12 Dhjetor 2018

“Drejtësia 2020” do të rrisë kapacitetet e Shërbimit Korrektues

Prishtinë, 12 nëntor –  Në kuadër të zbatimit të agjendës “Drejtësia 2020”, Ministria e Drejtësisë është duke rritur kapacitetet profesionale dhe operative brenda Shërbimit Korrektues të Kosovës, përmes shtimit të numrit prej 120 oficerëve korrektues që do t’i bashkëngjiten Qendrave Korrektuese.

Kandidatët për këto pozita, dje i janë nënshtruar testit kualifikues, përmes një procesi të rregullt dhe transparent. Ministri i Drejtësisë, Abelard Tahiri, ka mirëpritur mbarëvajtjen e testimit me shkrim për të gjithë aplikuesit në pozitat e zyrtarit korrektues.

Ministri Tahiri konsideron se shtimi i kapaciteteve njerëzore brenda Qendrave Korrektuese është një hap i rëndësishëm në funksionimin e mirëfilltë të Shërbimit Korrektues të Kosovës, me ç ‘rast rritja e kapaciteteve njerëzore do të ndihmoj në përkushtimin që të ruhet rendi, siguria dhe të respektohen të drejtat e personave në vuajtje të dënimit.

“Angazhimi im për ta bërë SHKK-në një sistem të mirëfilltë funksionimi, krahas standardeve ndërkombëtare dhe në rang lideri në rajon dhe më gjerë, po plotësohet edhe me kapacitetet njerëzore. Në kuadër të masave të parapara në agjendën “Drejtësia 2020” përmes një gare transparente dhe të udhëhequr mbi kompetenca, ka nisur procesi i rekrutimit të 120 zyrtarëve të ri si oficer korrektues, për të mundësuar një menaxhim të mirëfilltë të Qendrave Korrektuese, duke rritur përkushtimin për marrëdhënien e qëndrueshme në mes rendit, sigurisë dhe të drejtave të personave në vuajtje të dënimit” ka theksuar ministri Tahiri.

Në konkursin e fundit të shpallur nga Shërbimi Korrektues i Kosovës, do të punësohen 60 zyrtar në Burgun e Sigurisë së Lartë në Dyz, ndërsa 60 të tjerët në Qendrën e Paraburgimit në Gjilan.

 

Kalendari

Ngjarjet e datës 12 dhjetor 2018 - Mbahet hapja zyrtare e projektit KosLift i cili mbështetet nga Ambasada Norvegjeze në Prishtinë dhe implementohet nga IPKO Foundation dhe RIT Kosovë. (Kampusi i RIT Kosovë, në Universitetin Amerikan, ora 9:30)

- Let’s Do It organizon aksion pastrimi te “Tregu i Gjelbër” në Prishtinë. (Tregu i Gjelbër, rruga që e lidh me lagjen “Kalabria”, ora 10:00)

- Ministria e Administratës Publike organizon ceremoninë e vënies së gurthemelit për ndërtimin e Shkollës së Mesme të Muzikës dhe të institucionit parashkollor-Çerdhes në Prizren. (Lagjja “ Bajram Curri”, që gjendet përballë shkollës së mesme të mjekësisë “ Luciano Motroni” në Prizren, ora 10:00)

- Ministris së Shëndetësisë, Uran Ismaili raporton para Komisionit për Shëndetësi, Punë dhe Mirëqenie Sociale lidhur me procesin e revidimit të listës esenciale të barnave, vonesat në përmbushjen e agjendës legjislative dhe projeksionet buxhetore të Ministrisë së Shëndetësisë për vitin 2019. (Ndërtesa e Kuvendit, salla N 302, ora 10:00)

- Koordinatori Nacional për Kulturë, Rini dhe Sport në Qeverinë e Kosovës, Rexhep Hoti do të nënshkruajë marrëveshje bashkëpunimi me Kryetarin e Komunës së Gjakovës, Ardian Gjini. (Objekti i Komunës së Gjakovës, ora 10:00)

- Mbahet mbledhja e Komisionit për të Drejtat, Interesat e Komuniteteve dhe për Kthim në të cilën do të behët shqyrtimi i Projektligjit për Kinematografinë, shqyrtimi i Projektligjit për të drejtat e autorit dhe të drejtat e përafërta,etj. (Ndërtesa e Kuvendit, salla N 10, ora 10:00)

- Prezantohet kampanja informuese ”Kodi Civil qëndron për qytetarët e barabartë të Republikës së Kosovës,” organizuar nga projekti i financuar nga Bashkimi Evropian “Mbështetje Kodit Civil - faza 2”, i cili po mbështetët nga Ministrinë e Drejtësisë. (Hotel Ulpiana në Graçanicë, ora 10:30)

- Demokracia Plus dhe USAID organozijnë debat publik lidhur me prokurimin publik në Gjilan. (Hotel Kristal, ora 11:00)

- Lidhja Demokratike e Kosovës mban konferencë për medie. (Selia qendrore e LDK-së në kompleksin Qafa, ora 11:00)

- Let’s Do It në bashkëpunim me nxënësit e shkollës ‘’Hivzi Sylejmani’’ organizon aksion pastrimi në Fushë Kosovë. (Oborri i shkollës Hivzi Sylejmani, ora 11:55)

- Punëtorët e NTP “Pallati i Rinisë” mbajnë një protestë përmes së cilës do t’i shprehin shqetësimet dhe pakënaqësitë e tyre për mos marrjen e pagave që tre muaj më radhë. (Para Newborn,ora 12:00)

- Banorët e fshatit Cikatovë mbajn protestë në mbrojtje të pronave stergjyshore te marrura në menyrë tinzare nga ana e Komunës se Drenasit dhe te cilat u janë shitur New Co Feronikeli, pa i kompenzuar asnjëherë. (Para Gjykatës Themelore të Prishtinës  dega në Drenas, ora 13:00)

- Aleanca Kosovare të Bizneseve organizon konferencën për media lidhur me ndikimin e taksës 100 % në ekonominë e Serbisë. (Selia qendrore e AKB-ës në Tophane, ora 13:00)

- Lëvizja Vetëvendosje mban konferencë për media. (Zyrët qendrore te Vetëvenosjes, ora 13:00)

- Koalicioni i OJQ-ve “Java Kundër Korrupsionit 2018” do të mbajë tryezën e diskutimit me temë “Integriteti, Llogaridhënia dhe Efikasiteti i sistemit të drejtësisë - Nevoja për Vetting”. (Hotel Sirius, ora 14:00)
 
 - Koordinatori Nacional për Kulturë, Rini dhe Sport në Qeverinë e Kosovës, Rexhep Hoti, do të nënshkruajë marrëveshje bashkëpunimi me Kryetarin e Komunës së Dragashit Shaban Shabani. (Objekti i Komunës së Dragashit, ora 14:00)

- Zëvendësshefja e misionit të ambasadës së SHBA-ve në Kosovë, Colleen Hyland, dhe Drejtoresha e Korpusit të Paqës, Dr. Darlene Grant, do të mbajnë fjalime në një takim me kryetarët e komunave të Kosovës. (International Hotel Prishtina, ora 16:00)