27 Janar 2020

Deri më tani në Stacionin Policor në Istog, janë raportuar 620 raste

Prishtinë, 4 dhjetor - Është mbajtur sot mbledhja e radhës e Këshillit Komunal për Siguri në Bashkësi (KKSB), të cilën e kryesoi nënkryetari i komunës Agim Ademaj.

Siguria në zonën e përgjithshme të Policisë së Kosovës, siguria nëpër shkolla, delikuenca e nxënësve, shitja/blerja e ushqimit të përditshëm, data të skaduara, prodhim i pa kontrolluar, gjendja në institucione shëndetësorë, ordinanca mjekësore raportet staf-pacient, furnizimi me medikamente si dhe miratimi i Planit të Punës për vitin 2020, ishin pika të rendit të ditës të cilat KKSB-ja sot pati në shqyrtim.

Dervish Shaqiri – kapiten nga Stacionit Policor në Istog, ka njoftuar anëtarët e KKSB-së lidhur me disa statistika nga raporti 11-të mujor i këtij viti.

Deri më tani në Stacionin Policor në Istog, janë raportuar 620 raste, 112 aksidente , 63 të lënduar,janë  shqiptuar 3496 tiketa në trafik , janë konfiskuar 50 armë, municion i konfiskuar 442 dhe kemi asistuar në 128 raste , ka deklaruar Shaqiri.

Po ashtu Shaqiri njoftoj se Stacioni Policor në Istog gjatë kësaj periudhe ka implementuar edhe 26 plane operative.

Kalendari

Ngjarjet e datës 27 janar 2020  - Oda Ekonomike e Kosovës dhe Shoqata e Zejtarëve dhe Afaristëve ESNAF nga Prizreni organizojn takim për mundësitë e bashkëpunimit në përkrahje të sektorit privat. (Objekti i Odës Ekonomike të Kosovës, ora 10:00)

- Kuvendi Komunal i Prizrenit do të mbajë mbledhjen e jashtëzakonshme të thirrur nga kryetari i Komunës së Prizrenit, Mytaher Haskuka. (Salla e Kuvendit në Shtëpinë e Bardhë, ora 10:00)

- Kryeministri në detyrë, Ramush Haradinaj bashkë me kabinetin qeveritar, bëjnë homazhe te obelisku i Hebrenjve, në shënimin e Ditës Ndërkombëtare të Përkujtimit të Holokaustit. (Oborri i Qeverisë së Kosovës, ora 11:00)

- Plaformë e Grupit për Studime Juridike dhe Politike organizon konferencën për media me temë “Sfidat në sundimin e ligjit në Kosovë: Performanca e sistemit gjyqësor dhe prokurorial dhe vlerësimi qytetarë ndaj këtyre institucioneve”. (Qendra e Konferencave Orion, ora 11:00)

-  Universiteti i Gjakovës "Fehmi Agani" organizon manifestimin e kushtuar Ditës Ndërkombëtare të Përkujtimit të Holokaustit. (Hapësirat e Fakultetit të Edukimit -Filologjisë, Gjakovë, ora 11:00)

-  Misioni i OSBE-së dhe Bashkësia Hebraike e Kosovës do të shënojnë Ditën Ndërkombëtare të Kujtimit të Holokaustit. (Dokukino në Kompleksin Europa në Prizren, ora 12:30)

- Presidenti i Republikës së Kosovës, Hashim Thaçi, merr pjesë në shënimin e Ditës Përkujtimore të Holokaustit. (DokuKino, Kompleksi Europa në Prizren, ora 12:30)

- Rinia Demokratike e Kosovës shënon 20 vjetorin e themelimit. (Menza "Ramiz Sadiku", Prishtinë, ora 18:30)

- Ministria e Kulturës, Rinisë dhe Sportit, në bashkëpunim me Qendrën Kinematografike të Kosovës dhe AS Film, për nder të Ditës Përkujtimore të Holokaustit, do të organizojnë shfaqjen e filmit dokumentar “Përqafimi i fatit”, me regji të Jakov Sedlar. (Teatri Kombëtar i Kosovës, ora 19:00)