ngjarjet e datës 6 Korrik 2020

- Oda Ekonomike e Kosovës do të mbajë konferencë të jashtëzakonshme për media lidhur me zhvillimet e fundit me përhapjen e pandemisë dhe ndikimet në ekonomi. (Objekti i Odës Ekonomike të Kosovës, ora 10:30)

- Kryetari i Sindikatës së Pavarur të Sektorit Privat të Kosovës, Jusuf Azemi do të mbaj takim me Ministren e financave, znj. Hikmete Bajrami me të cilën do të bisedoj lidhur me pagesën e pagave të  punëtorëve nga pakoja emergjente, tërheqjen e mjeteve për punëtorë nga fondi i kursimeve si dhe eliminimin e gabimeve teknikeve gjatë  aplikimit për pakon fiskale emergjente. (Kabineti i ministres Bajrami, ora 11:00)


- Partia Demokratike e Kosovës mban konferencë për media. (Selia e PDK-së, ora 15)

- Komuna e Rahovecit mban dëgjim publik me banorët e fshatrave Krushë e Madhe, Celinë, Nagavc për përgatitjen e buxhetit për vitin 2021 dhe kornizës afatmesme 2021-2023. (Objekti i Qendrës Rinore në fshatin Krushë e Madhe, ora 19:00)

- Komuna e Rahovecit mban dëgjim publik me banorët e fshatrave Hoçë e Vogel dhe Brestoc për përgatitjen e buxhetit për vitin 2021 dhe kornizës afatmesme 2021-2023. (Objekti i  Shkollës Fillore të Mesme të Ulët “Heronjtë e Kosovës” në fshatin Hoçë e Vogël, ora 20:00)