20 Shtator 2019

Askush s’do të mund të përdorë pasurinë e fituar nga kriminaliteti

Prishtinë, 21 maj - Ministri i Drejtësisë, Abelard Tahiri, ka marrë pjesë në tryezën nacionale “Përmirësimi i garancive procedurale në procedurën e mbrojtjes penale lidhur me “Pastrimin e parasë, sekuestrimit dhe ngrirjes së pasurisë në Kosovë” “, organizuar nga Oda e Avokatëve të Kosovës.

Ministri Tahiri me këtë rast ka përmendur agjendën e ngjeshur legjislative që është plotësuar për fuqizimin e sundimit të ligjit dhe luftës kundër korrupsionit dhe krimit të organizuar, nisur nga Kodi i ri Penal, Draft Kodi i Procedurës Penale si dhe Ligji i ri për Kompetencat e Zgjeruara për Konfiskimin e Pasurisë së fituar me vepër penale.

“Kemi pasur debat të ngjeshur rreth përcaktimit mbi modelin e konfiskimit dhe pas muajve të tërë të ballafaqimit të koncepteve, me ndihmën edhe të partnerëve tanë zhvillimor, ia kemi arritur që të ndërtojmë një bazë ligjore të fuqishme e cila do rrisë efikasitetin e organeve të pavarura të zbatimit të ligjit.Dispozitat e këtij ligji janë të ndërtuara me përmbajtje të tillë që të eliminojnë çdo paqartësi, zbrazëti ligjore apo dualizëm të normave ligjore në kuadër të legjislacionit të fushës”, ka thënë ministri Tahiri.

Ministri ka përmendur veprat penale për të cilat zbatohet konfiskimi i pasurisë, që nga krimi i organizuar, korrupsioni, veprat penale kundër shëndetit publik, të trafikimit me njerëz, skllavërisë dhe rrëmbimit, ato që lidhen me konflikte të armatosura jashtë territorit të vendit si dhe veprat penale të pastrimit të parave dhe financimit të terrorizmit.

Shkalla e sekuestrimit të pasurisë së fituar nga veprat penale, sipas ministrit Tahiri, është relativisht e mirë, por ajo e konfiskimit përfundimtar është  vazhdimisht e pamjaftueshme.

Andaj, ministri Tahiri ka theksuar se shoqëria do të vuajë nga pabarazia, thyerja e besimit në institucione dhe nga imazhi i keq i vendit, derisa mjetet e fituara nga krimi mbesin në dispozicion të akterëve të krimit të organizuar.

“Lufta kundër krimit të organizuar dhe korrupsionit më së miri fitohet kur ua pamundësojmë përdorimin e aseteve të fituara nga to. Kjo është fryma përmes së cilës i kemi dhënë drejtim vendosmërisë tonë për të luftuar krimin e organizuar, korrupsionin dhe keqpërdorimin. Ka qenë shumë e nevojshme që si shtet dhe si shoqëri të dërgojmë një mesazh të fuqishëm se askush s’do të mund të përfitojë jashtëligjshëm dhe askush s’do të mund të përdorë pasurinë e fituar nga kriminaliteti” ka thënë ministri Tahiri.

 

Kalendari

Ngjarjet e datës 20 shtator 2019 - Shoqata për Dëme të Luftës “Ngritja e Zërit“, dorëzon në Gjykatën Kushtetuese për herë të gjashtë dosjet e radhës për kompensimin e dëmeve të luftës, respektivisht kërkesat, për vlerësimin e kushtetutshmërisë së aktvendimeve të Gjykatës Supreme të Kosovës. (Gjykata Kushtetuese, ora 9:00)

- Mbahet konferenca e parë për shtyp nga Kryesuesja e Misionit e Bashkimit Europian per monitorimin e zgjedhjeve te parakohshme parlamentare në Kosovë, Viola von Cramon-Taubadel. (Hotel Swis Diamond, ora 10:00)

- Instituti për Politika Zhvillimore organizon ngjarjen “Pesë fjalimet për Qëndrueshmëri – Lokalizimi i Agjendës 2030 në Kosovë”. (Amfiteatri i Biblotekës Kombëtare “Pjetër Bogdani”, ora 10:00)

- Caritasi Zvicerran organizon ceremoninë zyrtare me rastin e shënimit të 20 vjetorit në Kosovë. (Hotel Sirius, ora 10:00)

- Ministri i Kulturës, Rinisë dhe Sportit, Kujtim Gashi merr pjesë në Panairin e punësimit në Prizren. (Palestra sportive në Prizren, ora 11:00)

- Let's Do It Kosova organizon konferencë për media, ku do të prezentohen aktivitetet e planifikuara të cilat do të zhvillohen për Ditën e Pastrimit të Botës. (Zyret e Let's Do It në Pejton, rruga "Pashko Vasa", ora 11:00)

- Komuna e Prishtinës në bashkëpunim me Zyren e Bashkimint Evropian në Kosovë organizon zhvillon aktivitetin "Ngasja e çiklizmit - knaqesi dhe shendet". (Amfitetari sheshi "Zahri Pajaziti", ora 12:00)

- Lëvizja FOL organizon diskutimin e pestë në kuadër të Forumit FOL Hapur me Fatmir Limaj, Kandidat për Kryeministër nga Koalicioni NISMA-AKR-PD. (Lëvizjes FOL, ora 12:30)

- Kryeministri në detyrë, Ramush Haradinaj, merr pjesë në 20-vjetorin e themelimit të RTV Mitrovica. (Restorant Skandinavia, Koshtovë - Mitrovicë, ora 13:00)

- Filmi ZANA me regji te Antoneta Kastrati, nominimi i Kosoves për Oscars, pas premieres boterore ne festivalin e madh te Torontos shfaqet per gazetar në Cineplexx Kosove. (Cineplexx, Albi Mall,  ora 13:00)

- Ministri i Kulturës, Rinisë dhe Sportit, Kujtim Gashi merr pjesë në venien e gurthemelit te palestrës sportive në Dragash. (Dragash, ora 14:00)

- Kandidatja për kryeministre nga LDK-ja, Vjosa Osmani se bashku me krytarin e Komunës e Gjilanit, Lutfi Haziri takohen me rininë e LDK-së në Gjilan. (Shtëpi e Rinisë, Gjilan, ora 16:30)

- Kandidatja për kryeministre nga LDK-ja, Vjosa Osmani se bashku me krytarin e Komunës e Gjilanit, Lutfi Haziri takohen me gratë e Gjilanit. (Teatri e qytetit, ora 17:30)

- Zhvillohet defileu u grupeve që marrin pjesë në Festivalin Ballkanik të Folklorit. (Nisja nga shkollfa fillore “Selman Riza” përgjatë rrugës “Dardania”, ora 18:00)

- Fillon edicioni i III-të i Festivali Ballkanik të Folklorit në të cilin do të marrin pjesë Ansamble dhe grupe nga: Shqipëria, Kroacia, Bullgaria, Turqia, Maqedonia e Veriut, Mali i Zi dhe Kosova. (Ambientet e Shkollen fillore “Mihal Grameno” në Fushë-Kosovë, ora 19:00)