25 Qershor 2019

Kosova ballafaqohet me manipulime të listave të veteraneve invalidëve dhe viktima të dhunës seksuale

Prishtinë, 19 mars - Këshilli për Mbrojtjen e të Drejtave dhe Lirive të Njeriut (KMDLNJ)  vlerëson se në Kosovën e pasluftës shumë është manipuluar me numra; sa për shkaqe politike dhe elektorale aq edhe për qëllime të përfitimeve materiale.

KMDLNJ thekson se është manipuluar me numrin e të burgosurve, me numrin e personave që konsiderohen të zhdukur, me invalidë të luftës, me veteranë të luftës, me të vrarë e sidomos është manipuluar me numrin e viktimave të dhunës seksuale gjatë luftës.

Pas përfundimit të luftës ka qenë e vështirë të përpilohet një listë e saktë me të burgosur apo që janë marrë peng (si robër lufte) nga Serbia e që janë mbajtur në paraburgim.

"Vetëm kur kanë filluar proceset gjyqësore ka filluar të bëhen publike këto lista. Lista e personave të zhdukur i është nënshtruar shtrembërimeve të ndryshme për faktin se as Komiteti Ndërkombëtar i Kryqit të Kuq nuk ka pasur lista të sakta, as për të burgosurit e as për të zhdukurit ndonëse ka mandat t’i vizitojë dhe kërkojë informata nga të gjitha institucionet që kanë përgjegjësi apo që mund të sigurojnë informata."

"Lista e invalidëve të luftës ka qenë listë abuzive dhe përfitues kanë qenë edhe personat që nuk kanë pasur asnjë lidhje me luftën e lëre më që kanë pasur dëmtime fizike apo të tjera në luftë."

"Lista e veteranëve të ish UÇK –së është bërë pjesë e antologjisë së mashtrimit, shpërdorimit flagrant, materialisht shumë të kushtueshëm, moralisht në kundërshtim me të gjitha vlerat morale qofshin ato edhe minimale dhe shembull shumë i keq i abuzimit me pushtetet dhe me luftën çlirimtare", thekson KMDLNj.

Kategoria me të cilën është abuzuar skajshmërisht që nga koha kur ka pasur kundërshtim me njohjen e statusit e deri më sot sipas KMDLNJ-se janë të mbijetuarat dhe të mbijetuarit e dhunës seksuale gjatë luftës.

Pa asnjë dëshmi apo listë të mbështetur në fakte është spekuluar me listën prej 20,000 viktimave të dhunës seksuale e që është keq – përdorur dhe po keqpërdoret edhe  nga politika ashtu edhe nga sektori joqeveritar.

KMDLNj, që nga fillimi e ka kundërshtuar këtë shifër për faktin se e ka konsideruar këtë numër si paragjykues dhe spekulativ, pa pasur mbështetje në prova materiale.

Pas një “lufte” dhe lobimi të gjatë , me Ligj është rregulluar çështja e viktimave të dhunës seksuale gjatë luftës dhe për këtë është formuar Komisioni Qeveritar për Verifikimin dhe Njohjen e Statusit të Viktimave të Dhunës Seksuale gjatë luftës, Komision në të cilin bëjnë pjesë edhe OJQ-të nga shoqëria civile përkatësisht organizatat që janë angazhuar më shumë dhe që kanë ekspertë në këtë fushë e që për model kanë rastet e vendeve të tjera, gjithnjë duke përshtatur me kushtet specifike në Kosovë.

Kur flisni për një shifër të mundshme prej 20,000 të viktimave të dhunës seksuale, atëherë edhe pritjet janë të mëdha prandaj numri i atyre që kanë aplikuar për njohje të statusit është në shpërputhje të madhe me numrin hipotetik prej 20,000 viktimave. Sidomos është në shpërputhje të madhe numri i atyre që iu është njohur ky status.

Kohëve të fundit Komisioni Qeveritar për Verifikimin dhe Njohjen e Statusit të Viktimave të Dhunës Seksuale i është nënshtruar një kritike, sipas KMDLNj-së të paarsyeshme dhe të pambështetur në fakte, që nga komisionet përkatëse parlamentare e deri te OJQ-të që edhe vet janë pjesë e Komisionit.

Verifikimi i statusit të viktimave të dhunës seksuale gjatë luftës është një proces shumë i rëndë, shumë i ndërlikuar prandaj edhe vështirësitë janë normale. Të ballafaquar me fryerjen e madhe të listës së veteranëve të ish UÇK-së, ky Komision ka përgjegjësi shtesë të mos lejojë riciklimin e këtyre mashtrimeve dhe në listën e përfituesve të statusit të viktimës.

Komisioni Qeveritar (mikst) bashkëpunon ngushtë me të gjitha institucionet shtetërore dhe OJQ-të e që mund të ndihmojnë punën e këtij Komisioni.

KMDLNj , krejtësisht në baza vullnetare dhe mbështetur në faktet që i ka bënë përpjekje të kontribuojë në mbarëvajtjen e punës së këtij Komisioni.

Personat që aplikojnë për njohjen e statusit të viktimave të dhunës seksuale janë pjesa më e ndjeshme dhe më e margjinalizuar e shoqërisë kosovare andaj edhe qasja ndaj tyre duhet të jetë shumë e kujdesshme për të penguar riviktimizimin e tyre.

Sipas KMDLNj-së , nëse merren parasysh përvojat e vendeve të rajonit , Komisioni ka bërë punë të mirë për faktin se i ka trajtuar të gjitha rastet që kanë pasur fakte ndërsa , nëse ndonjë rast është vonuar apo është në procedurë është se janë kërkuar dëshmi shtesë që janë në favor të atyre që kërkojnë njohjen e statusit.

Të gjithë ata që iu është refuzuar statusi i viktimës së dhunë seksuale kanë mundësi ankimimi kurse të gjithë ata që kanë manipuluar me fakte apo kanë ofruar dëshmi të rrejshme janë subjekt i hetimit nga Prokuroria e Shtetit.

Prandaj, KMDLNj ka një kërkesë publike për ata që kritikojnë vend dhe pa vend Komisionin (mikst) Qeveritar për Verifikimin dhe Njohjen e  Statusit të Viktimave të Dhunës Seksuale ku ka vend për kritikën – kritikoni, por është më mire dhe më e dobishme që të kontribuoni – ndihmoni.
 

Kalendari

Ngjarjet e datës 25 qershor 2019 - Ministri i Punëve të Jashtme i Republikës së Kosovës, Behgjet Pacolli do ta presë në takim ministren e Punëve të Jashtme të Norvegjisë, Ine Eriksen Søreide. (Hapësirat e MPJ-së, ora 8:30)

- The Siracusa International Institute for Criminal Justice and Human Rigths, një Organizatë Joqeveritare italiane organizon Dialogun Strategjik Kombëtar mbi temën e luftës kundër trafikut të paligjshëm. (Hotel Swiss Diamond, ora 9:00)

- Mbahet mbledhja e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilën do të diskutohet lidhur me kërkesat e Këshillit Kombëtar Shqiptar nga vizita e përbashkët e realizuar në Luginë të Preshevës (Ndërtesa e Kuvendi, salla C 203, ora 10:00)

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të mbajë konferencë për media, në të cilën do publikohet raporti analitik: “Dështimet në rastet e shënjestruara”. (Hotel Sirius, ora 10:00)

- Ministri i Arsimit, Shkencës dhe Teknologjisë, Shyqiri Bytyqi, do të vizitojë Shkollën Fillore dhe të Mesme të Ulët “Pjetër Bogdani” në Prishtinë, ku do të bëhet dorëzimi i pajisjeve për klubet e mediave, që është donacion i GIZ-it.  (Shkolla “Pjetër Bogdani”, ora 10:00)

- Koalicioni i OJQ-ve për Mbrojtjen e Fëmijëve në Kosovë organizojnë konferencën për media lidhur me Projektligjin për Mbrojtjen e Fëmijëve. (Sheshi “Ibrahim Rugova” përpara objektit të Kuvendit të Republikës së Kosovës, ora 10:00)

- Kryeministri Ramush Haradinaj pret në takim Ministren e Punëve të Jashtme të Norvegjisë, Ine Eriksen. (Ndërtesa e Qeverisë, ora 10:05)

- Kompania Rajonale e Ujësjellësit Prishtina organizon ceremoninë me rastin e shënimit të ditës më të madhe për qytetarët e Fushë Kosovës, lëshimin në funksion të linjës magjistrale për furnizim 24 h me ujë të pijshëm. (Rr. Hajrullah ZymiFushë Kosovë, ora 10:30)

- Drejtoria e Emergjencës dhe Sigurisë në Komunën e Prizrenit organizon aktivitete solemne me rastin e Ditës së Zjarrfikësve të Prizrenit duke filluar me defileun e automjeteve dhe mjeteve zjarrfikëse në unazën e qytetit. (Nisja nga objekti i Shërbimit Zjarrfikës në Prizren, ora 11:00)

- Ministria e Punëve të Brendshme së bashku me UNDP do të organizojnë konferencën për media për vazhdimin e kampanjës për legalizimin e armëve. (Objekti qendrorë i MPB-së, salla P-02, ora 11:00)

- Kryetari Shpend Ahmeti takohet me Kryetarin e qytetit të Des Moines, Iowa të SHBA,  Thomas  Cownie. (Ndërtesa e vjetër e Komunës, ora 11:00)

- Drejtoria e Administratës në Komunën e Prizrenit në bashkëpunim me OJQ Nevo Koncepti organizon tryezë diskutimi me temën Trajtimi i Fëmijëve në Raste të Dhunës dhe Abuzimit. (Hotel Centrum, ora 11:00)

- Ministri i arsimit, Shyqiri Bytyqi raporton para Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi lidhur me tekstet e reja shkollore. (Ndërtesa e Kuvendit, salla N 303, ora 12:00)

- Drejtoria e Emergjencës dhe Sigurisë në Komunën e Prizrenit bën demonstrimin i ushtrimeve të kërkim-shpëtimit dhe shuarjes së zjarrit në objektin e shkollës fillore “Heronjtë e Lumës” në fshatin Vërmicë. (Vërmicë, ora 12:00)

- Balkan Green Foundation, Instituti GAP, Grupi për Studime Juridike dhe Politike dhe Instituti për Politika Zhvillimore organizojnë tryezën e rrumbullakët "Kapacitetet e energjisë së ripërtëritshme dhe kost-efektiviteti i tyre,". (Hotel Sirius, ora 13:00)

- Ministri i Ministrisë së Infrastrukturës dhe Transportit, Pal Lekaj raporton para Komisioni për Zhvillim Ekonomik, Infrastrukturë, Tregti, Industri dhe Zhvillim Rajonal lidhur me monopolin në fushën e homologimit të veturave. (Ndërtesa e Kuvendit, salla N 303, ora 13:00)

- Mbahet mbledhja e rregullt e Qeverisë së Kosovës. (Ndërtesa e Qeverisë, ora 14:00)

- Banka Evropiane për Rindërtim dhe Zhvillim organizon ceremoninë e nënshkrimit të kredisë prej 18 milionë eurosh që BERZH-i i ka dhënë parkut energjetik me erë të Kitkës. (Hotel Sirius, ora 15:00)

- Kryeministri Ramush Haradinaj merr pjesë në Ekspozitën e Artizanaleve të ndryshme, nga organizata e grave “Orkide”, në Prizren. (Qendra Kulturore “Yunus Emre”, Prizren, ora 18:00)

- Kryeministri Ramush Haradinaj merr pjesë në shënimin e Javës Egjiptiane në Gjakovë. (Pallati i Kulturës “Asim Vokshi”, Gjakovë, ora 19:00)

- Shkolla Amerikane e Kosovës organizon Inagurimi i kampusit të ri të Shkollës Amerikane të Kosovës. (Shkolla Amerikane e Kosovës, Shkabaj, Prishtinë, ora 20:00)