20 Prill 2019

Arrestohet një i dyshuar për vjedhje në Prizren

Prizren, 22 tetor - Policia e Kosovës për rajonin e Prizrenti ka bërë të ditur se mbrëmë në mesnatë, rreth orës 00:05 minuta, Policia ka pranuar një informatë e cila bënte me dije se në rrugën “Iliret” po ndodh një vjedhje nga shtëpia.

Njësiti  patrullues i është përgjigjur rastit dhe me te afruar afër shtëpisë ku dyshohej se po kryhej vjedhja.

Banoret e asaj shtëpie nuk ishin prezent .Me te hyre në oborr të shtëpisë tre të dyshuarit AB,LF dhe FS pasi vërejnë patrullën policore fillojnë ikjen në drejtime të rrugës. Zyrtarët policorë fillojnë ne ndjekjen e të dyshuarve  ku arrijnë të ndalojnë dhe arrestojnë të dyshuarin AB kurse të dyshuarit LF dhe FS arrin te  ikin.

Gjatë ndjekjes së të dyshuarve njëri nga zyrtarët policor pëson lëndim në këmbën e djathë duke rënë nga muri me lartësi rreth dy metra.

Sipas raportit mjekësorë zyrtari policor ka lëndime të lehta trupore. Te i dyshuari i arrestuar gjatë bastisjes  dhe kontrollit  janë gjetur bizhuteri si dhe gjësende tjera të vjedhura nga ajo shtëpi.

Në vendngjarje ka dalë njësitet relevante te policisë  si dhe njësia e krim teknikës.

Në lidhje me rastin është njoftuar Prokurori Shtetit i cili ka rekomanduar që i dyshuari AB të ndalet në mbajtje për 48. Rasti është duke u hetuar nga  hetuesit policor.
 

Kalendari

Ngjarjet e datës 20 prill 2019 - Federata e pingpongut të Kosovës do të organizojë Turneun memorial për të rinjë "Bedri Ajeti". (Pallati i sporteve në Prishtinë, ora 9:30)

- Lëvizja Vetëvendosje mban konferencë për media! (Selia e Vetëndosje, ora 10:00)

- Ministri i Drejtësisë, Abelard Tahiri mban konferencë për media. (Press Qendra në Ndërtesën e Zyrës së Kryeministrit, ora 10:00)

- Alternativa mban konferencën e radhës të partisë në të cilën prezanton të gjetura dhe rekomandime për gjendjen mjedisore në Kosovë. (Zyret e partisë Alternativa. ora 10:00)

- Kryeministri Ramush Haradinaj merr pjesë Akademinë Përkujtimore me rastin e 20 vjetorit të rënies së Dëshmorëve të Brigadës 136 Rugova, që organizohet nën patronatin e kryeministrit. (Teatri “Istref Begolli” në Pejë, ora 11:00)

- Prokuroria Speciale e Republikës së Kosovës organizon Konferencë për media lidhur me kthimin e shtetasëve kosovarë nga Siria. (Objekti i Prokurorit të Shtetit, ora 12:30)

- Biznesi anëtarë në Odën e Afarizmit të Kosovës “Altera”, bën promovimin e librit të autorit Bashmir Xhemaj, “Një shqiptar në CIA - dy jetët e Destan Berishës”. (Libraria Altera në Prizren, ora 13:00)

- Lansohet projekti #Forheroines. (Para monumentit “Heroinat” në Prishtinë, ora 13:00)

- Shoqata Atlantiku mbanë konferencë përmbyllëse për media në të cilën përfaqësuesi i shoqatës Gani Shehu, do të pasqyrojë ngjarjet që kanë shënuar 20-vjetorin e ‘Batalionit Atlantiku’, mesazhin kyç dhe vizionin për angazhimet në të ardhmen. (Hotel Grand, ora 14:00)