01 Qershor 2020

Gjilani shënon 20-vjetorin e rivarrimit të dëshmorëve

Gjilan, 17 shtator – Institucionet komunale të Gjilanit, të cilëve u kanë prirë nënkryetari Arbër Ismajlin dhe kryesuesja, Shpresa Kurteshi Emini, me homazhe tek varrezat e dëshmorëve, kanë shënuar 20-vjetorin e rivarrimit të dëshmorëve.

Kryesuesja e Kuvendit Komunal, Shpresa Kurteshi Emini, ka deklaruar se dëshmorët u flijuan që ne sot ta gëzojmë lirinë dhe pavarësinë e vendit.

“Ne si Komunë kemi qenë vazhdimisht mirënjohës për vepren heroike të dëshmorëve, heronjve e martirëve të kombit. Ata u flijuan që ne sot ta gëzojmë lirinë dhe pavarësinë e vendit. Ne do të vazhdojmë t’i nderojmë dëshmorët dhe do të punojmë që amanetin e tyre ta çojmë në vend, që të jetojmë të bashkuar”, ka thënë Kurteshi Emini.
 

Kalendari

Ngjarjet e datës 1 Qershor 2020

- Për nder të Ditës Ndërkombëtare të Fëmijëve 1 qershorit, kompania ndërtimore “Qami Construction” do të dhurojë gjak në Qendrën e Transfuzionit të gjakut dhe bën shpërndarjen e dhuratave për fëmijët të cilat janë të shtrirë në Klinikën e Pediatrisë. (Qendra e Transfuzionit të gjakut në QKUK, ora 9:00)

- Në Ditën Ndërkombëtare të Fëmijëve, KOMF organizon konferencën për media për publikimin e Raportit të Monitorimit “Komuna Ime, e Drejta Ime Sociale”. (Hotel Sirius, ora 10:00)

- Në kuadër të Javës së Gjelbër, Komuna e Prishtinës do të organizojë mbjelljen e drunjëve. (Kampusi Universitar të Universitetit të Prishitnë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike, shqyrton Raportin vjetor të Agjencisë Kosovare të Privatizimit – AKP për vitin 2019. (Ndërtesa e Kuvendit, salla N10, ora 11:00)

- Mbahet ceremonia e dorëzimit të pajisjeve mjekësore dhe mjeteve mbrojtëse kundër COVID-19, për Klinikën Infektive në QKUK, pajisje këto të financuara nga fondet e mbledhura gjatë kampanjës tonë Një kafe si flutur. (Barnatorja Qëndrore, QKUK, ora 11:00)
 
- Instituti për Zhvillimin e Politikave Sociale (IZHPS), me financimin nga FES, publikon hulumtimin “Qasja në mësimin online dhe kushtet e jetesës për familjet përfituese të Skemës së Asstencës Sociale gjatë Covid-19. (Hotel Sirius, ora 11:45)

- Qendra për Këshillim, Shërbime Sociale dhe Hulumtime prezanton hulumtimit “A po ndryshon koncepti i atësisë në Kosovë?”. (https://docs.google.com/forms/d/e/1FAIpQLSdlUfSJPvTqynWzbxg2lXiq2Csq7vFeKnBg_kVgfvyHCkfpkQ/viewform,  ora  16:00)