15 Nëntor 2019

Këshilli Komunal për Siguri në Bashkësi në Istog mbajti mbledhjen e radhës

Istog, 25 qershor - Është mbajtur sot  mbledhja e radhës  e Këshillit Komunal për Siguri në Bashkësi (KKSB), të cilën e kryesoi nënkryetari i komunës Agim Ademaj, ku në mbledhje është  shqyrtuar raporti i Policisë së Kosovës dhe KFOR-it për gjendjen e sigurisë në Komunën e Istogut, përfundimi i vitit shkollor, parkimi i automjeteve në trotuare, pengimi i lëvizjes së lirë të qytetarëve në veçanti atyre me nevoja të veçanta, ndotja akustike, zhurma e madhe e lokaleve të natës sidomos në stinën e verës ishin pika të rendit të ditës të cilat KKSB-ja sot pati në shqyrtim.

Enver Gashi – komandanti i  Stacionit Policor në Istog, ka njoftuar anëtarët e KKSB-së rreth  ngjarjet që kanë ndodhur gjatë muajit Maj të cilin muaj e cilësoi si të qetë dhe  stabil.  Deri më tani në Stacionin Policor në Istog, janë raportuar gjithsejtë 52  raste, 6 aksidente trafiku dhe 1 persona të lënduar. Janë lëshuar 271 tiketa në trafik, 44 persona të arrestuar, 10 të ndaluar, janë konfiskuar 4 armë dhe kemi asistuar në 13  raste , municion i konfiskuar 13,  ka deklaruar Gashi.  Po ashtu Gashi  njoftoj se  Stacioni Policor në Istog  është duke bërë përgatitje të nevojshme për pritjen e bashkatdhetarëve tonë sidomos rreth trafikut.

Po ashtu u debatua edhe për pikat e tjera të rendit të ditës, për të cilat anëtarët e KKSB-së dhanë mendimet dhe sugjerimet e tyre.

 

Kalendari

Ngjarjet e datës 15 nëntor 2019 - Klinika e Neonatologjisë dhe Shoqata e Neonatologëve të Kosovës, organizojnë Konferencën e I-rë nderkombëtare. (Hotel Garden, ora 9:00)

- Policia e Kosovës në shënim të ditës botërore të përkujtimit të viktimave në trafikun rrugor, në bashkëpunim me Këshillin e Sigurisë në Trafikun Rrugor dhe me Shoqatën e Sigurimeve , do të mbaj tryezë për shënimin e kësaj dite. (Salla Orion në Prishtinë në afërsi të Kino ABC, ora 9:30)

- Ministria e Arsimit, Shkencës dhe Teknologjisë organizon tryezën dhe punëtorinë me temën “Status quo e Zhvillimit të Kërkimit dhe Inovacionit në Kosovë: Ide rreth së ardhmes së K&I në Kosovë”, mbështetur nga Projekti HERAS i cili përkrahet nga Qeveria e Austrisë. (Hotel Sirius, ora 9:30)

- Komisioni i Pavarur për Miniera dhe Minerale mban punëtorinë lidhur me “Udhëzuesin për miradministrimin e aktiviteteve minerare dhe mjedisore. (Hotel Amazona, ora 10:00)

- Programi i Kombeve të Bashkuara për Zhvillim në Kosovë, përmes projektit Interdev 2, organizon një panair me shoqatat e grave prodhuese për të shënuar Ditën Ndërkombëtare të Sipërmarrësisë së Grave. (Qendra Kulturore në Viti, ora 11:00)

- Ministria e Mbrojtjes organizon ceremoninë e certifikimit të rekrutëve të rinj të FSK-së, gjenerata e dytë 2019. (Kazerma 'Adem Jashari' në Komandën e Forcave Tokësore në Prishtinë, ora 11:00)

- Komuniteti artistik organizon takim përkujtimor për regjisoren Arzana Kraja. (Teatri Kombëtar, ora 12:00)

- Organizata ETEA dhe Kuvendi i të Rinjve të Prishtinës organizon ceremoninë e hapjes të minibibliotekës së lagjes Ulpiana. (Te fontana në lagjen Ulpiana, ora 12:00).

- Ministri i MMPH-së, Fatmir Matoshi, do të nënshkruajë gjashtë Udhëzime Administrative që avancojne fushën e kadastrës dhe regjistrimit të pronës. (Zyret e Agjencisë Kadastrale të Kosoves, ndërtesa e Arkivit të Kosovës, ora 14:00)

- Kryetari i Gjykatës Themelore në Gjilan, Ramiz Azizi, do të mbajë një konferencë për media në të cilën do të prezantohet raporti nga muaji korrik deri në muajin tetor për Gjykatën Themelore të Gjilanit, së bashku me Degët e saja. (Gjykata Themelore Gjilan, ora 14:30)

- Mbahet marsh përkujtimor në këmbë nga Lagja Arbëria, rrugës Fehmi Agani deri te Teatri Kombëtar ku do të bëhet ndezja e qirinjve në përkujtim të viktimave që kanë humbur jetën në aksidente në trafikun rrugor. (Kolegji i Shkencave të Aplikuara Teknike “Tempulli”, ora 18:00)

- Mbahet stërvitja e Kombëtares së Kosovës. (Stadiumi ‘Fadil Vokrri’, ora 18:00)

- Galeria e Ministrisë së Kulturës organizn hapjen e ekspozitës individuale të autores Lumjetë Havolli, e titulluar "Is This Me...Or i Do it For You Only!?". (Galeria e Ministrisë së Kulturës, ora 19:00)

- Qendra për Informim dhe Përmirësim Social feston hapjen e Linjës telefonike për parandalim të vetëvrasjes "Linja e Jetës" në Kosovë! (Menza Ramiz Sadiku, ora 21:00)