04 Korrik 2020

KPK miraton politikat e trajnimeve për prokurorë dhe stafin administrativ

Prishtinë, 22 tetor - Këshilli Prokurorial i Kosovës (KPK) miratoi sot në takimin e tij të rregullt politikat e trajnimit për prokurorët dhe stafin administrativ të sistemit prokurorial për vitin 2020, të cilat do ta përshtaten me Planin e punës së Akademisë së Drejtësisë dhe bazohen në kompetencat ndërsektoriale, si dhe janë harmonizuar me dokumentet strategjike, duke i kushtuar vëmendje të veçantë metodologjisë së luftimit të krimit financiar, korrupsionit dhe krimeve të luftës. 

Gjatë këtij takimi të udhëhequr nga Kryesuesi Bahri Hyseni, pas hedhjes së shortit, Këshilli Prokurorial ka miratuar po ashtu formimin e dy paneleve hetimore për shqyrtimin e rasteve disiplinore në Prokurorinë Themelore në Gjilan.

Nga ana tjetër, në kuadër të raportimeve të rregullta të kryesuesve të komisioneve të përhershme për aktivitetet e tyre për nëntëmujorin e këtij viti, Këshillit i raportuan Kryesuesi i Komisionit për Çështje Normative, Zejnullah Gashi, Kryesuesja e Komisionit për Vlerësimin e Prokurorëve, Ikramije Bojaxhiu, Kryesuesja e Komisionit për Buxhet, Financa dhe Personel, Dëshirë Jusaj dhe Kryesuesja e Komisionit për Administrimin e Prokurorive, Radica Miliq.

Rrjedhimisht në fund të takimit është miratuar edhe Raporti i Komisionit për Vlerësim të performancës së prokurorëve. 

 

Kalendari

Ngjarjet e datës 4 Korrik 2020

- Shoqata "Miqtë e Amerikës", do të organizojë aktivitet në nderim të 4 korrikut - Dita e Pavarësisë së SHBA ku aktiviteti fillon me pastrimin e sheshit Bill Clinton nga zjarrfikësat e Prishtinës. (Sheshit Bill Clinton, ora 10:00)

- Ministri i Infrastrukturës, Arban Abrashi do të bëjë shenjëzimin e shtigjeve të biçikletave në hyrje të Fushë-Kosovës, te rrethi i kazermës “Adem Jashari”, bashkë me grupin e çiklistëve “Marakli t’biçikletave”. (Parkingu i Ministrisë së Infrastrukturës, ora 10:00)

- Në nderim të 4 korrikut - Dita e Pavarësisë së SHBA pjestarët e Qendrës së Mjekësisë Urgjente të Prishtinë do ta ngrisin flamurin. (Sheshi Bill Clinton, ora 11:00)
 
- Kryeministri merr pjesë në fillmin e fushatë së korrje shirjeve në Kosovë. (Zona Industriale në fshatin Shirokë, Komuna e Suharekës, ora 14:00)