18 Shkurt 2019

Arrestohet personi i dyshuar për ‘vrasje në tentativë’

Pejë, 6 korrik - Policia e Kosovës ka bërë të ditur se stacioni policor Istog, dje rreth orës  19:30 pas hetimeve intensive dhe pranimit të informatës, kanë realizuar një operacion kontrolli në shtëpinë e të dyshuarit në fshatin Orroberdë të Istogut, me ç’rast kanë bërë arrestimin e personit të dyshuar për veprën e ‘Vrasjes në tentativë.

Personi i arrestuar është: V. H. i lindur me 1997 

I dyshuari, më datë 21 Qershor 2018 rreth orës 08:45 kishte plagosur viktimën (femër) shtetasen e Kosovës  M.M. lindur vitin 2000, me ç’rast i kishte shkaktuar plagë të rënda dhe e njëjta ishte dërguar me urgjencë për në spital.

I dyshuari ishte arratisur menjëherë pas kryerjes së veprës penale dhe kërkohej nga policia.

Me rastin e kësaj vepre janë duke u marr Hetimet Rajonale në bashkëpunim të plotë me prokurorin e çështjes dhe ky i dyshuar është ndaluar në bazë të vendimit të lëshuar nga prokurori i shtetit.

 

Kalendari

Ngjarjet e datës 19 shkurt 2019 - Mbahet mbledhja e Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit në të cilën do të behët shqyrtimi i raportit me amendamente në Projektligjin për Hetim Parlamentar. (Ndërtesa e Kuvendit, salla C 203, ora 11:00)

- Lëvizja Vetëvendosje organizon tryezën profesionale për tekstet shkollore dhe kurrikulën. (Ndërtesa e Kuvendit, salla C-405, ora 12:00)

- Bëhet përurimi i libri “Liri për Sadri Ramabajën” i përgatitur për botim nga Sherif Konjufca, kurse është botuar nga Shoqëria Lëvizja. (Bibliotekën kombëtare “Pjetër Bogdani”, ora 12:00)

- Partia Socialdemokrate organizon tryezë lidhur me pagën minimale, me titullin “Pagë me jetu!”. (Hotel Sirius, ora 13:00)

- Universiteti i Prishtinës “Hasan Prishtina” do të organizojë mbledhje komemorative pas ndarjes nga jeta të akademik Idriz Ajetit, i cili shërbeu edhe si rektor i Universitetit të Prishtinës. (Salla e Senatit në Rektorat, ora 14:00)

- Galeria e Ministrisë së Kulturës e fillon Programin e saj Artistik për vitin 2019 me ekspozitën “Origjinaliteti”, të autorit Visar Mulliqi. (Galeria e Ministrisë së Kulturës, ora 19:00)