20 Shtator 2019

Deputetët premtojn përkrahje për Ministrinë e Mbrojtjes

Prishtinë, 23 maj - Ministri i Mbrojtjes, z. Rrustem Berisha, dhe komandanti i FSK-së, gjenerallejtënant Rrahman Rama, pritën sot në ministri deputetët e Kuvendit të Kosovës, anëtarë të Komisionit Parlamentar për Punë të Brendshme, Siguri dhe Mbikëqyrje të FSK-së, të prirë nga kryetar i këtij Komisioni, z.  Haxhi Shala.

Ministri i Mbrojtjes fillimisht  i falënderoi deputetët  pjesëmarrës për vizitën, bashkëpunimin dhe përkrahjen e vazhdueshme për Ministrinë e Mbrojtjes dhe Forcën e Sigurisë së Kosovës.
 
Me këtë rast, ministri Berisha i njoftoi deputet me zhvillimet më të reja në Ministrinë e Mbrojtjes dhe FSK. Ministri Berisha në veçanti foli për Planin Gjithëpërfshirës të Tranzicionit të FSK-së, i cili do të implementohet gradualisht në tri faza gjatë dhjetë viteve të ardhshme, deri në arritjen e kapaciteteve të plota operacionale. Ministri Berisha theksoi se tranzicioni do të bëhet në koordinim me partnerët strategjikë të Republikës së Kosovës.

Plani pastaj u prezantua para deputetëve në hollësi nga Kolonel Haki Hoti, drejtor i Departamentit për transformim, modernizim dhe standardizim. Ministri Berisha dhe Gjenerali Rama, gjithashtu i njoftuan deputetët e Komisionit Parlamentar edhe për sukseset dhe sfidat e deritashme të Ministrisë së Mbrojtjes dhe FSK-së.

Në emër të deputeteve të Komisionit Parlamentar për Punë të Brendshme, Siguri dhe Mbikëqyrje të FSK-së, kryetari Haxhi Shala shprehu falënderimin për pritjen si dhe përgëzoi Ministrin Berisha dhe Komandantin Rama për zhvillimet pozitive të Ministrisë së Mbrojtjes dhe FSK-së.

Deputetët parashtruan pyetje, të cilat kishin të bënin kryesisht me zhvillimin e Ministrisë së Mbrojtjes dhe FSK-së. Gjithashtu shprehën përkushtimin e tyre për përkrahje të mëtutjeshme në Kuvendin e Republikës së Kosovës. Ministri Berisha dhe gjenerali Rama dhanë shpjegimet e duhura në pyetjet e deputeteve dhe patën një bashkëbisedim të frytshëm me anëtarët Komisionit Parlamentar.

 

Kalendari

Ngjarjet e datës 20 shtator 2019 - Shoqata për Dëme të Luftës “Ngritja e Zërit“, dorëzon në Gjykatën Kushtetuese për herë të gjashtë dosjet e radhës për kompensimin e dëmeve të luftës, respektivisht kërkesat, për vlerësimin e kushtetutshmërisë së aktvendimeve të Gjykatës Supreme të Kosovës. (Gjykata Kushtetuese, ora 9:00)

- Mbahet konferenca e parë për shtyp nga Kryesuesja e Misionit e Bashkimit Europian per monitorimin e zgjedhjeve te parakohshme parlamentare në Kosovë, Viola von Cramon-Taubadel. (Hotel Swis Diamond, ora 10:00)

- Instituti për Politika Zhvillimore organizon ngjarjen “Pesë fjalimet për Qëndrueshmëri – Lokalizimi i Agjendës 2030 në Kosovë”. (Amfiteatri i Biblotekës Kombëtare “Pjetër Bogdani”, ora 10:00)

- Caritasi Zvicerran organizon ceremoninë zyrtare me rastin e shënimit të 20 vjetorit në Kosovë. (Hotel Sirius, ora 10:00)

- Ministri i Kulturës, Rinisë dhe Sportit, Kujtim Gashi merr pjesë në Panairin e punësimit në Prizren. (Palestra sportive në Prizren, ora 11:00)

- Let's Do It Kosova organizon konferencë për media, ku do të prezentohen aktivitetet e planifikuara të cilat do të zhvillohen për Ditën e Pastrimit të Botës. (Zyret e Let's Do It në Pejton, rruga "Pashko Vasa", ora 11:00)

- Komuna e Prishtinës në bashkëpunim me Zyren e Bashkimint Evropian në Kosovë organizon zhvillon aktivitetin "Ngasja e çiklizmit - knaqesi dhe shendet". (Amfitetari sheshi "Zahri Pajaziti", ora 12:00)

- Lëvizja FOL organizon diskutimin e pestë në kuadër të Forumit FOL Hapur me Fatmir Limaj, Kandidat për Kryeministër nga Koalicioni NISMA-AKR-PD. (Lëvizjes FOL, ora 12:30)

- Kryeministri në detyrë, Ramush Haradinaj, merr pjesë në 20-vjetorin e themelimit të RTV Mitrovica. (Restorant Skandinavia, Koshtovë - Mitrovicë, ora 13:00)

- Filmi ZANA me regji te Antoneta Kastrati, nominimi i Kosoves për Oscars, pas premieres boterore ne festivalin e madh te Torontos shfaqet per gazetar në Cineplexx Kosove. (Cineplexx, Albi Mall,  ora 13:00)

- Ministri i Kulturës, Rinisë dhe Sportit, Kujtim Gashi merr pjesë në venien e gurthemelit te palestrës sportive në Dragash. (Dragash, ora 14:00)

- Kandidatja për kryeministre nga LDK-ja, Vjosa Osmani se bashku me krytarin e Komunës e Gjilanit, Lutfi Haziri takohen me rininë e LDK-së në Gjilan. (Shtëpi e Rinisë, Gjilan, ora 16:30)

- Kandidatja për kryeministre nga LDK-ja, Vjosa Osmani se bashku me krytarin e Komunës e Gjilanit, Lutfi Haziri takohen me gratë e Gjilanit. (Teatri e qytetit, ora 17:30)

- Zhvillohet defileu u grupeve që marrin pjesë në Festivalin Ballkanik të Folklorit. (Nisja nga shkollfa fillore “Selman Riza” përgjatë rrugës “Dardania”, ora 18:00)

- Fillon edicioni i III-të i Festivali Ballkanik të Folklorit në të cilin do të marrin pjesë Ansamble dhe grupe nga: Shqipëria, Kroacia, Bullgaria, Turqia, Maqedonia e Veriut, Mali i Zi dhe Kosova. (Ambientet e Shkollen fillore “Mihal Grameno” në Fushë-Kosovë, ora 19:00)