23 Tetor 2021

Gjyqtari Mustaf Tahiri zgjedhet kryetar i Gjykatës Themelore në Ferizaj

Ferizaj, 27 shtator - Mustaf Tahiri është zgjedhur kryetar i Gjykatës Themelore në Ferizaj me mandate pesë (5) vjeçar, pas votimit nga Këshilli Gjyqësor i Kosovës (KGJK), të datë 27.09.20121 i cili nga nëntë (9) vota të anëtarëve të KGJK-së, ka marr gjashtë (6) vota për. Për kryetar të Gjykatës Themelore në Ferizaj, z.Tahiri ishte në garë bashkë me katër (4) gjyqtar të tjerë të kësaj gjykate. Mandati i kryetarit Mustafa fllon nga 1 tetor 2021.

Biografia e kryetarit të zgjedhur z.Tahiri:

Mustaf Tahiri aktualisht është gjyqtar në Departamentin për Krime të Rënda në Gjykatën Themelore në Ferizaj. Ka diplomuar në Universitetin e Prishtinës - Fakulteti Juridik në vitin 2007, kurse provimin e jurisprudencës e kreu në vitin 2012. Nga 01.02.2008 e deri më 31.01.2009 ka kryer praktikën gjyqësore në Gjykatën Komunale në Ferizaj. Nga 01.07.2009 e deri me 31.12.2010, ka ushtruar detyrën e zyrtarit ligjor në Gjykatën Komunale në Viti. Nga janari 2011 e deri me 31.12.2012 ka punuar si referent i ekzekutimeve në Gjykatën Komunale në Ferizaj. Nga maji 2013 deri në maj të 2015, ka punuar si bashkëpunëtor profesional në Gjykatën Themelore në Ferizaj. Prej dhjetor 2013 deri me prill 2015 ka ndjekur Programin për Trajnim Fillestar për Gjyqtar pranë Institutit Gjyqësor të Kosovës. Më 19 maj 2015 është emëruar  gjyqtar në Gjykatën Themelore në Ferizaj në Departamentin e Përgjithshëm – Divizioni Penal. Gjyqtari Tahiri, me vendim të KGJK-së nga fillimi i muajit maj 2018, është transferuar përkohësisht në Gjykatën Themelore në Prishtinë - Departamenti për Krime të Rënda deri më 24 prill 2019. Nga kjo datë Tahiri është gjyqtar në Departamentin për Krime të Rënda në Gjykatën Themelore në Ferizaj. 

Kalendari

Ngjarjet e datës 23 Tetor 2021 - Shoqata për Teknologji të Informacionit dhe Komunikimit të Kosovës - STIKK organizon diten e dytë të edicionit te 10-të të festivalit të teknologjisë “KosICT”. (Ambientet e “ITP Park” në Prizren, ora 10:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 11:00)

- Shfaqet video programi "Pranverë e përhershme, behar i vonuar" nga Protocinema në bashkëpunim me Fondacionin Lumbardhi. (Kino Lumbardhi, ora 12:00)

- Kryetari i Komunës së Prizrenit, Mytaher Haskuka, së bashku me ministrin e Ministrisë së Kulturës, Rinisë dhe Sportit, Hajrulla Çeku do të vizitojnë Kinemanë e parë të Prizrenit, ku ka filluar projekti i restaurimit të kësaj ndërtese. (Objekti i kinemasë së vjetër të Prizrenit në afërsi të zyreve të shoqatës Esnaf, ora 12:00)

- Mbahet dita e dytë e edicionit te tretë te festivalit Lahuta, Okarina Polifionia. (Ambientet e Qendrës për zhvillimin e kultures tradicionale në Prishtinë, Rruga Xheladin Hana nr. 98, ora 15:00)