Prishtinë, 16 dhjetor - Policia e Kosovës ka bërë ditur Drejtoria e Policimit në Bashkësi dhe Preventivë dhe Komiteti Lokal për Siguri Publike (KLSP) nga komuna e Vushtrrisë, organizojnë takimin e nëntëmbëdhjetë të Këshillit Ekzekutiv të Komiteteve Lokale për Siguri Publike (KLSP-së). 

Në takim do të jenë pjesëmarrës zyrtarë nga Policia e Kosovës, anëtarët e Komitetit Lokal për Siguri Publike, përfaqësues nga Ministria e Punëve të Brendshme, Ministria e Administrimit dhe Pushtetit Lokal, Ministrisë për Komunitete dhe Kthim, Ambasada e Norvegjisë në Kosovë,  UNDP-i, ICITAP-i, KFOR-i dhe përfaqësues nga shoqëria civile.